各位車迷，我哋傾咗幾集幕後嘅權力鬥爭、球探網絡同轉會嘢，今集我哋嚟傾啲更「切身之痛」嘅嘢：傷病。相信大家同我一樣，對 22/23 球季嗰種「車仔球員呼吸引致受傷」嘅日子，仲係記憶猶新，甚至可以話係有PTSD。唔係講笑，我喺上年 《醫療部門由治及興》 篇文都提過，嗰季我哋嘅球員總共缺陣咗1,836日，傷員曾經多到可以自己組一隊波，真係諗起都頭痛。
但神奇嘅係，鏡頭一轉，去到啱啱完咗嘅 24/25 球季，我哋好似突然間食咗仙丹咁，總缺席日數大減到得返 828日 (仲要當中有 1/5 係來自同一條友…至於邊個…你估下…)，由聯賽「傷病榜」榜首，搖身一變成為第六幸運嘅球隊，仲順順利利咁捧埋個歐協聯冠軍同世冠盃返嚟。究竟發生咗咩事？唔通係牙 Todd 去咗 X交轉運？
今集嘅內容可能有少少學術，但你放心，我會盡量用「人話」同大家解構，睇下車路士點樣用科學，同纏繞我哋幾年嘅傷病潮講拜拜。
新時代的「體能總管」：馬高斯·艾華利斯的營養革命
如果講今年最大嘅轉變，其中一樣一定係換咗教頭。而跟住馬蛇一齊嚟到車路士嘅團隊入面，體能教練馬高斯·艾華利斯 (Marcos Alvarez) 絕對係一個焦點人物。
佢出名對細節一絲不苟，而佢上任後嘅其中一項重要改革，就係由球員每日嘅餐盤入手，為葛咸訓練基地嘅食堂定下咗一套全新嘅「飲食原則」。呢個原則嘅核心，就係盡量減少高糖、高脂肪同埋不必要嘅加工食品，例如醬汁、果汁同蛋糕等等，甚至連鹽、胡椒呢類調味品嘅使用，都會受到嚴格控制。(肥普：阿根廷燒肉呢？？？)
咁樣聽落，係咪代表球員日日都要好似C朗咁，淨食沙律同雞胸肉仲只可以飲水？其實又唔係咁極端。艾華利斯嘅目的，並唔係要令食物變得難食，而係要確保球員攝取嘅每一份「燃料」，都係最高質素同最有利於表現。喺營養師團隊嘅精心設計下，健康嘅餐單一樣可以好好食。
佢嚴控飲食嘅真正目的，其實係為咗背後嘅數據分析。當飲食呢個最大嘅「變數」被控制住之後，如果一個球員身體出現狀況，團隊就可以更精準咁判斷問題係源於訓練負荷，而唔係估估下佢係咪食錯嘢。
喺適當時候，例如大勝之後，一餐半餐嘅獎勵餐亦係現代團隊管理嘅一部分。所以大家喺官方片見到球員開心聚餐絕對唔奇。關鍵在於，球會喺球員嘅日常營養攝取上，已經攞返個絕對嘅主導權，所以唔使減到餐餐雞胸肉又要同可口可樂分手咁誇張，適當嘅控制已經足夠為之後所有嘅科學化管理，打好最重要嘅基礎。
葛咸指揮中心：用科技武裝到牙齒
管好咗球員食啲咩之後，下一步就係要全方位監測球員嘅身體狀況。而家嘅葛咸訓練基地，就已經進化成一個好似科幻片咁嘅「葛咸指揮中心」，用各種高科技去武裝自己，目的就係要將所有嘢數據化。
呢個「指揮中心」入面，有幾樣關鍵嘅法寶：
GPS背心： 相信大家睇訓練相，都見過球員個個着住件好似bra-top咁嘅黑色背心。嗰個就係 Catapult 出品嘅GPS追蹤器，用嚟鉅細無遺咁記錄球員跑咗幾多、衝刺咗幾多次、身體負荷有幾大等等嘅數據。
