BLM不再?昆士柏流浪賽前不再單膝跪

黃足坑 於 22/09/2020 發表 收藏文章
唔知大家仲記唔記得昆士柏流浪呢?佢哋當年成為曼城首奪英超嘅配角,之後喺12/13同14/15球季兩次從英超降班,再冇喺頂級聯賽舞台獻技。佢哋上週末以3-2不敵升班嘅高雲地利。不過比賽唔係嬴就係輸架啦。呢場比賽之前嘅舉動更加令人留意。

眾所周知,上年復賽開始,大部份比賽之前都會有短暫單膝跪環節,以表達種族平等同抗議警暴。直到新球季開始,呢個環節仍然存在。去到上個星期,昆士柏流浪作客高雲地利時,客隊就冇再咁做,引起網上唔少人質疑。

時隔兩日,昆士柏流浪發表聲明,向各界解釋唔再單膝跪嘅原因。佢哋認為單膝跪係支持種族平等嘅行為,但隨住時間過去,單膝跪喺歐洲嘅意義越嚟越淡化。畢竟單膝跪其實喺美國較為普遍,一直係美國人控訴警暴嘅象徵。早喺今年之前,美國其他運動員得知有類似事件,都會單膝跪抗議。而喺歐洲,單膝跪對球會嚟講,已經係公關手段多過真係表態。

昆士柏流浪又指,即使武漢肺炎未結束,好多球隊喺波衫上同行動上,都冇再表態自己支持醫護,例如以前會有為醫護人員鼓掌,而家都取消咗。唔通咁樣代表佢哋唔再支持醫護咩?同樣地,即使佢哋賽前不再有單膝跪儀式,亦唔代表佢哋唔再支持BLM運動。
圖:六月昆士柏流浪訓練前,聲援美國黑人嘅

其實昆士柏流浪反對種族平權,喺去年八月,佢哋嘅U18青年隊喺一場比賽中被歧視,最終全隊決定棄權離場,可見佢哋自己都係歧視嘅受害者。另外,今次發表聲明嘅昆士柏流浪足球總監Les Ferdinand都係黑人。佢更加係英國聯賽唯一一個黑人總監。
圖:昆士柏流浪總監

諗深一層,單膝跪無可能一直成為足球比賽前嘅指定動作,終有一日要結束。大家都表咗態後,其實實質行動更加重要同有效打撃歧視。希望他朝一日,我哋真係可以做到唔同膚色嘅人平等共處。

標籤: 英冠  昆士柏流浪  歧視  BLM  QPR  

留言


請按此登錄後留言。未成為會員? 立即註冊
    快捷鍵:←
    快捷鍵:→