笑看球衣號碼會係本專欄既一個新系列，將會同大家「玩下波衫號碼」，例如會有如呢篇文既有趣名單，亦有可能會用某一個號碼既球員去砌一個陣容出黎，又或者會去探討一啲有趣既球衣號碼故事。
7號呢個號碼對唔少球員或者球會黎講都有唔同既意義，例如曼聯既7號會被視為球隊核心著上既號碼。足球既歷史上有數之不盡天王巨星曾經著上過7號波衫，當中例子包括有魯爾、C朗拿度以及舒夫真高等等。不過7號球衣通常都係進攻線，如右翼、前鋒既球員所穿著，好少話由後衛著上，所以本文特登搵黎四大聯賽中五位現時身穿7號波衫既後衛俾大家一齊認識下：
1. 皮爾賓特臣(Pierre Bengtsson)
呢張名單第一位球員皮爾賓特臣黎自瑞典，現時效力德甲球隊緬恩斯。佢喺瑞典球會AIK出道，踢過三年波後決定出國，轉戰丹麥超級聯賽，加盟當年既中游球隊諾斯查蘭特，並成功成為隊中正選左閘，佢既表現引起班霸哥本哈根既興趣，使其喺2011年以75萬鎊買入自己。
加入哥本哈根初期，皮爾賓特臣仍然要先後擔任雲特(現效力慕遜加柏)同奧維度(現效力愛華頓)既後備，要等到上述兩位球員離隊後，先等到自己成為長期正選既一日，佢亦隨隊贏過兩屆丹超冠軍。今年一月皮爾賓特臣自由轉會至緬恩斯，選擇7號球衣，直至而家佢獲得唔少上陣機會，成為緬恩斯既正選左閘。
2. 維斯達加特 (Jannik Vestergaard)
維斯達加特係一位現年只得廿二歲既丹麥中堅，出身於丹超邦比既佢十八歲就隻身去德國搵機會，加盟德甲球會賀芬咸。佢嘅潛力得到賀芬咸教練團嘅賞識，踢左一年二隊之後就被提拔上一隊。
維斯達加特數年黎踢過約七十場德甲，可惜今季上半季佢苦無上陣機會，只試過一次以正選上陣。不過另一隊德甲球隊雲達不來梅卻係對身高1米99嘅佢興趣滿滿，雲達不來梅歇冬時只排喺第十六位，矢志增加防守嘅佢地最終以220萬鎊購入維斯達加特，後者穿上左7號波衫。
雲達不來梅嘅教練團如此評價維斯達加特：佢係一個強壯嘅球員，佢出色嘅體格同攔截能力使佢成為一位強勁嘅中路守將。我地已經觀察左佢一段時間，並且都認為佢同時有豐富嘅經驗同潛力，可以為球隊提升實力。維斯達加特轉會之後果然得到不來梅嘅重用，今季下半季上陣十三場，當中所有都係正選上陣，更加有傳愛華頓已經睇上佢，諗住用700萬鎊帶佢去英格蘭。
3.馬素贊臣 (Marcell Jansen)
相比起以上兩位後衛，相信更多球迷會認識馬素贊臣，而佢亦係呢張名單中第三位德甲球員。馬素贊臣係一位左閘，出身於慕遜加柏，於艾禾卡特執掌時開始得到信任及上陣機會。佢第二季開始憑住出色既表現得到其他大球會既賞識，最終於2007年加入班霸拜仁慕尼黑，佢加盟拜仁只得短短一季，2008年奇連士文取代軒斯菲特成為拜仁主帥，佢唔滿意馬素贊臣喺2008歐國盃既表現而將馬素贊臣賣至漢堡。
馬素贊臣加盟漢堡之後，著上左7號波衫，而佢亦唔再似喺慕遜加柏同拜仁咁長任左閘，而係喺左閘、左中場，甚至左翼既位置上都可以見到佢既蹤影。馬素贊臣都算係一個「容易受傷的男人」，佢不時都會因為傷患而一次過缺陣五、六場比賽，係只得11/12球季健康少少。
漢堡今季再次飽受降班威脅，雖然佢地而家排喺第十四位，但其實距離榜尾既史特加只得兩分，有傳漢堡季尾會放走馬素贊臣，唔知轉會之後佢仲有冇得著7號波衫呢？