睡眠手環/戒指： 雖然官方冇公佈球會用邊隻牌子，但喺頂級體育界，都會用 WHOOP 或者 Oura Ring 呢類嘅穿戴裝置，去追蹤球員嘅睡眠質素、心率變異性(HRV)等等嘅恢復指標，為分析師提供進一步嘅數據。
AI攝影機 & 數據實驗室： 訓練場佈滿由 Hudl 提供嘅AI攝影機，可以自動追蹤同錄製訓練畫面，即時傳輸俾分析師。同時，球會亦都同 ai.io 合作，喺高咸基地整個「精英績效實驗室」，以前所未有嘅規模去追蹤運動能力數據。
不過，呢啲科技最勁嘅地方，唔係啲數據有幾多，而係佢哋可以「交叉引用」。
例如，分析師可以將一個球員嘅GPS數據（「今場跑多咗3公里」）、佢嘅影片（「因為戰術需要，佢要不停幫右閘補位」）同埋佢隻手環嘅數據（「佢尋晚只係瞓咗5個鐘，恢復得好差」）擺埋一齊睇。
咁樣一睇，專業嘅分析師就可以得出一個立體嘅結論：「呢個球員唔單止攰，仲可能因為睡眠不足，導致肌肉恢復唔切，下一場再Chur佢，受傷風險就好高喇。」呢種情境化嘅分析，先至係現代運動科學嘅精髓。
當然，我因為要將件事解釋俾大家知而簡化咗成個流程，但的的確確車路士係引入唔同工具之後有效地減少咗傷病。
解密72小時：科學化的疲勞管理藝術
收集咗咁多數據，最重要嘅用途就係用嚟規劃一個科學化嘅「72小時作戰週期」。有研究顯示，一個職業足球員踢完一場高強度比賽之後，身體可能需要足足72個鐘先可以完全恢復正常。考慮到英超嘅密集賽程，點樣管理好呢段恢復期，就成為咗預防傷病嘅關鍵。
新團隊嘅核心理念，就係由「被動治療」轉向「主動預防」。而正因為呢種模式，需要用嘅時間好長起步之餘，有框架之後嘅數據收集時間都好長，所以係新老闆換晒醫療部門之後，仍然要一段時間等呢個部門發揮功效。
當數據庫建立起嚟之後，團隊就可以用模型去追蹤球員喺幾星期內嘅累積疲勞度，當數據顯示某個球員就快進入疲勞「紅色警報區」時，就向教練提出建議，例如提早換人或安排休息，喺佢哋受傷之前就採取行動。
喺實際操作上，我哋可以從幾個球員嘅案例睇到呢套系統嘅運作同埋佢嘅極限：
系統嘅計算風險： 喺占士長期缺陣期間，古斯度被重度依賴，最終導致肌肉問題。呢個就證明咗有時為咗成績，即使有數據支持，球會都要冒一啲計算過後嘅風險。
系統嘅最大挑戰： 我哋嘅隊長占士仲有拉維亞，佢哋反覆嘅傷患問題，就係呢個部門面對嘅「終極考驗」，需要用更長遠、更個人化嘅方案去管理。
當球員唔合作時： 同時，亦有球員唔理分析師同醫療團隊嘅建議…… 最經典嘅例子莫過於W. 科芬拿。根據報導，醫療團隊早喺2025年1月已經建議佢接受腿筋手術，但球員本人選擇拒絕，決定採取保守治療。結果，喺短暫復出兩場後，傷勢再度出現，最終喺4月都要焗住做手術，白白浪費咗三個月嘅寶貴時間，亦令自己提早收咧。呢個案例完美咁展示咗，就算有最頂尖嘅科學系統，當球員本人唔採納專業意見時，一切都係晒9氣……
第四個維度：解鎖「心理數據」的潛力
喺我哋深入探討咗飲食、GPS追蹤同恢復流程之後，你可能會以為車路士嘅科學化管理已經做到極致。但報告顯示，佢哋已經將目光投向一個更前沿、更神秘嘅領域：球員嘅心理狀態。
