搞咁多球探網絡，又借呢個平台果個平台搵數據，搵到啱嘅人只係第一步，真正嘅戰爭喺談判桌上先開始。上一集我哋講過，BlueCo 時代嘅轉會操作，點樣由以往依賴一人嘅藝術，演變成一場由多個部門、多位專家參與嘅精密戰爭。
喺呢場戰爭入面，除咗有主導談判嘅體育總監，仲有喺背後處理繁複文書同工作證申請嘅行政團隊，甚至係喺關鍵時刻拍板落鎚嘅大老闆。我哋喺EP.1已經介紹過呢班「幕後英雄」：由溫斯坦利、史超活呢啲體育總監負責運籌帷幄，到球探網絡。今集，我哋就直接深入戰場，睇下呢部由專家組成嘅「交易機器」，點樣喺談判桌上進行攻防，又點樣為球員鋪設一條由加盟到外借嘅精密路徑。
第一章：談判桌上的攻防戰
當一份目標明確嘅「短名單」準備好之後，轉會操作就正式進入最刺激，亦都係最磨人嘅階段：談判。呢個過程，就好似一場分為上下半場嘅角力。
上半場，係我哋同賣家球會之間嘅攻防戰。談判嘅核心，除咗最基本嘅轉會費，仲包括點樣分期付款、同埋各種同球員未來表現掛鉤嘅附加條款。為咗保護自己嘅長遠利益，談判中仲會加入更複雜嘅條款，例如好似當年賣走艾巴咸時咁，加入回購條款；又或者喺賣走年輕球員時，加入二次轉會分成，確保將來都可以分一杯羹等等等等，係西甲仲有更多奇奇怪怪嘅玩法，例如係出售球員嘅50%擁有權之類，不過因為英超未有呢啲案例，有機會先講。
到兩間球會傾掂數，就輪到下半場：同球員以及佢嘅經紀人埋枱傾個人條款。呢度要傾嘅，就係人工、合約年期、簽字費同個人獎金等等，一切都要符合返球會既定嘅薪酬結構。
以上部份同大家玩FM嘅時候嘅認知係一致，而遊戲同現實之間唔同嘅地方，就係細節位。
例如球員嘅肖像權。即係點樣分配球員因為佢個名同個樣，所產生嘅商業代言收入。呢個部分涉及複雜嘅法律同財務操作，亦都係一個潛在嘅合規風險位，處理得唔好隨時惹嚟一身蟻，就好似球會之前喺油王時代，就曾因為呢方面嘅「秘密付款」問題而受到監管機構調查。
第二章：過三關：體檢、工作證與文書地獄
傾掂數、球員又點晒頭，係咪就搞掂？少年，你太年輕了。喺官宣之前，仲要過三關，任何一關出錯，成單刁都可以玩完。
第一關：全面體檢
而家嘅體檢，唔再係簡單篤下膝頭、聽下心跳就算，而係一個由表現醫學主管、醫生、物理治療師、運動科學家、甚至營養師組成嘅團隊，進行嘅一次全面風險評估。佢哋會問對方球會，取得球員過往嘅數據，務求搵出任何潛在嘅「計時炸彈」。
呢份報告甚至可以成為壓價嘅籌碼，呢類事前就有問題嘅轉會大家應該見唔少，最經典嘅案例，莫過於2011年丹巴巴亞，最初佢係要轉會史篤城，但體檢後史篤城以膝傷為由取消交易，兩年後車仔評估完覺得玩得過，簽約時再加入「出場次數+膝蓋檢查」等等嘅保險條款，成功壓價簽入。
第二關：申請工作證(GBE)
對於非英國籍球員，呢一關就係極之麻煩嘅英國工作證 (Governing Body Endorsement)。呢個係一個計分制，球員要喺國家隊出場次數、球會成績、上陣時間百分比等方面儲夠15分，先至有資格踢英超。
之前我哋都提過話借用史堡去做跳板，就係為咗俾球員可以係五大聯賽入面儲夠上陣時間儲夠分。