4. 拉沙亞 (Achraf Lazaar)
睇完德甲，意甲都有一個身穿7號既後防球員，佢就係拉沙亞。拉沙亞現時廿三歲，係摩洛哥既大國腳，出身於意乙球會華拉些。上季季中同屬意乙既巴勒莫借得拉沙亞，拉沙亞帶黎既效果唔錯，亦為自己賺得唔少出場時間，更加為巴勒莫贏得上季既意乙冠軍。升上意甲既巴勒莫既然要招兵買馬應付意甲，何不買斷一試難忘既拉沙亞呢？就係咁，拉沙亞正式加盟巴勒莫，簽約至2017年。
穿上7號既拉沙亞其實效力巴勒莫後，已經極少如以往咁喺左閘位置上出現，而係擔任一個左中場位置，不過既然今季拉沙亞喺意甲有三位以正選左閘身份上陣，而且佢既首選位置亦係左閘，放佢喺呢張名單入面都絕對合理。而拉沙亞喺意甲既表現亦據聞引起左水晶宮既興趣。
5. 巴古拿(Leandro Bacuna)
巴古拿係英超既代表，現效力阿士東維拉。呢位廿三歲既荷蘭籍球員父母親都做過足球員，繼承優良足球基因既佢以往效力荷甲既格羅寧根，佢既多樣性被前維拉領隊林拔睇上，最終於上季加盟維拉，簽約三年，並著上7號波衫，轉戰英超對巴古拿黎講可謂夢想成真。
與馬素贊臣同拉沙亞相反，巴古拿本身於格羅寧根係一位翼位球員，係去到阿士東維拉之後先開始經常被獲派擔任右閘。上季佢貢獻左五球入波，今季入波數量減少，但助攻數量就由一球變為五球，當中包括作客熱刺時，傳中俾賓迪基頂入全場唯一入球，以及喺主場對愛華頓時用通透直線助攻卡華利，協助球隊搶得護級重要既六分。
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk大家睇左延伸閱讀既文未？未就快啲睇下喇，多謝支持~
7號呢個號碼對唔少球員或者球會黎講都有唔同既意義，例如曼聯既7號會被視為球隊核心著上既號碼。足球既歷史上有數之不盡天王巨星曾經著上過7號波衫，當中例子包括有魯爾、C朗拿度以及舒夫真高等等。不過7號球衣通常都係進攻線，如右翼、前鋒既球員所穿著，好少話由後衛著上，所以本文特登搵黎四大聯賽中五位現時身穿7號波衫既後衛俾大家一齊認識下：
1. 皮爾賓特臣(Pierre Bengtsson)
呢張名單第一位球員皮爾賓特臣黎自瑞典，現時效力德甲球隊緬恩斯。佢喺瑞典球會AIK出道，踢過三年波後決定出國，轉戰丹麥超級聯賽，加盟當年既中游球隊諾斯查蘭特，並成功成為隊中正選左閘，佢既表現引起班霸哥本哈根既興趣，使其喺2011年以75萬鎊買入自己。
加入哥本哈根初期，皮爾賓特臣仍然要先後擔任雲特(現效力慕遜加柏)同奧維度(現效力愛華頓)既後備，要等到上述兩位球員離隊後，先等到自己成為長期正選既一日，佢亦隨隊贏過兩屆丹超冠軍。今年一月皮爾賓特臣自由轉會至緬恩斯，選擇7號球衣，直至而家佢獲得唔少上陣機會，成為緬恩斯既正選左閘。
2. 維斯達加特 (Jannik Vestergaard)
維斯達加特係一位現年只得廿二歲既丹麥中堅，出身於丹超邦比既佢十八歲就隻身去德國搵機會，加盟德甲球會賀芬咸。佢嘅潛力得到賀芬咸教練團嘅賞識，踢左一年二隊之後就被提拔上一隊。
維斯達加特數年黎踢過約七十場德甲，可惜今季上半季佢苦無上陣機會，只試過一次以正選上陣。不過另一隊德甲球隊雲達不來梅卻係對身高1米99嘅佢興趣滿滿，雲達不來梅歇冬時只排喺第十六位，矢志增加防守嘅佢地最終以220萬鎊購入維斯達加特，後者穿上左7號波衫。