報告指出，好多球會對於球員「諗緊咩或者感覺如何」嘅數據，其實掌握得非常少。一個球員可能身體數據完美，但如果佢信心崩潰或者壓力爆煲，表現一樣會大打折扣。而車路士就已經開始嘗試，去記錄關於球員「信心」同「專注度」呢類無形嘅心理數據。
佢哋嘅最終目標，係要將呢個「第四維度」嘅數據，同我哋之前提過嘅技術、戰術、身體素質數據整合起身。試諗下，如果數據模型發現，一個球員每次喺信心指數低落嘅時候，佢嘅腿筋受傷風險就會提高，咁團隊就可以喺佢出現心理波動時，及早介入，調整佢嘅訓練量，而唔係等到佢真係拉傷先出手截停。呢種對「身心合一」嘅追求，顯示出車路士嘅科學團隊唔單止滿足於解決眼前嘅傷病問題，而係不斷探索緊點樣可以喺更高嘅維度上，去建立持續嘅競爭優勢。
總結：從「玄學」到「科學」的革命
回顧成集內容，就係用冷靜嘅「科學」，去取代以往面對傷病時嘅「玄學」同無奈。佢證明咗，一支球隊嘅健康狀況，並唔單止係運氣問題，而係可以透過嚴謹嘅飲食哲學、整合嘅技術生態系統、以及主動嘅循證流程，去進行系統性嘅管理同改善。呢班喺幕後操作住數據同儀器嘅無名英雄，先至係球隊能夠保持高可用率，最終喺場上爭取佳績嘅堅實後盾。
我哋用咗四集時間，去解構車路士幕後嘅決策、球探同科學團隊。但要營運一間咁嘅豪門，除咗場內嘅人腳同身體，場外嘅「吸金能力」同品牌形象亦都係不可或缺嘅一環。下一集【幕後英雄 EP5】，我哋就會將目光由訓練場轉向市場部，睇下車路士係點樣「賣波衫」、管理全球贊助，同埋經營自己嘅品牌，喺商業世界入面，打另一場硬仗。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
但神奇嘅係，鏡頭一轉，去到啱啱完咗嘅 24/25 球季，我哋好似突然間食咗仙丹咁，總缺席日數大減到得返 828日 (仲要當中有 1/5 係來自同一條友…至於邊個…你估下…)，由聯賽「傷病榜」榜首，搖身一變成為第六幸運嘅球隊，仲順順利利咁捧埋個歐協聯冠軍同世冠盃返嚟。究竟發生咗咩事？唔通係牙 Todd 去咗 X交轉運？
今集嘅內容可能有少少學術，但你放心，我會盡量用「人話」同大家解構，睇下車路士點樣用科學，同纏繞我哋幾年嘅傷病潮講拜拜。
新時代的「體能總管」：馬高斯·艾華利斯的營養革命
如果講今年最大嘅轉變，其中一樣一定係換咗教頭。而跟住馬蛇一齊嚟到車路士嘅團隊入面，體能教練馬高斯·艾華利斯 (Marcos Alvarez) 絕對係一個焦點人物。
佢出名對細節一絲不苟，而佢上任後嘅其中一項重要改革，就係由球員每日嘅餐盤入手，為葛咸訓練基地嘅食堂定下咗一套全新嘅「飲食原則」。呢個原則嘅核心，就係盡量減少高糖、高脂肪同埋不必要嘅加工食品，例如醬汁、果汁同蛋糕等等，甚至連鹽、胡椒呢類調味品嘅使用，都會受到嚴格控制。(肥普：阿根廷燒肉呢？？？)
咁樣聽落，係咪代表球員日日都要好似C朗咁，淨食沙律同雞胸肉仲只可以飲水？其實又唔係咁極端。艾華利斯嘅目的，並唔係要令食物變得難食，而係要確保球員攝取嘅每一份「燃料」，都係最高質素同最有利於表現。喺營養師團隊嘅精心設計下，健康嘅餐單一樣可以好好食。
