坦赫近年帶領阿積士有聲有色，曾將原本只有歐霸級數嘅球隊帶上歐聯四強，雖然最後僅被熱刺奇蹟淘汰，但球隊沿途帶俾球迷嘅驚喜以及球隊悅目嘅踢法，亦教人難忘。2019年闖入歐聯四強嘅班底被「拆骨」，轉眼兩至三年，球隊人腳雖然未至人面全非，但大多位置已有更替。坦赫帶領新一代嘅阿積士，今季又再發光發亮。
坦赫麾下嘅阿積士，踢法同「地上最強」時期嘅巴塞相似，著重控球同短傳配合，亦經常向前壓迫。而唔同嘅地方，在於阿積士踢得比較直接，更具機動性。有人將坦赫嘅戰術概念歸納為「垂直嘅Tiki-Taka」，小弟個人對於呢個講法都幾有feel。
⚽️戰術分析
坦赫麾下阿積士嘅踢法之中，重點係無球跑動。坦赫受訪時提到：「如果要摧殘對手，你需要無球跑動，呢個係成功嘅關鍵。」縱橫交錯嘅組織配合，源自傳球同跑動。由後場將球運上前場以至滲入對方禁區時，球員都需要以無球跑動維持隊形緊密，同時不斷為隊友拉扯空間提供傳球選擇。
阿積士嘅組織模式以短傳為主，過程中不斷以三角形企位拉扯對方防守，從而做出高頻率嘅傳送或one-two配合將波運送上前。當然前面亦會嘗試不斷現位，提供較直接嘅傳球選擇。
去到前場，球員紛紛前插，讓於「K角位」附近持球嘅球員，同時可以有幾個傳球選擇。細節而言，會有兩位球員衝擊同一邊路，其中一個衝halfspace，另外一個衝落底，而另外一邊嘅翼鋒亦會拉邊，準備長傳轉邊，中路亦有足夠人手以作為支點，幫助邊路內切。
今季嘅阿積士，有兩位球員令坦赫麾下球隊嘅踢法更多元化。今季加盟嘅前鋒夏拿擁有1.9米身高，加上其空中能力，令球隊得以增添以高波進攻嘅選擇。另一位值得一提嘅係巴西新星安東尼，佢個人能力突出，加上隊友配合，時常能令右路突破更加事半功倍。
坦赫戰術概念清晰，效果亦毋庸置疑。不過，若果坦赫加盟曼聯，佢將要花唔少時間將其概念注入球隊。要充分發揮坦赫嘅戰術，亦需要轉會操作甚至青訓嘅配合。若果成事，曼聯球迷還須給予時間。
以下為足本圖文版，歡迎觀看、Follow IG 同支持本文合作夥伴 @unitedfans_hk !!
坦赫麾下嘅阿積士，踢法同「地上最強」時期嘅巴塞相似，著重控球同短傳配合，亦經常向前壓迫。而唔同嘅地方，在於阿積士踢得比較直接，更具機動性。有人將坦赫嘅戰術概念歸納為「垂直嘅Tiki-Taka」，小弟個人對於呢個講法都幾有feel。
⚽️戰術分析
坦赫麾下阿積士嘅踢法之中，重點係無球跑動。坦赫受訪時提到：「如果要摧殘對手，你需要無球跑動，呢個係成功嘅關鍵。」縱橫交錯嘅組織配合，源自傳球同跑動。由後場將球運上前場以至滲入對方禁區時，球員都需要以無球跑動維持隊形緊密，同時不斷為隊友拉扯空間提供傳球選擇。
阿積士嘅組織模式以短傳為主，過程中不斷以三角形企位拉扯對方防守，從而做出高頻率嘅傳送或one-two配合將波運送上前。當然前面亦會嘗試不斷現位，提供較直接嘅傳球選擇。
去到前場，球員紛紛前插，讓於「K角位」附近持球嘅球員，同時可以有幾個傳球選擇。細節而言，會有兩位球員衝擊同一邊路，其中一個衝halfspace，另外一個衝落底，而另外一邊嘅翼鋒亦會拉邊，準備長傳轉邊，中路亦有足夠人手以作為支點，幫助邊路內切。
今季嘅阿積士，有兩位球員令坦赫麾下球隊嘅踢法更多元化。今季加盟嘅前鋒夏拿擁有1.9米身高，加上其空中能力，令球隊得以增添以高波進攻嘅選擇。另一位值得一提嘅係巴西新星安東尼，佢個人能力突出，加上隊友配合，時常能令右路突破更加事半功倍。
坦赫戰術概念清晰，效果亦毋庸置疑。不過，若果坦赫加盟曼聯，佢將要花唔少時間將其概念注入球隊。要充分發揮坦赫嘅戰術，亦需要轉會操作甚至青訓嘅配合。若果成事，曼聯球迷還須給予時間。
以下為足本圖文版，歡迎觀看、Follow IG 同支持本文合作夥伴 @unitedfans_hk !!
請按此登錄後留言。未成為會員? 立即註冊