踏入季後嘅長草期，無波睇自然係周圍搵下話題寫下稿。咁啱，最近就有網友問起我：「好想知球會內部點運作，點解車路士可以喺幾年內由混亂變得充滿潛力？」(Well，街外球迷未必覺得車仔真係好有潛力都未定…) 呢個問題，正正就係【車路士幕後英雄】呢個專題系列誕生嘅契機，後續都會再講下球會其他部份 (EP234之類…)。
之前我都寫過幾篇關於班主 Boehly 同 Eghbali 嘅文章，討論過佢哋之間嘅「內戰」同宏大嘅《Vision 2030》藍圖 。但睇返先發現，對於權力頂層之下嘅整體運作架構、具體嘅決策方式，似乎都未有寫得好清楚。所以，我想趁呢個機會，深入啲同大家分享下我搵到嘅資訊。喺呢場「雙王內戰」同埋雄心壯志嘅改革背後，究竟係邊一班「建築師」同「專家」喺度負責搭建同執行？當油王時代，由一人（瑪蓮娜）幾乎掌控所有足球事務嘅模式結束後 ，BlueCo 帶嚟嘅，又係一個點樣嘅全新決策機器？
今集 EP1，我哋就一齊解構呢個新時代嘅高層決策核心，睇下喺老闆之下，究竟邊個先係真正揸弗嘅專業人士。
告別「一人內閣」，迎來「專家議會」
要理解新老闆帶來嘅變革有幾痴線，我哋首先要回顧返舊時代嘅權力核心。正如我喺舊文提過 (覺得我煩就跳去下一部份啦，我OK架)，油王年代嘅車路士，與其話係一間公司，不如話更似一個家族企業。而喺呢個體系入面，真正喺足球事務上話事嘅，就係被譽為「足球界第一女強人」嘅董事，瑪蓮娜·格蘭諾夫斯卡婭（娜姐）。
作為班主艾巴莫域治最信賴嘅助手，娜姐喺轉會、合同談判等重大運營決策上擁有最終權威 。由傾天價贊助，到親自操盤球員簽約，佢就係車路士足球事務上嘅首席執行官。就算係球會傳奇施治，當時擔任技術與表現顧問，角色雖然重要，但亦都明確係從屬於娜姐 。呢種中X集權 (係央，無錯，係央字) 嘅模式，優點係決策高效，但缺點亦都同樣致命：權力過度集中，一旦核心人物離開，成個系統就面臨崩塌嘅風險 。
隨住 2022 年 BlueCo 入主，娜姐、施治同主席相繼離職，一個巨大嘅權力真空隨之出現 。而新東主嘅答案，並唔係搵另一個「女王」嚟取代佢，而係進行一場徹底嘅哲學革命。佢哋嘅目標，係要將呢種依賴個人嘅「君主制」，徹底改造為一個企業化、可持續嘅「系統制」。呢個新系統嘅核心理念，就係要建立一個由多位專家組成嘅「專家議會」，分散決策權，確保球會嘅運作唔會再因為任何一個高層嘅離開而受到毀滅性衝擊，將球會嘅長遠穩定性，置於個人嘅短期靈活性之上。
新時代嘅「足球建築師」團隊巡禮
咁究竟呢個「專家議會」有咩核心成員？BlueCo 喺頭兩年用咗極快嘅速度，由零開始搭建咗一個全新嘅足球領導團隊，當中幾位關鍵人物，就係呢個新時代嘅「足球建築師」。
艾巴利 (Behdad Eghbali) & 保利 (Todd Boehly) (聯席控股股東 - 艾巴利擁重大轉會最終批准權)
└─>溫斯坦利 (Paul Winstanley) & 史超活 (Laurence Stewart) (聯席體育總監 - 共同領導足球方向)
└─>朱維爾 (Sam Jewell) (全球招募總監)
└─>施爾斯 (Joe Shields) (聯席招募與人才總監)
└─>活地·杜瓦 (Woody Dewar) (比賽分析主管) & 其他部門主管
權力核心係兩位聯席體育總監應該係最多人認識嘅，包括咗保羅·溫斯坦利 (Paul Winstanley) 同 羅倫斯·史超活 (Laurence Stewart)。佢哋共同承擔住球會足球方向嘅最終責任，監督由球員招募到比賽分析嘅所有事務。溫斯坦利係由白禮頓挖角過嚟嘅關鍵人物，影響力巨大，尤其擅長主導轉會談判 (唔使懷疑，我地同白禮頓過從甚密都係因為佢)。
