能否炒 L 左賓尼迪斯?

開始打呢篇文既時候,岩岩打完半場,大家都知道上半場發生咩事。

作為皇馬既忠實球迷,望住十一位球員追住個波係咁跑真係好心痛。其實我唔知自己喺度「欣賞」緊啲乜?

你老闆,真係多謝賓尼迪斯,將一支擁有廿五位世界級球星、前年既歐聯得主隊伍,改變成今日呢隊小學雞假老虎皇馬。一拎到波就叫啲前鋒係咁鳩跑,中場傳波又急又躁,後防毫無協調;對手一控波就有理無理飛撲過去,比人搓幾腳就成條後防錯配哂比人任打唔嬲。

大家係咪覺得似曾相識?係呀,因為呢隊球隊好有幾年前摩連奴初執教皇馬時期既影子。當時正值巴塞既癲峰時期,果陣既美斯係唔會控甩波的。而當時既皇馬就係一隊牌面頂盛,但實質毫無自信既球隊;而今日大家見到既皇馬,縱使有多位派牌、控球世界級既中場好手,但仍然打得比狗衝既毒撚更魯莽。真係想問:「呢隊皇馬,喺度做乜鳩?」

其實唔難估,事實上一切都好多謝賓尼迪斯,同埋佢既fucking伯樂佩雷斯。如果有留意賓尼迪斯堀起既歷史,就可以判斷到佢既保守程度,先有雙防中華倫西亞、再有雙防中利物浦、然後到拿波里令到隊中大牌咸錫啞火。「防守專家」實在唔係浪得虛名,封鎖哂自己隊既進攻潛質。作為教練,對自己既球隊毫無自信,任憑球員能力再強都未能抒展。

白衣皇馬,喺球壇代表既係世界最高水準,集結世界最佳球員既一隊。長久以來,球迷對球隊既要求都必需最強大、最優秀、最自信。今日既正選班底,去到世上任何一隊都必定係正選球員(除左包越位、無建樹既丹尼路)。如此狼狽既表現,點樣忍?

皇馬既血統、血性,又幾時先可以重現?見到下半場卡華積傷逾既復出、全力進攻既表現;重有馬些路係後備席忍忍啜泣既神情,我地知道呢班球員同幾年前奪冠既時候都一樣,好有鬥心、好想嬴。

趁呢班球員重正值當打,真係希望可以快啲炒左賓尼迪斯,重新建立皇馬既傲氣。

總結一句,賓尼迪斯,不配就係不配。Hopeless。

留言


請按此登錄後留言。未成為會員? 立即註冊
  • Siu Fung Tam 於 22/11/2015 評論 NO. 1

    不能同意更多

  • 基奧特 於 22/11/2015 評論 NO. 2

    肥賓返屋企訓交la,好教吾教教皇馬,教中型班就差唔多

  • rickytct 於 22/11/2015 評論 NO. 3

    恨就恨你地有個仆街佩雷斯,係佢令我憎皇馬
    利申:曼迷

  • 史杜 於 22/11/2015 評論 NO. 4

    梗係炒請佢果個啦…有得揀嘅話

  • Wo Yuen 於 22/11/2015 評論 NO. 5

    你去教啦苯蕉...擺明人腳戰術配合高你一班啦⋯⋯只靠屍朗一人球隊...死路一條

  • rickytct 於 22/11/2015 評論 NO. 6

    人腳戰術高幾班?你盲撚左定痴撚左線,唔撚識波咪撚嘈,肥賓同肥安根本冇撚得比,另外皇馬今場輸真係輸後防,當然無可否認尼馬同阿so堅勁,但唔撚好同我講唔關佩狗同賓狗事,呢隊皇馬同上年果隊差左九條街

  • Wo Yuen 於 22/11/2015 評論 NO. 7

    關9事

  • Stevengngng 於 23/11/2015 評論 NO. 8

    車仔咪又係衰到貼地
    關咩事丫

快捷鍵:←
快捷鍵:→