球會領導層的難題 - 領隊篇 (下)

唔係足球咁簡單 於 19/01/2016 發表 收藏文章
首集回顧 : 球會領導層的難題 - 領隊篇 (上)

上集回顧 : 球會領導層的難題 - 領隊篇 (中)

話咁快就黎到最後一集喇,其實好戲在後頭,領隊最辛苦既都唔係對住球迷同球員呀!咁係邊個?我地一齊黎睇下。

五、足球總監

領隊一個人既能力其實好有限,所以一般既球會都會有個足球總監幫輕下個領隊。(好文重溫:與雲高爾共同承擔壓力的男人)一個領隊需要同足球總監有良好既溝通,因為面對好多對外既操作,例如係買人賣人或者搵贊助商咁,都需要足球總監既幫助。唔好睇呢啲運作大家都冇乜興趣呀,事關呢啲操作直接影響左球會既收支,某程度上都影響熙個領隊未來可以用既彈藥有幾多架。


更何況好多時候一個領隊既時間真係唔係好夠用,當領隊想同一個球員續約或簽約既時候,總冇可能浪費寶貴既時間慢慢同球員既經理人傾計家麻,呢個時候足球總監就要發揮佢既作用去為球會留低或者增添一個新隊員去令球員球會都達到雙贏既局面喇。

六、自己
咩話?自己?係。一個領隊比自己既壓力真係唔睇得小。好多時對住一場比賽領隊又真係未必知道要點踢先可以打得贏對面,甚至乎一個新領隊上任既時候根本就唔知道呢隊球隊係自己既領導底下可以踢啲咩足球、自己可以點樣改造呢支球隊咁。強如費格遜都用左四年既時間先可以掌握到帶領曼聯既精粹。係呢個換人易過食菜既年代,每個新領隊都只有好小既時間可以證明到自己,如果唔可以係短時間有清晰既思路同成果,咁就註定呢個領隊既下場就只有一個。


問題係,相比廿年前依加作為一個領隊既難度又大左,到底一個領隊要有咩實力先至可以達到費格遜既高度?

Final Boss、班主
無錯,無論你同球職員球迷抑或全世界關係幾好都冇用,因為你既生死大權係係球會既班主手上。如果個班主唔妥你或者嫌你唔夠新鮮,佢的而且確係可以輕輕鬆鬆咁炒左你,好無奈又好熟悉呀可?無奈係因為大家都知其實領隊都冇乜野可以做到,而熟悉既係其實你同我只要都係上班族,都係面對緊呢個風險。唔同既係今日你同我比人炒左,冇人會好奇間公司既前途會變成點樣,但一個領隊無啦啦比人炒左係會造成球會既動蕩。

除左工作穩定性之外,面對班主最困難既係點樣係限米煮限飯既情況底下要達到班主既要求。就好似莫耶斯係愛華頓既年代咁,用極度有限既資源盡力將愛華頓打造成一支英超中上遊既球隊咁。又好似雲加每年都係有限既資金入面依然可以力保前四咁。相對番車路士同曼城呢啲豪門球會黎講,愛華頓同阿仙奴既成績其實真係叫唔錯架。


好喇,一連三集同大家大致睇睇一個領隊既難題係邊到喇,當然現實上仲有好多好多問題係大家想像唔到咁麻煩架啦!所以一個領隊做得唔好既時候大家都記得要多多體諒佢地喇!

如需轉載,請列明出處。
如果中意我地既文章,歡迎你地比個Like 我地呀
本文亦刊於 這裡

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→