除此之外，近年亦都開咗個後門，俾球會每季可以簽最多四個雖然唔夠分、但被認定係「精英傑出貢獻」(ESC) 嘅年輕天才，為我哋簽「幻幻」打開咗一扇重要嘅窗。順帶一提，最初簽山度士果時就係因為佢連「精英傑出貢獻」呢個項目都Fail咗…結果無打工簽證咁留咗係倫敦半年而被網友笑稱佢做無證黑工。
第三關：文書地獄與全球註冊 (FIFA TMS)
最後一關，就係喺合約上簽名，然後喺國際足協嘅「轉會匹配系統」(FIFA TMS) 上面完成註冊。呢個係一個全球性嘅網上平台，買賣雙方球會必須輸入完全一樣嘅交易資料，系統確認無誤之後，先會發出國際轉會證明，成單交易先算正式完成。
不過，始終係人唔係AI，GPT都會錯，球壇亦間中就會發生呢種事，例如最經典嘅例子係車路士外借施耶治嘅時候，佢本人都已經去咗巴黎準備好，點知車路士三次傳錯再加漏簽文件，法國職業聯盟 (LFP) 截單後拒絕上載至 TMS，最後成單交易告吹，呢種人為失誤算係其中一種。
仲有就係1秒都唔遲得嘅問題。以2017年Adrien Silva 的例子就最深入民心。當年李城打算由士砵亭簽施華，但係交易拖到最後一分鐘。李城果邊最後一秒上傳文件，到英足總果邊已經係00:00:14。就係14秒之差，施華單交易告吹，佢本人都要等到下一個轉會窗先可以註冊。
「外借大軍」的文藝復興
BlueCo時代另一個重大變革，就係將以往備受詬病嘅「外借大軍」，進行咗一次「文藝復興」，變成一個更具戰略性嘅系統。呢個系統嘅核心，就係收購法甲球會史特拉斯堡 (RC Strasbourg) 作為一個受控嘅「精英練級場」。目的就係要為嗰啲「18、19、20歲嘅超級巨星」，喺一個高水平嘅歐洲聯賽，提供一個穩定嘅發展平台，避免以往外借時上陣時間冇保證嘅弊病。
為咗專業化咁管理呢個系統，球會更任命咗祖殊·馬殊 (Josh Marsh) 做新嘅「外借球員經理」，並由名宿古迪仙尼 (Carlo Cudicini) 擔任技術教練從旁輔助。佢哋嘅外借策略，主要有三大支柱：
一線隊準備： 好似高維爾同占士咁，透過分級外借，培養佢哋成為回歸後嘅主力。
資產價值提升： 好似去咗維拉嘅伊恩馬臣同去咗紐卡素嘅霍爾咁，先將佢哋外借去高水平聯賽，打響名堂後再高價賣走，成為重要收入來源。
冗員管理： 當一啲球員（例如史達寧、捷維爾等等）無法即時賣走時，利用外借作為處理冗員嘅一種手段。
總結：精密機器的挑戰
由球探篩選、數據分析，到談判桌上嘅寸土必爭，再到通過體檢、工作證申請同埋應付文書地獄，最後將年輕球員妥善安排外借練級，BlueCo時代嘅車路士轉會策略，無疑已經進化成一部精密、高效，由各路專家協同運作嘅「交易機器」。 佢擺脫咗過往單一人物主導嘅模式，轉向更系統化、數據化、同埋風險管理嘅全面考量。
呢場轉會戰爭，車路士喺新時代下投入巨大資源去建立體系，目標係希望透過專業化、流程化去降低風險、提高效率，為球隊提供穩定而優質嘅兵源。 但最終能否將紙面上嘅「精密」轉化為球場上嘅「勝利」，將呢個「長遠大計」 由藍圖變為現實，睇怕就真係要時間去證明。 下一集就會筆鋒一轉，將視點由球員轉為醫療，帶大家睇下2023年改革之後嘅車仔醫療部門問題。EP4再見!
