摩迪復出活力四射 新球季劍指西甲

西甲第二輪終於回到班拿貝球場迎戰切爾達。原以為輕鬆的比賽因切爾達全場緊迫的原故,使比賽始終膠著。最後皇馬有驚無險以2:1拿下本季主場首勝。

摩迪復出 活力四射
本輪賽事有摩迪復出(前一輪需執行上季的停賽),上陣時間69’,貢獻3次射門,4次過人,80%傳球成功率。體力未足,但球味依然充足。吸睛的踢法、細緻的技術成為本場比賽少有亮點,並始終帶動皇馬打出攻勢。

比賽第一分鐘就見到摩迪的活躍表現:當時摩迪出現於右閘位置準備接應傳球,貌似死位,一般球員都會用背脊頂住防守球員,再搵隊友。但摩迪就係有佢靈敏的地方——當背後防守球員打算出腳一刻,將皮球用腳內檔推往邊線空位,隨即轉身,大步推前;當防守球員貼上追身時,則用左腳踏前同時右腳拉後,騙到防守球員傾前;就喺呢剎那,使出腳面傳球,好瀟灑地傳番比隊友。

整場比賽都見到摩迪瀟灑的影子:假身控球,其實推前,然後拉弓抽射中楣(片段2:25);接應巴利one touch pass抽射龍門(3:05);邊線扮控球,其實溜走到空位傳中,等等……之所以仔細描述,正正係因為摩迪每每能夠喺球隊受壓、缺乏空間時,用細緻的技術,喺一般球員唔會留意的細節上打破缺口,本場亦然。

摩迪比賽精華

「除左皇馬之外,我對其他球隊無興趣!」
對皇馬而言,摩迪係不可或缺的一人;而對摩迪黎講,皇馬同是不可取替。最近摩迪接受克羅地亞報章Sportske Novosti時講到:「除左皇馬之外,我對其他球隊無興趣。我喺呢度非常開心!」

「可能有其他球隊對我有興趣,但我唔想知。我已經同經理人講左,我唔想知道任何有關其他隊伍的事,而且我聽都唔想聽。」

「我的使命,就係只要皇馬需要我,我就會留喺度。」

目標 西甲
自從2012從熱刺加盟之後,摩迪已經嬴盡球會獎盃——除左西甲冠軍之外。合約期至2018的摩迪,傳聞正與皇馬商洽新約,佢就講到:「西甲係我唯一喺呢度未嬴取的獎盃。」

「四年來沒有嬴得西甲,對皇馬呢個規模的球會黎講實在意味住太多…」

「係時候由我地改變了。」

對皇馬球迷而言,有摩迪,就有希望了。


Reference: http://en.as.com/en/2016/08/29/football/1472466211_681580.html

如果喜歡我們的文章,請即分享到︰

標籤: 皇馬  real madrid  modric  luka  摩迪  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→