皇馬係世界上最成功嘅球會之一。咁多年來，佢哋都係各大球星夢寐以求嘅去處。加上長年財力雄厚，佢哋好容易就招到各路英雄入隊。多選擇之下自然有競爭，如果球員融入唔到隊波，或者表現唔好，就好難喺皇馬一隊立足。古有森美爾丶洛賓丶華達華治等人，即使喺皇馬踢得唔如意，去到其他球會都能闖出一片天。而最近呢幾年都有唔少例子。
1.占士洛迪古斯 (James Rodriguez)
2014年世盃金球獎得主，占士係其中一位剛剛離開皇馬嘅球員，佢亦係筆者寫呢篇文嘅原因。占士其實唔係第一次離開皇馬。17/18球季曾經外借到拜仁兩季，借入佢嘅正正係而今愛華頓教頭安察洛提。雖然安帥喺期間離隊，但占士喺拜仁都共有14入球15助攻嘅不俗成績。上季返到皇馬後，占士喺西甲只係有420分鐘上陣時間，處於球隊邊緣狀態。而今季去到愛華頓後，占士成為安帥嘅進攻核心，放喺右翼位置踢波，主要放長傳同遠射。兩場英超交出入球一助攻。雖然已經29歲，但我認為佢能力仲未見頂，希望今次喺伯樂手上，佢可以有好嘅發揮。
2.施巴路斯(Dani Ceballos)
出自貝迪斯青訓，佢嘅職業初期都喺呢支母會效力，年輕時更加為西班牙奪得U19同U21歐國盃。有出色表現自然吸引皇馬注意，2017/18球季以約1500萬鎊將其收歸旗下。然而，佢加盟嘅時間正值皇馬全盛期。中場線星光熠熠，同摩迪，卻奧斯同卡斯米路相比，施巴路搶唔到正選亦都唔令人意外，只能成為三人之後嘅替補，亦令佢決定出走發展。去到阿仙奴受到艾馬利同阿迪達重用，同沙卡喺中場線合作，自己擅於帶波突破，拍檔就負責後場較炮，兩人可以互補長短，尤其喺阿迪達採用三中堅陣式後，兩位中場球員防務唔多，以遮線為主。雖然上季冇喺英超入波，亦只交出兩個助攻。施巴路斯唔係阿仙奴嘅焦點球員，但都能佔得一席正選，相信都達成到佢出走嘅目標。
3.高華錫(Mateo Kovacic)
15/16球季以約3500萬鎊由國米加盟，同施巴路斯比較，高華錫本來出場機會較多，但係佢喺皇馬並冇一個明確嘅角色，喺攻中，防中，甚至兩側位置都擔任過。佢喺皇馬生涯轉捩點係施丹執教之時，法國名宿同上任嘅賓尼迪斯唔同，唔再重用高華鍚。雖然施丹贏盡錦標，但就犧牲咗高華鍚。喺上陣時間大幅減少下，佢最終去到車路士。無論沙利同林伯特都好重用呢位球員高華鍚。不論第一季同夏薩特嘅配合，定係第二季喺後場帶波丶解除逼搶嘅能力都獲得正面評價，亦都係車路士球員中，少數有能力同利物浦丶曼城等強隊一較高下嘅好手。19/20球季更加被選為車路士最佳球員。
4.馬高斯洛蘭迪(Marcos Llorente)
皇馬自家青訓產品，15/16外借到艾拉維斯成為必然正選，加上良好演出，外借一年後就返到母會，正式成為一隊成員。換言之佢同上面提到嘅施巴路斯同期。但係佢嘅上陣時間比施巴路斯更少，每年只有約500分鐘西甲上陣機會。馬高斯洛蘭迪喺上季以2700萬英鎊轉投同市球隊馬德里體育會。施蒙尼本來都只係視佢為後備，但馬高斯洛蘭迪喺今年一月之後，把握到高基同靴里拉接連受傷，漸漸成為正選。因為勤力，馬高斯洛蘭迪越來越受施蒙尼重用，後者亦都發掘到前者喺進攻方面嘅能力，更會安排右翼同前進位置上陣，最終馬高斯洛蘭迪喺西甲交出3入球3助攻。
5.迪奧靴南迪斯(Theo Hernandez)
同哥哥盧卡斯一樣，迪奧靴南迪斯出自馬體會青訓，16/17球季外借到艾拉維斯，及後被皇馬以解約金(2400萬歐元)買入。踢左閘嘅佢冇辦法喺馬些路身上搶得正選，但佢嘅出場機會比上面幾位球員多，西甲有13場出陣機會，西班牙盃更踢足六場。佢喺皇馬嘅生涯只得一季咁多，18/19球季外借到皇家蘇斯達，19/20就被賣到意甲AC米蘭。迪奧靴南迪斯憑自己嘅速度，助攻助守，經常自己帶波推進。佢不但成為米蘭正選，我甚至認為佢係而家意甲最佳左閘。
總結
喺粒粒皆星嘅皇馬入面，年輕球員要上位十分困難，偏偏皇馬嘅吸引力同財力，成功邀得好多球員。但係入面競爭太大，大部分都無法坐正，最終浪費咗佢哋嘅天份。皇馬又經常有新兵加盟，未養熟一個年輕球員就買第二個，導致上面有好幾位都係留喺皇馬一兩年，偏偏嗰一兩年就係對球員成長最重要嘅時間。如果佢哋留喺較細嘅球會，出場機會更多嘅話，佢哋喺球場上嘅成就可能更高。我預期往後日子會繼續有失意皇馬兵。祖域丶伊斯高丶阿辛斯奧等人上陣機會越來越少，好大機會就係新一批失意人。相信過多一兩年就會離隊。究竟佢哋喺被皇馬浪費，定係能力真係見頂？大家又有冇意見呢。
