好快英超就開鑼喇！事關英超轉會窗今季將會提前至開季之前就閂，英超球會喺開季後只會有出冇入，所以大部份球會嘅轉會都大致上完成。咁大家就可以放心排陣喇。大家記得喺香港時間8月11日凌晨2:00前排好陣。
我今篇會同大家講下我點解會揀呢啲球員同點排陣。由於距離截止時間都仲有一日，陣容都有機會因球員受傷情況或有關出場嘅消息而改變。預計陣容：4-4-2
本週陣容
守門員
守門員其實有兩種玩法，第一種係選擇兩個較為平價嘅門將作輪換；另一種就係揀一個貴價嘅門將，再配一個4.0M嘅門將。前者合共喺龍門嘅洗費會係9.0M或者9.5M，而後者合共嘅洗費就會係9.5M，甚至達到10.0M。前者嘅策略比較考眼光，玩家需要因應每週嘅賽程去揀出自己隊嘅正選門將；而後者就只需要揀一個長期可以不失球嘅門將就可以，通常都會係Big 6嘅門將，然後為咗令球隊有更多嘅資金放落場區嘅球員身上，後備門將通常都會係冇乜出場機會嘅4.0M門將。喺季初，我會選用後者嘅策略，原因係擁有4.5M門將嘅球隊嘅賽程都比較難打，例如：韋斯咸（Westham）嘅法比安斯基（Fabianski）、白禮頓（Brighton）嘅馬菲賴恩（Matt Ryan）同哈特斯菲爾德（Huddersfield）嘅盧素（Lossl）。喺門將位置上，我係選擇咗上季第二高分嘅守門員—曼城（Man City）嘅艾達臣（Ederson）。Ederson
選擇艾達臣嘅原因有幾個：
後衛
我選擇嘅五名後衛都係嚟自唔同嘅球隊，分別係修咸頓（Southampton）嘅薛迪索拉斯（Cedric Soares）、水晶宮（Crystal Palace）嘅雲比沙卡（Wan-Bissaka）、般尼（Burnley）嘅賓美（Mee）、利物浦（Liverpool）嘅羅拔臣（Robertson）同般尼茅夫（Bournemouth）嘅丹尼斯（Daniels）。選擇佢哋嘅最大原因都係考慮到呢幾隊開季嘅賽程算係比較易打。而喺第1週嘅比賽，我決定出四名後衛，包括：雲比沙卡、賓美、羅拔臣同丹尼斯。般尼對修咸頓，由於般尼上季防守非常出色，所以我選擇用賓美，同埋都考慮到修咸頓嘅薛迪索拉斯未必會喺首場擔正。利物浦第1場聯賽只係對住韋斯咸，相信羅拔臣應該都締造到不失球。加上羅拔臣係上季英超場均得分最高嘅後衛，同馬高斯阿朗素（Marcos Alonso）同菲爾鍾斯（Phil Jones）並列榜首。至於般尼茅夫就只係對住升班馬嘅卡迪夫城（Cardiff），所以都會投丹尼斯一票。而水晶宮亦係對住另一支升班馬富咸（Fulham），所以會放返一個水晶宮後衛。選擇雲比沙卡嘅原因係佢只係需要4.0M，仲要喺熱身賽擔任過唔少正選，所以預計新球季開始，佢都係水晶宮嘅正選右閘。Robertson
中場
我嘅中場配置係三個貴價中場、一個中價同一個5.0M嘅中場。5.0M中場，我嘅揀人準則係場場出、間唔中入到波或者交到助攻就可以。基於呢個準則，我相中咗富咸嘅卡亞尼（Cairney），佢係富咸隊長，所以並唔擔心佢嘅出場機會。加上佢上季英冠幫富咸攻入5球並交出5個助攻，作為一個價值5.0M嘅中場，數據係絕對唔錯。不過，今週卡亞尼並唔喺我嘅正選入面，因為陣中有其他更好嘅選擇。
正選嘅四名中場分別係，利物浦嘅沙拿（Salah）、熱刺（Spurs）嘅艾歷臣（Eriksen）、愛華頓（Everton）嘅李察利臣（Richarlison）同曼城嘅貝拿度施華（Bernardo Silva）。揀沙拿嘅原因係非常明顯，就係因為佢係上季破紀錄，成為全英超得分最高嘅球員，而且係暫時今季最多人揀嘅球員，超過50%人揀。有鑑於熱刺開季初段缺少哈利卡尼（Harry Kane）、迪利亞里（Alli）、孫興民（Son）等正選，咁艾歷臣就會成為熱刺嘅命脈，加上艾歷臣嘅罰球都唔錯，增加咗佢搶分嘅瓣數。至於李察利臣，上季佢喺屈福特所取得嘅5入球、8助攻全部來自領隊馬高施華嘅麾下。隨住馬高施華轉投愛華頓，李察利臣今季亦到愛華頓同恩師重逢。估計馬高施華會重用李察利臣同擁有李察利臣嘅說明書，所以我個陣中會放李察利臣。睇完社區盾後，我俾貝拿度施華嘅表現深深吸引住，佢同阿古路（Aguero）係暫時曼城陣中最搶鏡嘅球員。喺社區盾嘅比賽，貝拿度施華就為阿古路送出1球助攻，佢嘅中場串聯同突破都係做得非常之好。由於奇雲迪布尼（De Bruyne）同史達寧（Sterling）只係歸隊冇耐，同埋哥迪奧拿喺賽後都有讚揚呢位曼城中場，預計佢喺季初都會有正選踢嘅。Bernardo Silva
