球會領導層的難題 - 領隊篇 (上)

唔係足球咁簡單 於 19/01/2016 發表 收藏文章
好文重溫:與雲高爾共同承擔壓力的男人

其實作為一間球會既領導層真係一點兒也不簡單,就等我地一連三集從唔同既角度黎睇下作為一個領隊到底管理一間球會同大家理想中有咩分別啦!第一集作為頭炮,就等我地一齊黎睇下作為一個領隊對球員要面對啲咩難題!

一、與球員關係

如果問大家一個領隊既工作係乜野,相信大家都會覺得係帶領球隊取得勝利喇。不過一場比賽落場既又唔係領隊,所以除左球員既實力之外,就要睇領隊賽前點樣就住對手既優劣黎安排賽事喇。一個領隊憑住自己既哲學同戰術理念,往往都可以打出自己理想中既效果,係球場上出奇不意咁擊潰對手。不過事實就冇咁美好既,我地成日都聽到各式各樣既將帥不和,結果就造就左各式各樣既雪藏同棄用,令到可以用既兵源小左,戰術既可變性低左,勝算就自然低左。


但一個領隊同隊員最大既問題就在於到底佢地之間既相處到底係點樣既。日常生活之間大家一定會發生磨擦,一個領隊既處事方法好大程度會影響到佢同隊員之間既關係。如果一個領隊係處理一啲小問題上面處理得唔好,就好容易引起隊員不滿,而一旦領隊既威信受到隊員既質疑,咁會對佢造成極大既不便。事關一個領隊無論從訓練以至戰術演練都需要球員既服從,萬一球隊入面出現多於一個聲音,就好容易造成球隊內部既混亂。

而事實上,同一班球員相處一啲都唔簡單,一隊波入面每個球員都有住自己既諗法同價值觀,要令佢地改變自己而信服領隊,相信領隊既做法並唔係一件容易既事,如果隊中有麻煩友既話更加大大咁增加左領隊既工作量,亦係考驗緊一個領隊待人接物既處世態度。

換言之,一個領隊需要同佢地既球員保持良好既關係,重點其實都係透過溝通同妥協。不過理想就緊係美好既,望到更衣室內亂既情況不斷出現,就知呢份工冇想像中咁簡單啦!

二、球員間關係

就算每個球員都相信佢地既領隊喇,但咁樣都係唔足夠架。事關一隊隊伍起碼都有成廿幾人,而每次可以進入比賽名單既就只有十八個,作為一個領隊要做既就係控制好球員既情緒,比佢地相信佢地係球會係有未來既,亦都避免佢地遷怒係取代左佢地既球員身上。


除左上陣機會之外,其實一班人一齊生活,無論係訓練定還是食飯都會有機會出現爭執。可能係八字唔夾,都可能係有人超越底線,反正當球員之間出現問題既時候,領隊就必須要好好咁處理每一個紛爭。事關足球係十一個人既運動,係球場上都講究球員之間既配合同默契,球員之間如果冇一個好既關係既話就唔能夠發揮球隊最大既戰力,咁樣對於一個領隊黎講都唔係一件可以接受既事。

最大既問題就在於球員之間既問題可以係引發至一件好細微既小事,都有可能球員會將仇恨隱藏憬自己心裡面。於是一個領隊就需要有敏銳既洞察力去發現球隊入面既異常狀態。聽落就好簡單囉,但實現起上黎其實都真係好困難架。因為一個領隊要處理既事情實在太多,如果一個唔覺意忽略左球員既怨氣,到左一發不可收拾既階段再要解決件事就真係舉步維艱喇。


今集就同大家講住咁多先啦!下集再同大家探討多啲關於領隊既辛酸事。
如需轉載,請列明出處。

傳送門 : 球會領導層的難題 - 領隊篇 (中)

如果中意我地既文章,歡迎你地比個Like 我地呀
本文亦刊於 這裡

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→