佢嚴控飲食嘅真正目的，其實係為咗背後嘅數據分析。當飲食呢個最大嘅「變數」被控制住之後，如果一個球員身體出現狀況，團隊就可以更精準咁判斷問題係源於訓練負荷，而唔係估估下佢係咪食錯嘢。
喺適當時候，例如大勝之後，一餐半餐嘅獎勵餐亦係現代團隊管理嘅一部分。所以大家喺官方片見到球員開心聚餐絕對唔奇。關鍵在於，球會喺球員嘅日常營養攝取上，已經攞返個絕對嘅主導權，所以唔使減到餐餐雞胸肉又要同可口可樂分手咁誇張，適當嘅控制已經足夠為之後所有嘅科學化管理，打好最重要嘅基礎。
葛咸指揮中心：用科技武裝到牙齒
管好咗球員食啲咩之後，下一步就係要全方位監測球員嘅身體狀況。而家嘅葛咸訓練基地，就已經進化成一個好似科幻片咁嘅「葛咸指揮中心」，用各種高科技去武裝自己，目的就係要將所有嘢數據化。
呢個「指揮中心」入面，有幾樣關鍵嘅法寶：
GPS背心： 相信大家睇訓練相，都見過球員個個着住件好似bra-top咁嘅黑色背心。嗰個就係 Catapult 出品嘅GPS追蹤器，用嚟鉅細無遺咁記錄球員跑咗幾多、衝刺咗幾多次、身體負荷有幾大等等嘅數據。
睡眠手環/戒指： 雖然官方冇公佈球會用邊隻牌子，但喺頂級體育界，都會用 WHOOP 或者 Oura Ring 呢類嘅穿戴裝置，去追蹤球員嘅睡眠質素、心率變異性(HRV)等等嘅恢復指標，為分析師提供進一步嘅數據。
AI攝影機 & 數據實驗室： 訓練場佈滿由 Hudl 提供嘅AI攝影機，可以自動追蹤同錄製訓練畫面，即時傳輸俾分析師。同時，球會亦都同 ai.io 合作，喺高咸基地整個「精英績效實驗室」，以前所未有嘅規模去追蹤運動能力數據。
不過，呢啲科技最勁嘅地方，唔係啲數據有幾多，而係佢哋可以「交叉引用」。
例如，分析師可以將一個球員嘅GPS數據（「今場跑多咗3公里」）、佢嘅影片（「因為戰術需要，佢要不停幫右閘補位」）同埋佢隻手環嘅數據（「佢尋晚只係瞓咗5個鐘，恢復得好差」）擺埋一齊睇。
咁樣一睇，專業嘅分析師就可以得出一個立體嘅結論：「呢個球員唔單止攰，仲可能因為睡眠不足，導致肌肉恢復唔切，下一場再Chur佢，受傷風險就好高喇。」呢種情境化嘅分析，先至係現代運動科學嘅精髓。
當然，我因為要將件事解釋俾大家知而簡化咗成個流程，但的的確確車路士係引入唔同工具之後有效地減少咗傷病。
解密72小時：科學化的疲勞管理藝術
收集咗咁多數據，最重要嘅用途就係用嚟規劃一個科學化嘅「72小時作戰週期」。有研究顯示，一個職業足球員踢完一場高強度比賽之後，身體可能需要足足72個鐘先可以完全恢復正常。考慮到英超嘅密集賽程，點樣管理好呢段恢復期，就成為咗預防傷病嘅關鍵。
新團隊嘅核心理念，就係由「被動治療」轉向「主動預防」。而正因為呢種模式，需要用嘅時間好長起步之餘，有框架之後嘅數據收集時間都好長，所以係新老闆換晒醫療部門之後，仍然要一段時間等呢個部門發揮功效。