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
喺呢場戰爭入面，除咗有主導談判嘅體育總監，仲有喺背後處理繁複文書同工作證申請嘅行政團隊，甚至係喺關鍵時刻拍板落鎚嘅大老闆。我哋喺EP.1已經介紹過呢班「幕後英雄」：由溫斯坦利、史超活呢啲體育總監負責運籌帷幄，到球探網絡。今集，我哋就直接深入戰場，睇下呢部由專家組成嘅「交易機器」，點樣喺談判桌上進行攻防，又點樣為球員鋪設一條由加盟到外借嘅精密路徑。
第一章：談判桌上的攻防戰
當一份目標明確嘅「短名單」準備好之後，轉會操作就正式進入最刺激，亦都係最磨人嘅階段：談判。呢個過程，就好似一場分為上下半場嘅角力。
上半場，係我哋同賣家球會之間嘅攻防戰。談判嘅核心，除咗最基本嘅轉會費，仲包括點樣分期付款、同埋各種同球員未來表現掛鉤嘅附加條款。為咗保護自己嘅長遠利益，談判中仲會加入更複雜嘅條款，例如好似當年賣走艾巴咸時咁，加入回購條款；又或者喺賣走年輕球員時，加入二次轉會分成，確保將來都可以分一杯羹等等等等，係西甲仲有更多奇奇怪怪嘅玩法，例如係出售球員嘅50%擁有權之類，不過因為英超未有呢啲案例，有機會先講。
到兩間球會傾掂數，就輪到下半場：同球員以及佢嘅經紀人埋枱傾個人條款。呢度要傾嘅，就係人工、合約年期、簽字費同個人獎金等等，一切都要符合返球會既定嘅薪酬結構。
以上部份同大家玩FM嘅時候嘅認知係一致，而遊戲同現實之間唔同嘅地方，就係細節位。
例如球員嘅肖像權。即係點樣分配球員因為佢個名同個樣，所產生嘅商業代言收入。呢個部分涉及複雜嘅法律同財務操作，亦都係一個潛在嘅合規風險位，處理得唔好隨時惹嚟一身蟻，就好似球會之前喺油王時代，就曾因為呢方面嘅「秘密付款」問題而受到監管機構調查。
第二章：過三關：體檢、工作證與文書地獄
傾掂數、球員又點晒頭，係咪就搞掂？少年，你太年輕了。喺官宣之前，仲要過三關，任何一關出錯，成單刁都可以玩完。
第一關：全面體檢
而家嘅體檢，唔再係簡單篤下膝頭、聽下心跳就算，而係一個由表現醫學主管、醫生、物理治療師、運動科學家、甚至營養師組成嘅團隊，進行嘅一次全面風險評估。佢哋會問對方球會，取得球員過往嘅數據，務求搵出任何潛在嘅「計時炸彈」。
呢份報告甚至可以成為壓價嘅籌碼，呢類事前就有問題嘅轉會大家應該見唔少，最經典嘅案例，莫過於2011年丹巴巴亞，最初佢係要轉會史篤城，但體檢後史篤城以膝傷為由取消交易，兩年後車仔評估完覺得玩得過，簽約時再加入「出場次數+膝蓋檢查」等等嘅保險條款，成功壓價簽入。
第二關：申請工作證(GBE)
對於非英國籍球員，呢一關就係極之麻煩嘅英國工作證 (Governing Body Endorsement)。呢個係一個計分制，球員要喺國家隊出場次數、球會成績、上陣時間百分比等方面儲夠15分，先至有資格踢英超。
之前我哋都提過話借用史堡去做跳板，就係為咗俾球員可以係五大聯賽入面儲夠上陣時間儲夠分。
除此之外，近年亦都開咗個後門，俾球會每季可以簽最多四個雖然唔夠分、但被認定係「精英傑出貢獻」(ESC) 嘅年輕天才，為我哋簽「幻幻」打開咗一扇重要嘅窗。順帶一提，最初簽山度士果時就係因為佢連「精英傑出貢獻」呢個項目都Fail咗…結果無打工簽證咁留咗係倫敦半年而被網友笑稱佢做無證黑工。