而史超活就帶住喺法甲摩納哥嘅豐富經驗加盟，專注於「全球足球事務」。呢種雙領導模式，目的就係要融合唔同領域嘅專業知識，形成一個更全面、更穩健嘅決策視角。
向兩位總監匯報嘅，就係負責發掘球員嘅招募專家團隊。當中包括咗由修咸頓加盟、喺曼城青訓體系背景深厚嘅聯席招募與人才總監 祖·施爾斯 (Joe Shields aka 盾哥)，佢嘅職責明確聚焦喺發掘新興天才 。而最新嘅重要任命，就係再次由白禮頓挖角、喺2024年5月正式上任嘅全球招募總監 山姆·朱維爾 (Sam Jewell)。
呢個由兩位猛人共同領導嘅招募部門，內部邏輯係將「新興天才發掘」同「全球招募戰略」進行分工。雖然外界對呢個雙重架構可能感到有啲困惑，但就係 BlueCo 用嚟撒下天羅地網、搜羅全球年輕球員嘅核心機器。
一個轉會嘅誕生：新指揮鏈解密
介紹完一大班新高層，大家可能都仲係有啲迷糊。咁實際操作上，一單轉會係點樣由傳聞變成官宣？呢個新嘅指揮鏈，就係解開謎團嘅鎖匙。綜合多個來源，我哋可以清晰咁勾勒出一個五步驟嘅招募決策流程 ：
第一步：人才識別與初步篩選
成個流程由祖·施爾斯（盾哥）同朱維爾領導嘅全球球探網絡同數據分析團隊開始 。佢哋會根據球會嘅數據模型同長遠戰略需求（例如年齡、位置、潛力等），喺全球範圍內識別目標，然後生成一份水蛇春咁長嘅收購名單 (多數我地啲傳聞就係嚟自呢度)。
第二步：戰略評估與縮短名單
呢份長名單，會被提交俾溫斯坦利同史超活 。佢哋會進行更深層次嘅戰略評估，分析目標球員點樣融入球隊未來嘅規劃、薪酬結構，以及係咪符合球會嘅整體財政狀況 。
第三步：主教練諮詢
經過篩選嘅短名單，就會呈遞俾主教練（例如現任嘅馬蛇）。喺呢個階段，主教練會提供佢嘅專業足球意見。而最關鍵嘅係，主教練必須要為收購目標「開綠燈」，球會先會正式啟動追逐程序 。不過，要留意嘅係，主教練並唔係負責提出最初嘅目標名單 。呢種權力，更似係一種「諮詢性否決權」，而唔係「指令權」。
第四步：談判執行
一旦目標獲得批准，溫斯坦利就會擔起主導角色，負責同賣家球會以及球員經理人進行談判 。(例如文迪斯)。喺多次轉會中，佢已經成為咗球會關鍵嘅「交易撮合者」(deal-maker) 。
第五步：最終批准與執行
對於重大交易，聯席控股股東艾巴利會親自介入 。佢擁有批准最終報價嘅權力，尤其係當交易需要提高報價去擊敗競爭對手時，就好似當年收購卡些度嘅情況一樣 。佢嘅參與，確保咗每一單重大投資都完全符合股東嘅財務同戰略目標 。
過完呢五大步，如果交易順利嘅話，球員就會進入體檢程序，個人條款都無問題就正式加盟。
總結：一部正在磨合的決策機器
睇完成個新嘅決策核心同指揮鏈，我哋可以得出一個清晰嘅結論：BlueCo 時代嘅車路士，喺管理哲學上，完成咗一次由「君主制」到「系統制」嘅根本轉變。告別以往依賴娜姐一人嘅強勢同經驗，新架構嘅目的，係要建立一個分工精細、流程清晰、唔會因為任何一條友體離職而崩潰嘅現代化足球運營機器。
當然，呢部新機器目前仍然處於磨合階段，並唔係冇風險。新東主之間嘅理念分歧、總監主導模式同主教練之間潛在嘅緊張關係（例如普捷天奴嘅離職），以及對年輕球員進行高風險嘅長期投資策略 ，都係呢個宏大實驗需要面對嘅挑戰。
返到最初網友嘅問題：「當中咩管理運作令車仔球會做得更好？」第一個答案就喺呢度。BlueCo 嘅答案，就係建立咗呢個專業、複雜但目標明確嘅決策系統。佢未必能夠即時帶嚟冠軍，但佢為球會提供咗一個可持續發展嘅框架，嘗試用一個更科學、更穩健嘅方式去擺脫混亂，行向未來。呢個，就係我哋由「爛隊」變成「潛力球隊」嘅底層邏輯。
今集我哋解構咗決策層嘅「人」同「流程」，下一集，我哋將會深入呢部機器嘅其中一個核心引擎：佢哋嘅「全球球探網絡」，睇下佢哋係點樣喺世界各地搜羅我哋嘅未來。下一集再見~