前鋒
我選擇嘅三個前鋒，我只係預計得兩個係會獲得出場機會，第三前鋒只係為咗湊夠腳，所以會係選擇一個最平價嘅前鋒。我嘅正選前鋒係阿古路同韋費特沙夏（Zaha）。選擇阿古路嘅原因好大程度上係因為佢喺社區盾嘅表現，睇到阿古路嘅狀態係非常之好，走位靈活，射門準繩度高，仲要梅開二度。預計哥迪奧拿應該冇咁快出耶穌（Jesus），畢竟耶穌都係比阿古路較遲至歸隊。另外，阿古路亦都係上季英超場均得分最高嘅前鋒。
另外一個7.0M嘅前鋒位置，我心水就只得兩個，分別係韋費特沙夏同阿拿杜域（Arnautovic）。選擇韋費特沙夏嘅原因係好大程度上考慮到水晶宮同韋斯咸嘅賽程，水晶宮頭9週只需要hai第2週對Big 6嘅利物浦，相反，韋斯咸除咗第1週要對利物浦之外，第3週亦需要對阿仙奴，更可怕嘅係韋斯咸頭9週就已經要五對Big 6球隊。相比之下，水晶宮嘅賽程無疑係輕鬆得多。
Aguero
FPL Guy已經成立咗一個league名為FPL Guys，大家快啲邀請埋你哋嘅朋友一齊加入，互相切磋同交流啦！越多人玩，越熱鬧，希望聚集到一班熱愛玩FPL嘅朋友！Code to join: 1000936-577294
請不忘讚好我的專頁：https://www.facebook.com/fplguy1905/
我今篇會同大家講下我點解會揀呢啲球員同點排陣。由於距離截止時間都仲有一日，陣容都有機會因球員受傷情況或有關出場嘅消息而改變。預計陣容：4-4-2
本週陣容
守門員
守門員其實有兩種玩法，第一種係選擇兩個較為平價嘅門將作輪換；另一種就係揀一個貴價嘅門將，再配一個4.0M嘅門將。前者合共喺龍門嘅洗費會係9.0M或者9.5M，而後者合共嘅洗費就會係9.5M，甚至達到10.0M。前者嘅策略比較考眼光，玩家需要因應每週嘅賽程去揀出自己隊嘅正選門將；而後者就只需要揀一個長期可以不失球嘅門將就可以，通常都會係Big 6嘅門將，然後為咗令球隊有更多嘅資金放落場區嘅球員身上，後備門將通常都會係冇乜出場機會嘅4.0M門將。喺季初，我會選用後者嘅策略，原因係擁有4.5M門將嘅球隊嘅賽程都比較難打，例如：韋斯咸（Westham）嘅法比安斯基（Fabianski）、白禮頓（Brighton）嘅馬菲賴恩（Matt Ryan）同哈特斯菲爾德（Huddersfield）嘅盧素（Lossl）。喺門將位置上，我係選擇咗上季第二高分嘅守門員—曼城（Man City）嘅艾達臣（Ederson）。Ederson
選擇艾達臣嘅原因有幾個：
- 曼城嘅賽程—除咗英超首戰對阿仙奴（Arsenal）外，曼城往後嘅6場賽事都只係對住弱隊，選擇艾達臣絕對係一個唔錯嘅長遠選擇。再加上，上季曼城聯賽分別贏阿仙奴3比1同3比0。只要曼城唔會失2球或以上，艾達臣都唔會被扣分，所以曼城對阿仙奴，我會投艾達臣一票。
- 曼城嘅不失球（Clean Sheet）場數—上季曼城嘅不失球場數只係僅次於曼聯，達到16場，所以防線上理應要有曼城嘅球員。有鑑於曼城正選嘅後衛價格都達到6.0M或者6.5M，而買入艾達臣只係需要5.5M就可以拎到曼城嘅不失球分數。同埋，曼城係上季全英超失球最少嘅球隊，僅失27球。因此，揀用艾達臣可以大大減低咗守門員因為失波而被扣分嘅風險。
- 性價比—以上季嘅分數嚟講，艾達臣係咁多個5.5M嘅守門員之中最高分嘅。
後衛
