上一集我哋拆解咗車路士決策核心嘅高層架構，用足球建築師取代舊有嘅一人內閣。而喺之前嘅文章，相信唔少讀者都睇過我分析，我哋收購史特拉斯堡呢類衛星球會，背後有住「練兵、造數、拉關係」三大策略。
但問題嚟喇，喺呢個龐大嘅多球會藍圖之下，我哋究竟係用咩理念、咩科技、同埋靠邊班人，去喺全球撒下天羅地網，發掘出一個又一個好似艾斯禾特 或者 簡迪柏艾斯（Kendry Paez）咁樣，俾我哋提前鎖定嘅未來之星？ 今集，我哋就一齊深入呢個全球球探機器嘅心臟，睇下 BlueCo 時代嘅尋寶圖，究竟係點樣繪製出嚟。
新信條：「課金抽蛋」與數據革命
要理解 BlueCo 點樣搵人，我哋可以將佢哋嘅策略，簡單理解成一場「瘋狂課金抽蛋」嘅遊戲。佢哋嘅目標，就係要用最短時間，靠住龐大嘅資金，「洗」出一隊潛力無限、可以用十年嘅冠軍陣容。
喺呢隻Game入面，BlueCo 唔係用極多錢去直接換購一個最強嘅角色 (例如UR嘅C朗呀麥巴比等)，而係選擇將超過十億英鎊嘅巨額資金，好似課長咁，一次過掟晒落個卡池入面，瘋狂咁抽一大堆「潛力卡包」（即係23歲以下嘅年輕球員）。
佢哋賭嘅就係機率：只要抽嘅次數夠多，就總會抽到幾張好似高爾·彭馬咁嘅「SSR」級神卡。至於其他抽到嘅「SR」或者「R」卡，亦都唔會浪費。佢哋可以喺衛星球會練級升值，然後再賣走「分解」成純利潤，用嚟幫補返「課金」嘅成本，應對財政公平條例。呢個亦都解釋咗點解我哋重建初期表現唔穩定，因為成隊波都係一班「育成中」嘅角色，而唔係一隊「滿Lv」嘅神隊。
當然，喺呢場抽蛋遊戲入面，要提高中獎率，單靠運氣同「玄學」係唔夠嘅。所以，BlueCo 同時進行咗一場「數據革命」。佢哋大力投資擴建數據同球探部門，就好似為自己嘅遊戲帳號請咗個最強外掛。球會同好似 AiScout 呢類嘅科技平台合作，就等於用緊最先進嘅抽卡模擬器同攻略網，去分析邊個「卡池」（地區市場）最易出貨、邊個球員（卡牌）嘅隱藏數值最高。目的就係要將呢場睇落純粹靠運氣嘅賭博，變成一場有數據支持嘅計算，務求喺其他「玩家」發現之前，就搶先抽走最有潛力嘅明日之星。
球探大佬嘅幕後功臣
一場咁大型嘅課金抽蛋遊戲，當然唔能夠單靠老闆自己落場撳掣。要玩得精明，就需要一班頂級嘅「職業玩家」同「數據分析師」喺幕後操盤。呢班人，就係我哋全球球探機器嘅核心大腦。
喺呢個團隊入面，最關鍵嘅兩位「球探大佬」，就係我哋喺上一集提過嘅招募總監：祖·施爾斯（盾哥）同山姆·朱維爾。盾哥由修咸頓加盟，但佢更重要嘅履歷係喺曼城青訓體系嘅深厚背景，佢嘅任務就係專注於發掘嗰啲潛力最高嘅「SSR級新星」。
而朱維爾就係再次由白禮頓呢個老主顧挖角返嚟嘅猛人，負責制定「全球招募戰略」。佢哋兩個，就係負責領導成個「尋寶」任務嘅總指揮。
呢場革命唔單止係針對一隊。為咗貫徹到底，連我哋嘅青訓學院嘅招募領導層，都經歷咗一次大換血。長期任職嘅尼爾·巴夫 (Neil Bath) 同占·費沙 (Jim Fraser) 相繼離職，取而代之嘅係由紐卡素加盟嘅迪萊·伊班克斯 (Delroy Ebanks)，同埋由阿仙奴引進嘅艾奧·杜羅積爾 (Ayo Durojaiye)。
呢個操作，務求從源頭上改革我哋發掘同培養年青球員嘅模式。而家成個青訓體系嘅招募同發展，都由施爾斯、史超活同溫斯坦利三位高層共同監督，足見新東主對呢個未來資產庫嘅重視程度。
狩獵場：南美與法甲的「淘金熱」
有咗清晰嘅理念同埋專業嘅團隊，下一步就係要鎖定最高效率嘅人才市場。而 BlueCo 嘅球探網絡，就清晰咁將資源集中喺兩個黃金狩獵場：南美洲同法甲。