雲達不來梅嘅教練團如此評價維斯達加特：佢係一個強壯嘅球員，佢出色嘅體格同攔截能力使佢成為一位強勁嘅中路守將。我地已經觀察左佢一段時間，並且都認為佢同時有豐富嘅經驗同潛力，可以為球隊提升實力。維斯達加特轉會之後果然得到不來梅嘅重用，今季下半季上陣十三場，當中所有都係正選上陣，更加有傳愛華頓已經睇上佢，諗住用700萬鎊帶佢去英格蘭。
3.馬素贊臣 (Marcell Jansen)
相比起以上兩位後衛，相信更多球迷會認識馬素贊臣，而佢亦係呢張名單中第三位德甲球員。馬素贊臣係一位左閘，出身於慕遜加柏，於艾禾卡特執掌時開始得到信任及上陣機會。佢第二季開始憑住出色既表現得到其他大球會既賞識，最終於2007年加入班霸拜仁慕尼黑，佢加盟拜仁只得短短一季，2008年奇連士文取代軒斯菲特成為拜仁主帥，佢唔滿意馬素贊臣喺2008歐國盃既表現而將馬素贊臣賣至漢堡。
馬素贊臣加盟漢堡之後，著上左7號波衫，而佢亦唔再似喺慕遜加柏同拜仁咁長任左閘，而係喺左閘、左中場，甚至左翼既位置上都可以見到佢既蹤影。馬素贊臣都算係一個「容易受傷的男人」，佢不時都會因為傷患而一次過缺陣五、六場比賽，係只得11/12球季健康少少。
漢堡今季再次飽受降班威脅，雖然佢地而家排喺第十四位，但其實距離榜尾既史特加只得兩分，有傳漢堡季尾會放走馬素贊臣，唔知轉會之後佢仲有冇得著7號波衫呢？
4. 拉沙亞 (Achraf Lazaar)
睇完德甲，意甲都有一個身穿7號既後防球員，佢就係拉沙亞。拉沙亞現時廿三歲，係摩洛哥既大國腳，出身於意乙球會華拉些。上季季中同屬意乙既巴勒莫借得拉沙亞，拉沙亞帶黎既效果唔錯，亦為自己賺得唔少出場時間，更加為巴勒莫贏得上季既意乙冠軍。升上意甲既巴勒莫既然要招兵買馬應付意甲，何不買斷一試難忘既拉沙亞呢？就係咁，拉沙亞正式加盟巴勒莫，簽約至2017年。
穿上7號既拉沙亞其實效力巴勒莫後，已經極少如以往咁喺左閘位置上出現，而係擔任一個左中場位置，不過既然今季拉沙亞喺意甲有三位以正選左閘身份上陣，而且佢既首選位置亦係左閘，放佢喺呢張名單入面都絕對合理。而拉沙亞喺意甲既表現亦據聞引起左水晶宮既興趣。
5. 巴古拿(Leandro Bacuna)
巴古拿係英超既代表，現效力阿士東維拉。呢位廿三歲既荷蘭籍球員父母親都做過足球員，繼承優良足球基因既佢以往效力荷甲既格羅寧根，佢既多樣性被前維拉領隊林拔睇上，最終於上季加盟維拉，簽約三年，並著上7號波衫，轉戰英超對巴古拿黎講可謂夢想成真。
與馬素贊臣同拉沙亞相反，巴古拿本身於格羅寧根係一位翼位球員，係去到阿士東維拉之後先開始經常被獲派擔任右閘。上季佢貢獻左五球入波，今季入波數量減少，但助攻數量就由一球變為五球，當中包括作客熱刺時，傳中俾賓迪基頂入全場唯一入球，以及喺主場對愛華頓時用通透直線助攻卡華利，協助球隊搶得護級重要既六分。
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk大家睇左延伸閱讀既文未？未就快啲睇下喇，多謝支持~
請按此登錄後留言。未成為會員? 立即註冊