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
之前我都寫過幾篇關於班主 Boehly 同 Eghbali 嘅文章，討論過佢哋之間嘅「內戰」同宏大嘅《Vision 2030》藍圖 。但睇返先發現，對於權力頂層之下嘅整體運作架構、具體嘅決策方式，似乎都未有寫得好清楚。所以，我想趁呢個機會，深入啲同大家分享下我搵到嘅資訊。喺呢場「雙王內戰」同埋雄心壯志嘅改革背後，究竟係邊一班「建築師」同「專家」喺度負責搭建同執行？當油王時代，由一人（瑪蓮娜）幾乎掌控所有足球事務嘅模式結束後 ，BlueCo 帶嚟嘅，又係一個點樣嘅全新決策機器？
今集 EP1，我哋就一齊解構呢個新時代嘅高層決策核心，睇下喺老闆之下，究竟邊個先係真正揸弗嘅專業人士。
告別「一人內閣」，迎來「專家議會」
要理解新老闆帶來嘅變革有幾痴線，我哋首先要回顧返舊時代嘅權力核心。正如我喺舊文提過 (覺得我煩就跳去下一部份啦，我OK架)，油王年代嘅車路士，與其話係一間公司，不如話更似一個家族企業。而喺呢個體系入面，真正喺足球事務上話事嘅，就係被譽為「足球界第一女強人」嘅董事，瑪蓮娜·格蘭諾夫斯卡婭（娜姐）。
作為班主艾巴莫域治最信賴嘅助手，娜姐喺轉會、合同談判等重大運營決策上擁有最終權威 。由傾天價贊助，到親自操盤球員簽約，佢就係車路士足球事務上嘅首席執行官。就算係球會傳奇施治，當時擔任技術與表現顧問，角色雖然重要，但亦都明確係從屬於娜姐 。呢種中X集權 (係央，無錯，係央字) 嘅模式，優點係決策高效，但缺點亦都同樣致命：權力過度集中，一旦核心人物離開，成個系統就面臨崩塌嘅風險 。
隨住 2022 年 BlueCo 入主，娜姐、施治同主席相繼離職，一個巨大嘅權力真空隨之出現 。而新東主嘅答案，並唔係搵另一個「女王」嚟取代佢，而係進行一場徹底嘅哲學革命。佢哋嘅目標，係要將呢種依賴個人嘅「君主制」，徹底改造為一個企業化、可持續嘅「系統制」。呢個新系統嘅核心理念，就係要建立一個由多位專家組成嘅「專家議會」，分散決策權，確保球會嘅運作唔會再因為任何一個高層嘅離開而受到毀滅性衝擊，將球會嘅長遠穩定性，置於個人嘅短期靈活性之上。
新時代嘅「足球建築師」團隊巡禮
咁究竟呢個「專家議會」有咩核心成員？BlueCo 喺頭兩年用咗極快嘅速度，由零開始搭建咗一個全新嘅足球領導團隊，當中幾位關鍵人物，就係呢個新時代嘅「足球建築師」。
艾巴利 (Behdad Eghbali) & 保利 (Todd Boehly) (聯席控股股東 - 艾巴利擁重大轉會最終批准權)
└─>溫斯坦利 (Paul Winstanley) & 史超活 (Laurence Stewart) (聯席體育總監 - 共同領導足球方向)
└─>朱維爾 (Sam Jewell) (全球招募總監)
└─>施爾斯 (Joe Shields) (聯席招募與人才總監)
└─>活地·杜瓦 (Woody Dewar) (比賽分析主管) & 其他部門主管
權力核心係兩位聯席體育總監應該係最多人認識嘅，包括咗保羅·溫斯坦利 (Paul Winstanley) 同 羅倫斯·史超活 (Laurence Stewart)。佢哋共同承擔住球會足球方向嘅最終責任，監督由球員招募到比賽分析嘅所有事務。溫斯坦利係由白禮頓挖角過嚟嘅關鍵人物，影響力巨大，尤其擅長主導轉會談判 (唔使懷疑，我地同白禮頓過從甚密都係因為佢)。
而史超活就帶住喺法甲摩納哥嘅豐富經驗加盟，專注於「全球足球事務」。呢種雙領導模式，目的就係要融合唔同領域嘅專業知識，形成一個更全面、更穩健嘅決策視角。
