皇馬 新的紀元


2016/2017西甲即將開打,而今季嘅皇馬有幾個特別嘅地方,令我對此球季特別期待。

首先,施丹作為領隊為球隊帶來穩定:有別於此前多年,今年夏季佩雷斯沒有做岀買入過多球星取代重要骨幹嘅舉動,看得出球隊能以保持平衡為基調。以往被賣走重要主力後,領隊只能默默服從。前有迪保斯基執教時被放左馬基利尼,後有安察洛堤時被放走迪馬利亞。能有此分別相信因為佩雷斯對施丹投入百份百信任(至少目前為止)。

第二,球隊上下都展現清晰的組建思路:球隊早早與卡斯米路續約;多次被問及巴利、卻奧斯、華拉尼會否轉會,施丹亦堅決反對;沒有盲目追逐普巴而打破中場平衡。一切舉行看似簡單,但要發生於皇馬身上係何其難!所以今季的球隊穩健度比以往更好,有助進一步培養默契、磨練戰術。

第三,皇馬青訓開始展現力量:前線有回購磨練兩年嘅莫拉達、收回於愛斯賓奴表現出色嘅阿辛斯奧;中場有突破力強大嘅華斯基斯;後防有拿祖、卡華積;門將有卡斯拿。作為皇馬球迷十分欣喜,因為見證皇馬由不重視青訓,到有青訓佔據主力位置,期間嘅等待實在漫長。

第四,球隊結構上佳:陣中有多名身經百戰、有冠軍經驗嘅戰將—拉莫斯、C朗、賓斯馬、巴利、馬些路、比比、摩迪、卻奧斯;亦有多名亟欲想證明自己嘅中青球員—卡華積、拿祖、華斯基斯、伊斯高、卡斯米路;更有多名潛力高的年青球員—阿辛斯奧、莫拉達、高華錫、華拉尼。保持良好的球隊結構,除左有利球隊的組建和傳承,更重要係能促進隊內球員作岀良性競爭,提升整體實力。

第五,球隊比兩年前更有經驗。經歷前年十冠球季後,球隊再次跌入谷底,感受過失敗、嘗試過自滿的結果、明白到合作的重要、體會到作為皇馬球員的常勝感,繼而從谷底反彈,最後奪取歐聯。就因為下墜嘅幅度大,所以反彈嘅高度更大。相信新球季中,無論新舊球員都能比以往更成熟、更專注、更飢餓、更自豪。而以上幾樣精神特質,正係分野好球員和冠軍球員之別。

相信今季將會係精彩嘅一個球季,期待來年皇馬於豐收廣場慶祝嘅場面。

如果喜歡我們的文章,請即分享到︰

標籤: 皇馬  皇家馬德里  RM  Real Madrid  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→