當數據庫建立起嚟之後，團隊就可以用模型去追蹤球員喺幾星期內嘅累積疲勞度，當數據顯示某個球員就快進入疲勞「紅色警報區」時，就向教練提出建議，例如提早換人或安排休息，喺佢哋受傷之前就採取行動。
喺實際操作上，我哋可以從幾個球員嘅案例睇到呢套系統嘅運作同埋佢嘅極限：
系統嘅計算風險： 喺占士長期缺陣期間，古斯度被重度依賴，最終導致肌肉問題。呢個就證明咗有時為咗成績，即使有數據支持，球會都要冒一啲計算過後嘅風險。
系統嘅最大挑戰： 我哋嘅隊長占士仲有拉維亞，佢哋反覆嘅傷患問題，就係呢個部門面對嘅「終極考驗」，需要用更長遠、更個人化嘅方案去管理。
當球員唔合作時： 同時，亦有球員唔理分析師同醫療團隊嘅建議…… 最經典嘅例子莫過於W. 科芬拿。根據報導，醫療團隊早喺2025年1月已經建議佢接受腿筋手術，但球員本人選擇拒絕，決定採取保守治療。結果，喺短暫復出兩場後，傷勢再度出現，最終喺4月都要焗住做手術，白白浪費咗三個月嘅寶貴時間，亦令自己提早收咧。呢個案例完美咁展示咗，就算有最頂尖嘅科學系統，當球員本人唔採納專業意見時，一切都係晒9氣……
第四個維度：解鎖「心理數據」的潛力
喺我哋深入探討咗飲食、GPS追蹤同恢復流程之後，你可能會以為車路士嘅科學化管理已經做到極致。但報告顯示，佢哋已經將目光投向一個更前沿、更神秘嘅領域：球員嘅心理狀態。
報告指出，好多球會對於球員「諗緊咩或者感覺如何」嘅數據，其實掌握得非常少。一個球員可能身體數據完美，但如果佢信心崩潰或者壓力爆煲，表現一樣會大打折扣。而車路士就已經開始嘗試，去記錄關於球員「信心」同「專注度」呢類無形嘅心理數據。
佢哋嘅最終目標，係要將呢個「第四維度」嘅數據，同我哋之前提過嘅技術、戰術、身體素質數據整合起身。試諗下，如果數據模型發現，一個球員每次喺信心指數低落嘅時候，佢嘅腿筋受傷風險就會提高，咁團隊就可以喺佢出現心理波動時，及早介入，調整佢嘅訓練量，而唔係等到佢真係拉傷先出手截停。呢種對「身心合一」嘅追求，顯示出車路士嘅科學團隊唔單止滿足於解決眼前嘅傷病問題，而係不斷探索緊點樣可以喺更高嘅維度上，去建立持續嘅競爭優勢。
總結：從「玄學」到「科學」的革命
回顧成集內容，就係用冷靜嘅「科學」，去取代以往面對傷病時嘅「玄學」同無奈。佢證明咗，一支球隊嘅健康狀況，並唔單止係運氣問題，而係可以透過嚴謹嘅飲食哲學、整合嘅技術生態系統、以及主動嘅循證流程，去進行系統性嘅管理同改善。呢班喺幕後操作住數據同儀器嘅無名英雄，先至係球隊能夠保持高可用率，最終喺場上爭取佳績嘅堅實後盾。
我哋用咗四集時間，去解構車路士幕後嘅決策、球探同科學團隊。但要營運一間咁嘅豪門，除咗場內嘅人腳同身體，場外嘅「吸金能力」同品牌形象亦都係不可或缺嘅一環。下一集【幕後英雄 EP5】，我哋就會將目光由訓練場轉向市場部，睇下車路士係點樣「賣波衫」、管理全球贊助，同埋經營自己嘅品牌，喺商業世界入面，打另一場硬仗。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