與雲高爾共同承擔壓力的男人 #非hehe

世界球壇俱樂部 於 17/01/2016 發表 收藏文章
近期曼聯既比賽叫做略有起色但依然未如人意,大家都覺得曼聯可以做得更好,所以作為曼聯主帥既雲高爾真係背負住好多人既期望架。但壓力來源又點會得咁小呢?曼聯近年既戰績可謂近廿年黎最差既時間,咁都冇辦法既,始終費爵爺既功力實在太深厚喇。加上外間又盛傳摩連奴要取代方丈個位向車路士報仇喎,面對住濃厚既下台氣氛,又點能夠安心咁為球隊設想呢?

上場比賽曼聯只能夠同紐卡數打成3比3,相信各位曼迷都唔能夠滿意又痛失兩分架喇。黎緊曼聯將要作客去到晏飛路球場同利物浦決一死戰,如果有咩差池既話雲高爾呢個位都真係幾危危乎喇。由佢輸左比史篤城之後串個肥佬記者一事就可以睇得出,戰術大師既壓力都真係唔講得笑架。

咁到底係邊個同雲高爾一樣背負住咁多人既目光呢?答案就係木仔 --- Ed Woodward 活華特喇。木仔係2014年帶左呢位前巴塞同拜仁既教頭黎到曼聯,當時佢竟咁同方丈講既:「理論上你要向我報告你既行動,事實上係我為你想做既野而行動。」

引用"Technically you report to me, but I work for you."


當過去果年半花費左咁多既轉會費比雲高爾建立自己理想中既球隊,就睇得出木仔有兌現佢既承諾啦。不過用左咁多錢,換番黎既成績表居然係咁樣既時候,無限量支持雲高爾既活華特都開始比人質疑到底選擇呢位荷蘭藉教頭既選擇係岩定錯喇。

雖然受到其他人既懷疑,但木仔都仲好堅持自己既睇法。只要大眾開結質疑雲高爾,木仔就會出黎為佢護航,話佢仍然係曼聯相信既果一位。即使摩佬比車路士炒左,大家都推薦摩連奴接任曼聯主帥一職,活華特都冇動搖過。

係十二月曼聯連輸四場之後,雲高爾同記者朋友講:「你地一直係到討論我既工作,但我冇興趣同你地講一切有關我帥位既事。我會選擇同活華特講,而唔係同你地。」
事實上,雲高爾都有恆常咁同曼聯既高層開會去商討點樣帶領曼聯重回昔日既輝煌。同時活華特都需要雲高爾挽救番佢被摧毀緊既名聲,加上繼莫耶斯之後再炒第二個領隊就代表佢地犯下左無數個錯誤。木仔又點會比呢件事發生呢?



雲高爾既失敗就係木仔既失敗,縱使好多其他球會好享受炒人與請人呢個咁美妙既輪迴,但呢個並唔係紅魔鬼既傳統。活華特同雲高爾依家彼此扶持,為既就係帶領曼聯重回正軌,為呢段"一起走過的日子"增添紅魔既色彩。

原文
標籤: 曼聯  雲高爾  

留言


請按此登錄後留言。未成為會員? 立即註冊
  • 1982 於 17/01/2016 評論 NO. 1

    今晚雲高爾注定失敗

快捷鍵:←
快捷鍵:→