南美洲，尤其係巴西同阿根廷，被視為發掘頂級潛力新星嘅最重要基地。球會嘅策略，就係好似簽下山度士同柏艾斯咁，喺佢哋尚未完全被歐洲豪門發現之前，就提前鎖定呢啲前途無限嘅天才。然後，再利用多球會體系（例如將球員外借至史特拉斯堡），為佢哋提供喺歐洲頂級聯賽適應同成長嘅平台。而當呢啲南美球員喺歐洲證明自己之後，好似安素同卡些度嘅例子就表明，唔少球會願意不惜工本，為呢啲已經通過驗證嘅頂級年輕球員，支付巨額轉會費。
而另一個重要嘅狩獵場，就係法甲。相對於直接由南美引入嘅「原材料」，法甲嘅年輕球員更似係「半成品」，佢哋嘅技術同身體對抗能力，已經更接近英超嘅要求，而且因為同屬歐洲地區，會減少咗少土不服嘅風險，真係有思鄉病要返一返法國都唔算好遠。
近年由法甲引入嘅巴迪亞舒尼、迪西斯同古斯度等等，就係最好嘅例子。呢啲簽約顯示出，法甲係我哋引入嗰啲能夠更快融入一隊、並作出貢獻嘅年輕球員嘅重要來源。(當然，最終啱唔啱教練用又係另一回事…) 呢種針對南美原材料市場同埋法甲半成品市場嘅雙軌並行策略，令球會可以更有效咁分配球探資源，建立一個可持續嘅人才供應鏈。
總結：一場高風險、高回報的未來賭注
BlueCo時代嘅全球球探網絡，已經徹底告別咗以往嗰種依賴個別球探眼光嘅零散模式。取而代之嘅，係一個工業化、數據化嘅「人才供應鏈」。由確立「潛力投資」嘅核心哲學，到聘請頂尖專家團隊，再到鎖定特定市場進行精準打擊，每一步都旨在將「發掘天才」呢件充滿不確定性嘅事，變得盡可能科學化同系統化。
呢部機器嘅最終目的非常清晰：佢唔單止要為車路士一隊尋找未來嘅冠軍成員，更要為球會喺財政公平條例嘅緊箍咒之下，持續創造可出售嘅寶貴資產。然而，呢個亦都係一場高風險、高回報嘅未來賭注。呢個龐大計劃最終嘅成敗，將完全取決於球探同數據模型，喺預測未來表現方面嘅準確性：而呢個，正正係足球世界入面最艱鉅嘅任務之一。
不過，搵到啱嘅人只係第一步，真正嘅戰爭喺談判桌上先開始。下一集，我哋會講下實際埋牙嘅時候，到底係咩部門扮演住咩角色，咩嘢最大機會卡住成單買人交易。【幕後英雄 EP3】，我哋就嚟睇下一個又煩又痴線嘅交易現場。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
但問題嚟喇，喺呢個龐大嘅多球會藍圖之下，我哋究竟係用咩理念、咩科技、同埋靠邊班人，去喺全球撒下天羅地網，發掘出一個又一個好似艾斯禾特 或者 簡迪柏艾斯（Kendry Paez）咁樣，俾我哋提前鎖定嘅未來之星？ 今集，我哋就一齊深入呢個全球球探機器嘅心臟，睇下 BlueCo 時代嘅尋寶圖，究竟係點樣繪製出嚟。
新信條：「課金抽蛋」與數據革命
要理解 BlueCo 點樣搵人，我哋可以將佢哋嘅策略，簡單理解成一場「瘋狂課金抽蛋」嘅遊戲。佢哋嘅目標，就係要用最短時間，靠住龐大嘅資金，「洗」出一隊潛力無限、可以用十年嘅冠軍陣容。
喺呢隻Game入面，BlueCo 唔係用極多錢去直接換購一個最強嘅角色 (例如UR嘅C朗呀麥巴比等)，而係選擇將超過十億英鎊嘅巨額資金，好似課長咁，一次過掟晒落個卡池入面，瘋狂咁抽一大堆「潛力卡包」（即係23歲以下嘅年輕球員）。
佢哋賭嘅就係機率：只要抽嘅次數夠多，就總會抽到幾張好似高爾·彭馬咁嘅「SSR」級神卡。至於其他抽到嘅「SR」或者「R」卡，亦都唔會浪費。佢哋可以喺衛星球會練級升值，然後再賣走「分解」成純利潤，用嚟幫補返「課金」嘅成本，應對財政公平條例。呢個亦都解釋咗點解我哋重建初期表現唔穩定，因為成隊波都係一班「育成中」嘅角色，而唔係一隊「滿Lv」嘅神隊。
當然，喺呢場抽蛋遊戲入面，要提高中獎率，單靠運氣同「玄學」係唔夠嘅。所以，BlueCo 同時進行咗一場「數據革命」。佢哋大力投資擴建數據同球探部門，就好似為自己嘅遊戲帳號請咗個最強外掛。球會同好似 AiScout 呢類嘅科技平台合作，就等於用緊最先進嘅抽卡模擬器同攻略網，去分析邊個「卡池」（地區市場）最易出貨、邊個球員（卡牌）嘅隱藏數值最高。目的就係要將呢場睇落純粹靠運氣嘅賭博，變成一場有數據支持嘅計算，務求喺其他「玩家」發現之前，就搶先抽走最有潛力嘅明日之星。
