令人眼前一亮的安素施丹

收獲第十一座歐聯獎盃既興奮感仍未消退,今年既漫長暑假對皇馬球迷而言,最深刻一定係用年青陣容擊退西維爾嬴得歐洲超級盃,與及阿辛斯奧一腳天外飛仙既世界波。

除此之外,今年暑假重有幾個值得注意既地方,首先呢個係施丹作為領隊第一次帶隊進行暑假熱身賽;此外,大部份主力球員都不在陣中,因此主要以年青球員作賽,當中除左有較為出名既阿辛斯奧、奧迪加特之外,我認為馬利安奴及安素施丹既表現都令人期待。

就喺最後一場對陣Remis既熱身賽中,安素施丹就同馬利安奴合力炮製左個令人拍案叫絕既精彩入球,去片:

https://www.youtube.com/watch?v=LpqGUr4g00A#action=share
除左呢個助攻精彩之後,其實安素施丹係今場比賽都製造左多次威脅攻門。但最令皇馬球迷心動既係,安素既盤球動作、身體調整、踢球方式等,都同傳奇施丹非常相似。

安素施丹對Remis個人精華
https://youtu.be/AGgrZGjOquU

施丹
https://www.youtube.com/watch?v=kNxu_RGi8ek
皮球落係腳下就會乖乖靜止;只要調整身體動作同重心就會將個波控到定一定;輕盈既插花、柔軟既盤球;充滿球味既腳背傳控;似係跳舞既盤帶,一見到安素施丹就令人非常懷念!

現年21歲既安素,於1995年喺波爾多出世。9歲起加入皇馬青年軍,直到上年成為Castilla既副隊長於第三級聯賽為皇馬上陣。Castilla領隊話安素對第三組別而言已經太好,所以施丹決定本季會將安素外借,吸取一隊上陣機會。

傳聞英超升班馬米杜士堡,與及多隊西甲球隊均有興趣簽入安素;當中以米杜士堡機會最大,因為球隊領隊為前皇馬球員及教練卡蘭卡,而此前米堡亦已簽入皇馬青訓產品尼格度,相信會以西班牙化之路發展。作為傳奇之後既安素施丹,都唔想活喺巨人老豆之下,有傳安素想喺波衫度印媽媽既名字Fernandez,而唔係印Zidane!

無論如何,都衷心希望安素施丹於來季會有好表現!喺下年再回歸皇馬!

如果喜歡我們的文章,請即分享到︰

標籤: 安素  施丹  Enzo  Zidane  Castilla  Real Madrid  皇家馬德里  

留言


請按此登錄後留言。未成為會員? 立即註冊
    快捷鍵:←
    快捷鍵:→