我選擇嘅五名後衛都係嚟自唔同嘅球隊，分別係修咸頓（Southampton）嘅薛迪索拉斯（Cedric Soares）、水晶宮（Crystal Palace）嘅雲比沙卡（Wan-Bissaka）、般尼（Burnley）嘅賓美（Mee）、利物浦（Liverpool）嘅羅拔臣（Robertson）同般尼茅夫（Bournemouth）嘅丹尼斯（Daniels）。選擇佢哋嘅最大原因都係考慮到呢幾隊開季嘅賽程算係比較易打。而喺第1週嘅比賽，我決定出四名後衛，包括：雲比沙卡、賓美、羅拔臣同丹尼斯。般尼對修咸頓，由於般尼上季防守非常出色，所以我選擇用賓美，同埋都考慮到修咸頓嘅薛迪索拉斯未必會喺首場擔正。利物浦第1場聯賽只係對住韋斯咸，相信羅拔臣應該都締造到不失球。加上羅拔臣係上季英超場均得分最高嘅後衛，同馬高斯阿朗素（Marcos Alonso）同菲爾鍾斯（Phil Jones）並列榜首。至於般尼茅夫就只係對住升班馬嘅卡迪夫城（Cardiff），所以都會投丹尼斯一票。而水晶宮亦係對住另一支升班馬富咸（Fulham），所以會放返一個水晶宮後衛。選擇雲比沙卡嘅原因係佢只係需要4.0M，仲要喺熱身賽擔任過唔少正選，所以預計新球季開始，佢都係水晶宮嘅正選右閘。Robertson
中場
我嘅中場配置係三個貴價中場、一個中價同一個5.0M嘅中場。5.0M中場，我嘅揀人準則係場場出、間唔中入到波或者交到助攻就可以。基於呢個準則，我相中咗富咸嘅卡亞尼（Cairney），佢係富咸隊長，所以並唔擔心佢嘅出場機會。加上佢上季英冠幫富咸攻入5球並交出5個助攻，作為一個價值5.0M嘅中場，數據係絕對唔錯。不過，今週卡亞尼並唔喺我嘅正選入面，因為陣中有其他更好嘅選擇。
正選嘅四名中場分別係，利物浦嘅沙拿（Salah）、熱刺（Spurs）嘅艾歷臣（Eriksen）、愛華頓（Everton）嘅李察利臣（Richarlison）同曼城嘅貝拿度施華（Bernardo Silva）。揀沙拿嘅原因係非常明顯，就係因為佢係上季破紀錄，成為全英超得分最高嘅球員，而且係暫時今季最多人揀嘅球員，超過50%人揀。有鑑於熱刺開季初段缺少哈利卡尼（Harry Kane）、迪利亞里（Alli）、孫興民（Son）等正選，咁艾歷臣就會成為熱刺嘅命脈，加上艾歷臣嘅罰球都唔錯，增加咗佢搶分嘅瓣數。至於李察利臣，上季佢喺屈福特所取得嘅5入球、8助攻全部來自領隊馬高施華嘅麾下。隨住馬高施華轉投愛華頓，李察利臣今季亦到愛華頓同恩師重逢。估計馬高施華會重用李察利臣同擁有李察利臣嘅說明書，所以我個陣中會放李察利臣。睇完社區盾後，我俾貝拿度施華嘅表現深深吸引住，佢同阿古路（Aguero）係暫時曼城陣中最搶鏡嘅球員。喺社區盾嘅比賽，貝拿度施華就為阿古路送出1球助攻，佢嘅中場串聯同突破都係做得非常之好。由於奇雲迪布尼（De Bruyne）同史達寧（Sterling）只係歸隊冇耐，同埋哥迪奧拿喺賽後都有讚揚呢位曼城中場，預計佢喺季初都會有正選踢嘅。Bernardo Silva
前鋒
我選擇嘅三個前鋒，我只係預計得兩個係會獲得出場機會，第三前鋒只係為咗湊夠腳，所以會係選擇一個最平價嘅前鋒。我嘅正選前鋒係阿古路同韋費特沙夏（Zaha）。選擇阿古路嘅原因好大程度上係因為佢喺社區盾嘅表現，睇到阿古路嘅狀態係非常之好，走位靈活，射門準繩度高，仲要梅開二度。預計哥迪奧拿應該冇咁快出耶穌（Jesus），畢竟耶穌都係比阿古路較遲至歸隊。另外，阿古路亦都係上季英超場均得分最高嘅前鋒。
另外一個7.0M嘅前鋒位置，我心水就只得兩個，分別係韋費特沙夏同阿拿杜域（Arnautovic）。選擇韋費特沙夏嘅原因係好大程度上考慮到水晶宮同韋斯咸嘅賽程，水晶宮頭9週只需要hai第2週對Big 6嘅利物浦，相反，韋斯咸除咗第1週要對利物浦之外，第3週亦需要對阿仙奴，更可怕嘅係韋斯咸頭9週就已經要五對Big 6球隊。相比之下，水晶宮嘅賽程無疑係輕鬆得多。
Aguero
FPL Guy已經成立咗一個league名為FPL Guys，大家快啲邀請埋你哋嘅朋友一齊加入，互相切磋同交流啦！越多人玩，越熱鬧，希望聚集到一班熱愛玩FPL嘅朋友！Code to join: 1000936-577294
請不忘讚好我的專頁：https://www.facebook.com/fplguy1905/
請按此登錄後留言。未成為會員? 立即註冊