第三關：文書地獄與全球註冊 (FIFA TMS)
最後一關，就係喺合約上簽名，然後喺國際足協嘅「轉會匹配系統」(FIFA TMS) 上面完成註冊。呢個係一個全球性嘅網上平台，買賣雙方球會必須輸入完全一樣嘅交易資料，系統確認無誤之後，先會發出國際轉會證明，成單交易先算正式完成。
不過，始終係人唔係AI，GPT都會錯，球壇亦間中就會發生呢種事，例如最經典嘅例子係車路士外借施耶治嘅時候，佢本人都已經去咗巴黎準備好，點知車路士三次傳錯再加漏簽文件，法國職業聯盟 (LFP) 截單後拒絕上載至 TMS，最後成單交易告吹，呢種人為失誤算係其中一種。
仲有就係1秒都唔遲得嘅問題。以2017年Adrien Silva 的例子就最深入民心。當年李城打算由士砵亭簽施華，但係交易拖到最後一分鐘。李城果邊最後一秒上傳文件，到英足總果邊已經係00:00:14。就係14秒之差，施華單交易告吹，佢本人都要等到下一個轉會窗先可以註冊。
「外借大軍」的文藝復興
BlueCo時代另一個重大變革，就係將以往備受詬病嘅「外借大軍」，進行咗一次「文藝復興」，變成一個更具戰略性嘅系統。呢個系統嘅核心，就係收購法甲球會史特拉斯堡 (RC Strasbourg) 作為一個受控嘅「精英練級場」。目的就係要為嗰啲「18、19、20歲嘅超級巨星」，喺一個高水平嘅歐洲聯賽，提供一個穩定嘅發展平台，避免以往外借時上陣時間冇保證嘅弊病。
為咗專業化咁管理呢個系統，球會更任命咗祖殊·馬殊 (Josh Marsh) 做新嘅「外借球員經理」，並由名宿古迪仙尼 (Carlo Cudicini) 擔任技術教練從旁輔助。佢哋嘅外借策略，主要有三大支柱：
一線隊準備： 好似高維爾同占士咁，透過分級外借，培養佢哋成為回歸後嘅主力。
資產價值提升： 好似去咗維拉嘅伊恩馬臣同去咗紐卡素嘅霍爾咁，先將佢哋外借去高水平聯賽，打響名堂後再高價賣走，成為重要收入來源。
冗員管理： 當一啲球員（例如史達寧、捷維爾等等）無法即時賣走時，利用外借作為處理冗員嘅一種手段。
總結：精密機器的挑戰
由球探篩選、數據分析，到談判桌上嘅寸土必爭，再到通過體檢、工作證申請同埋應付文書地獄，最後將年輕球員妥善安排外借練級，BlueCo時代嘅車路士轉會策略，無疑已經進化成一部精密、高效，由各路專家協同運作嘅「交易機器」。 佢擺脫咗過往單一人物主導嘅模式，轉向更系統化、數據化、同埋風險管理嘅全面考量。
呢場轉會戰爭，車路士喺新時代下投入巨大資源去建立體系，目標係希望透過專業化、流程化去降低風險、提高效率，為球隊提供穩定而優質嘅兵源。 但最終能否將紙面上嘅「精密」轉化為球場上嘅「勝利」，將呢個「長遠大計」 由藍圖變為現實，睇怕就真係要時間去證明。 下一集就會筆鋒一轉，將視點由球員轉為醫療，帶大家睇下2023年改革之後嘅車仔醫療部門問題。EP4再見!
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