球探大佬嘅幕後功臣
一場咁大型嘅課金抽蛋遊戲，當然唔能夠單靠老闆自己落場撳掣。要玩得精明，就需要一班頂級嘅「職業玩家」同「數據分析師」喺幕後操盤。呢班人，就係我哋全球球探機器嘅核心大腦。
喺呢個團隊入面，最關鍵嘅兩位「球探大佬」，就係我哋喺上一集提過嘅招募總監：祖·施爾斯（盾哥）同山姆·朱維爾。盾哥由修咸頓加盟，但佢更重要嘅履歷係喺曼城青訓體系嘅深厚背景，佢嘅任務就係專注於發掘嗰啲潛力最高嘅「SSR級新星」。
而朱維爾就係再次由白禮頓呢個老主顧挖角返嚟嘅猛人，負責制定「全球招募戰略」。佢哋兩個，就係負責領導成個「尋寶」任務嘅總指揮。
呢場革命唔單止係針對一隊。為咗貫徹到底，連我哋嘅青訓學院嘅招募領導層，都經歷咗一次大換血。長期任職嘅尼爾·巴夫 (Neil Bath) 同占·費沙 (Jim Fraser) 相繼離職，取而代之嘅係由紐卡素加盟嘅迪萊·伊班克斯 (Delroy Ebanks)，同埋由阿仙奴引進嘅艾奧·杜羅積爾 (Ayo Durojaiye)。
呢個操作，務求從源頭上改革我哋發掘同培養年青球員嘅模式。而家成個青訓體系嘅招募同發展，都由施爾斯、史超活同溫斯坦利三位高層共同監督，足見新東主對呢個未來資產庫嘅重視程度。
狩獵場：南美與法甲的「淘金熱」
有咗清晰嘅理念同埋專業嘅團隊，下一步就係要鎖定最高效率嘅人才市場。而 BlueCo 嘅球探網絡，就清晰咁將資源集中喺兩個黃金狩獵場：南美洲同法甲。
南美洲，尤其係巴西同阿根廷，被視為發掘頂級潛力新星嘅最重要基地。球會嘅策略，就係好似簽下山度士同柏艾斯咁，喺佢哋尚未完全被歐洲豪門發現之前，就提前鎖定呢啲前途無限嘅天才。然後，再利用多球會體系（例如將球員外借至史特拉斯堡），為佢哋提供喺歐洲頂級聯賽適應同成長嘅平台。而當呢啲南美球員喺歐洲證明自己之後，好似安素同卡些度嘅例子就表明，唔少球會願意不惜工本，為呢啲已經通過驗證嘅頂級年輕球員，支付巨額轉會費。
而另一個重要嘅狩獵場，就係法甲。相對於直接由南美引入嘅「原材料」，法甲嘅年輕球員更似係「半成品」，佢哋嘅技術同身體對抗能力，已經更接近英超嘅要求，而且因為同屬歐洲地區，會減少咗少土不服嘅風險，真係有思鄉病要返一返法國都唔算好遠。
近年由法甲引入嘅巴迪亞舒尼、迪西斯同古斯度等等，就係最好嘅例子。呢啲簽約顯示出，法甲係我哋引入嗰啲能夠更快融入一隊、並作出貢獻嘅年輕球員嘅重要來源。(當然，最終啱唔啱教練用又係另一回事…) 呢種針對南美原材料市場同埋法甲半成品市場嘅雙軌並行策略，令球會可以更有效咁分配球探資源，建立一個可持續嘅人才供應鏈。
總結：一場高風險、高回報的未來賭注
BlueCo時代嘅全球球探網絡，已經徹底告別咗以往嗰種依賴個別球探眼光嘅零散模式。取而代之嘅，係一個工業化、數據化嘅「人才供應鏈」。由確立「潛力投資」嘅核心哲學，到聘請頂尖專家團隊，再到鎖定特定市場進行精準打擊，每一步都旨在將「發掘天才」呢件充滿不確定性嘅事，變得盡可能科學化同系統化。
呢部機器嘅最終目的非常清晰：佢唔單止要為車路士一隊尋找未來嘅冠軍成員，更要為球會喺財政公平條例嘅緊箍咒之下，持續創造可出售嘅寶貴資產。然而，呢個亦都係一場高風險、高回報嘅未來賭注。呢個龐大計劃最終嘅成敗，將完全取決於球探同數據模型，喺預測未來表現方面嘅準確性：而呢個，正正係足球世界入面最艱鉅嘅任務之一。
不過，搵到啱嘅人只係第一步，真正嘅戰爭喺談判桌上先開始。下一集，我哋會講下實際埋牙嘅時候，到底係咩部門扮演住咩角色，咩嘢最大機會卡住成單買人交易。【幕後英雄 EP3】，我哋就嚟睇下一個又煩又痴線嘅交易現場。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