向兩位總監匯報嘅，就係負責發掘球員嘅招募專家團隊。當中包括咗由修咸頓加盟、喺曼城青訓體系背景深厚嘅聯席招募與人才總監 祖·施爾斯 (Joe Shields aka 盾哥)，佢嘅職責明確聚焦喺發掘新興天才 。而最新嘅重要任命，就係再次由白禮頓挖角、喺2024年5月正式上任嘅全球招募總監 山姆·朱維爾 (Sam Jewell)。
呢個由兩位猛人共同領導嘅招募部門，內部邏輯係將「新興天才發掘」同「全球招募戰略」進行分工。雖然外界對呢個雙重架構可能感到有啲困惑，但就係 BlueCo 用嚟撒下天羅地網、搜羅全球年輕球員嘅核心機器。
一個轉會嘅誕生：新指揮鏈解密
介紹完一大班新高層，大家可能都仲係有啲迷糊。咁實際操作上，一單轉會係點樣由傳聞變成官宣？呢個新嘅指揮鏈，就係解開謎團嘅鎖匙。綜合多個來源，我哋可以清晰咁勾勒出一個五步驟嘅招募決策流程 ：
第一步：人才識別與初步篩選
成個流程由祖·施爾斯（盾哥）同朱維爾領導嘅全球球探網絡同數據分析團隊開始 。佢哋會根據球會嘅數據模型同長遠戰略需求（例如年齡、位置、潛力等），喺全球範圍內識別目標，然後生成一份水蛇春咁長嘅收購名單 (多數我地啲傳聞就係嚟自呢度)。
第二步：戰略評估與縮短名單
呢份長名單，會被提交俾溫斯坦利同史超活 。佢哋會進行更深層次嘅戰略評估，分析目標球員點樣融入球隊未來嘅規劃、薪酬結構，以及係咪符合球會嘅整體財政狀況 。
第三步：主教練諮詢
經過篩選嘅短名單，就會呈遞俾主教練（例如現任嘅馬蛇）。喺呢個階段，主教練會提供佢嘅專業足球意見。而最關鍵嘅係，主教練必須要為收購目標「開綠燈」，球會先會正式啟動追逐程序 。不過，要留意嘅係，主教練並唔係負責提出最初嘅目標名單 。呢種權力，更似係一種「諮詢性否決權」，而唔係「指令權」。
第四步：談判執行
一旦目標獲得批准，溫斯坦利就會擔起主導角色，負責同賣家球會以及球員經理人進行談判 。(例如文迪斯)。喺多次轉會中，佢已經成為咗球會關鍵嘅「交易撮合者」(deal-maker) 。
第五步：最終批准與執行
對於重大交易，聯席控股股東艾巴利會親自介入 。佢擁有批准最終報價嘅權力，尤其係當交易需要提高報價去擊敗競爭對手時，就好似當年收購卡些度嘅情況一樣 。佢嘅參與，確保咗每一單重大投資都完全符合股東嘅財務同戰略目標 。
過完呢五大步，如果交易順利嘅話，球員就會進入體檢程序，個人條款都無問題就正式加盟。
總結：一部正在磨合的決策機器
睇完成個新嘅決策核心同指揮鏈，我哋可以得出一個清晰嘅結論：BlueCo 時代嘅車路士，喺管理哲學上，完成咗一次由「君主制」到「系統制」嘅根本轉變。告別以往依賴娜姐一人嘅強勢同經驗，新架構嘅目的，係要建立一個分工精細、流程清晰、唔會因為任何一條友體離職而崩潰嘅現代化足球運營機器。
當然，呢部新機器目前仍然處於磨合階段，並唔係冇風險。新東主之間嘅理念分歧、總監主導模式同主教練之間潛在嘅緊張關係（例如普捷天奴嘅離職），以及對年輕球員進行高風險嘅長期投資策略 ，都係呢個宏大實驗需要面對嘅挑戰。
返到最初網友嘅問題：「當中咩管理運作令車仔球會做得更好？」第一個答案就喺呢度。BlueCo 嘅答案，就係建立咗呢個專業、複雜但目標明確嘅決策系統。佢未必能夠即時帶嚟冠軍，但佢為球會提供咗一個可持續發展嘅框架，嘗試用一個更科學、更穩健嘅方式去擺脫混亂，行向未來。呢個，就係我哋由「爛隊」變成「潛力球隊」嘅底層邏輯。
今集我哋解構咗決策層嘅「人」同「流程」，下一集，我哋將會深入呢部機器嘅其中一個核心引擎：佢哋嘅「全球球探網絡」，睇下佢哋係點樣喺世界各地搜羅我哋嘅未來。下一集再見~
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