1.占士洛迪古斯 (James Rodriguez)
2014年世盃金球獎得主，占士係其中一位剛剛離開皇馬嘅球員，佢亦係筆者寫呢篇文嘅原因。占士其實唔係第一次離開皇馬。17/18球季曾經外借到拜仁兩季，借入佢嘅正正係而今愛華頓教頭安察洛提。雖然安帥喺期間離隊，但占士喺拜仁都共有14入球15助攻嘅不俗成績。上季返到皇馬後，占士喺西甲只係有420分鐘上陣時間，處於球隊邊緣狀態。而今季去到愛華頓後，占士成為安帥嘅進攻核心，放喺右翼位置踢波，主要放長傳同遠射。兩場英超交出入球一助攻。雖然已經29歲，但我認為佢能力仲未見頂，希望今次喺伯樂手上，佢可以有好嘅發揮。
2.施巴路斯(Dani Ceballos)
出自貝迪斯青訓，佢嘅職業初期都喺呢支母會效力，年輕時更加為西班牙奪得U19同U21歐國盃。有出色表現自然吸引皇馬注意，2017/18球季以約1500萬鎊將其收歸旗下。然而，佢加盟嘅時間正值皇馬全盛期。中場線星光熠熠，同摩迪，卻奧斯同卡斯米路相比，施巴路搶唔到正選亦都唔令人意外，只能成為三人之後嘅替補，亦令佢決定出走發展。去到阿仙奴受到艾馬利同阿迪達重用，同沙卡喺中場線合作，自己擅於帶波突破，拍檔就負責後場較炮，兩人可以互補長短，尤其喺阿迪達採用三中堅陣式後，兩位中場球員防務唔多，以遮線為主。雖然上季冇喺英超入波，亦只交出兩個助攻。施巴路斯唔係阿仙奴嘅焦點球員，但都能佔得一席正選，相信都達成到佢出走嘅目標。
3.高華錫(Mateo Kovacic)
15/16球季以約3500萬鎊由國米加盟，同施巴路斯比較，高華錫本來出場機會較多，但係佢喺皇馬並冇一個明確嘅角色，喺攻中，防中，甚至兩側位置都擔任過。佢喺皇馬生涯轉捩點係施丹執教之時，法國名宿同上任嘅賓尼迪斯唔同，唔再重用高華鍚。雖然施丹贏盡錦標，但就犧牲咗高華鍚。喺上陣時間大幅減少下，佢最終去到車路士。無論沙利同林伯特都好重用呢位球員高華鍚。不論第一季同夏薩特嘅配合，定係第二季喺後場帶波丶解除逼搶嘅能力都獲得正面評價，亦都係車路士球員中，少數有能力同利物浦丶曼城等強隊一較高下嘅好手。19/20球季更加被選為車路士最佳球員。
4.馬高斯洛蘭迪(Marcos Llorente)
皇馬自家青訓產品，15/16外借到艾拉維斯成為必然正選，加上良好演出，外借一年後就返到母會，正式成為一隊成員。換言之佢同上面提到嘅施巴路斯同期。但係佢嘅上陣時間比施巴路斯更少，每年只有約500分鐘西甲上陣機會。馬高斯洛蘭迪喺上季以2700萬英鎊轉投同市球隊馬德里體育會。施蒙尼本來都只係視佢為後備，但馬高斯洛蘭迪喺今年一月之後，把握到高基同靴里拉接連受傷，漸漸成為正選。因為勤力，馬高斯洛蘭迪越來越受施蒙尼重用，後者亦都發掘到前者喺進攻方面嘅能力，更會安排右翼同前進位置上陣，最終馬高斯洛蘭迪喺西甲交出3入球3助攻。
5.迪奧靴南迪斯(Theo Hernandez)
同哥哥盧卡斯一樣，迪奧靴南迪斯出自馬體會青訓，16/17球季外借到艾拉維斯，及後被皇馬以解約金(2400萬歐元)買入。踢左閘嘅佢冇辦法喺馬些路身上搶得正選，但佢嘅出場機會比上面幾位球員多，西甲有13場出陣機會，西班牙盃更踢足六場。佢喺皇馬嘅生涯只得一季咁多，18/19球季外借到皇家蘇斯達，19/20就被賣到意甲AC米蘭。迪奧靴南迪斯憑自己嘅速度，助攻助守，經常自己帶波推進。佢不但成為米蘭正選，我甚至認為佢係而家意甲最佳左閘。
總結
喺粒粒皆星嘅皇馬入面，年輕球員要上位十分困難，偏偏皇馬嘅吸引力同財力，成功邀得好多球員。但係入面競爭太大，大部分都無法坐正，最終浪費咗佢哋嘅天份。皇馬又經常有新兵加盟，未養熟一個年輕球員就買第二個，導致上面有好幾位都係留喺皇馬一兩年，偏偏嗰一兩年就係對球員成長最重要嘅時間。如果佢哋留喺較細嘅球會，出場機會更多嘅話，佢哋喺球場上嘅成就可能更高。我預期往後日子會繼續有失意皇馬兵。祖域丶伊斯高丶阿辛斯奧等人上陣機會越來越少，好大機會就係新一批失意人。相信過多一兩年就會離隊。究竟佢哋喺被皇馬浪費，定係能力真係見頂？大家又有冇意見呢。
請按此登錄後留言。未成為會員? 立即註冊