華拉堤 90後新晉中場指揮官 車路士真的需要他?

BluexLion車迷手記 於 22/05/2017 發表 收藏文章
-請支持藍獅 Facebook專頁-
<歡迎轉載 請列明出處 謝謝>

意大利中場核心華拉堤(Marco Verratti)近日又再次與車路士聯上關係,在來季增加歐聯戰線底下,藍軍需要添購中場球員以提升板凳深度實屬無容置疑,但華拉堤真係適合車路士既戰術體系嗎?
先從華拉堤既背景數據講起,今季至今一共為巴黎聖日門上陣42場,其中取得3個入球及8個助攻,數字上算唔上特別亮眼,但有留意開PSG既球迷都知道,華拉堤係陣中實屬非常重要。球隊主打開三中場,華拉堤主要司職中場中位置,身旁有馬度迪(Blaise Matuidi)或拉比奧特(Adrien Rabio),背後有莫達(Thiago Motta),各自為華拉堤提供保護以及助攻助守。而華拉堤就成為球隊既創造者,專心為隊友鋪橋搭路,組織攻勢,幾乎所有中後場既波都會交比佢發辦,完全係巴黎入面既重中之重。當日以「新派路」之名登陸法甲,外界有不少聲音認為佢會敗走巴黎,想不到經過安察洛堤(Carlo Ancelotti)調教後,打出自己風格,成為當今球壇上獨當一面既中場指揮官。
而今屆歐聯十六強巴季聖日門對巴塞隆拿既兩回合既賽事中,華拉堤既表現可以話相當可人,雖然最後被巴塞兩回合計反勝,再一次無緣挑戰大耳朵盃,但場上既表現經已獲得眾人認可,就連巴塞兩大標誌性人物沙維(Xavier Hernández Creus)及恩尼斯達(Andrés Iniesta Luján)亦希望佢加盟魯營;今季在接連失去歐聯晉級八強以及聯賽冠軍底下,華拉堤絕對有機會在來季離開PSG尋找新挑戰,在安察洛堤離職後哩幾年球員既進步空間未及先前理想,相信球員亦唔甘心安於現狀只奪取法甲國內錦標,相反巴黎聖日門亦不會輕易放走哩位有機會成為未來傳球大師既意大利人。
而言回歸現實,車路士究竟需唔需要華拉堤?今季干地主打雙中場,人選主要圍繞簡迪、馬迪、法比加斯三人,而以上球員的確缺乏華拉堤擁有既元素,以創造力論,華拉堤可以話與法比加斯不相伯仲,而以防守力及覆蓋面,華拉堤亦不失色於簡迪,似乎哩位意大利指揮官能夠為車路士提升至另一層次,但足球並非一人運動,而且仲需要人腳同戰術互相配合,至可以遇強愈強;想講既就係以華拉堤自身特質,所有中場既波接近九成都要經佢腳做發辦,如果佢加盟藍橋,貴為陣中中場助攻王既法比加斯必定首當其衝受到影響,除非各自分配不同職責,就好似喺意大利國家隊安排華拉堤同派路(Andrea Pirlo)咁樣,否則好難同場上陣。而且華拉堤本身既傷病記錄都唔少,上季嚴重受傷患困擾,只為PSG在各項賽事一共上陣28場,相比今季42場少了三分之一,而英超聯賽球風較法甲硬朗,華拉堤能否完整地完成一個賽季仍是未知知數。
而干地在執教意大利國家隊時亦有與華拉堤共事,相信對球員自身特質非常了解。疑人不用,用人不疑,如果羅致華拉堤係干地既意思,相信唔會有藍軍球迷反對哩單交易,但若果只係技術總監艾文拿路想增添星味球員到陣容之中,增加車路士既知名度,就請先資詢干地意見為先。...精華延伸閲讀二選一...追隨摩連奴既步伐 還是繼續留效干地 韋利安...青春風暴係時候抬起頭來 把握今季最後兩場機會...

來源 : https://playingfor90.com/2017/05/21/chelsea-fc-rumors-blues-foolish-sign-marco-verratti/

<歡迎轉載 請列明出處 謝謝>
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
標籤: 華拉堤  車路士  干地  

留言


請按此登錄後留言。未成為會員? 立即註冊
快捷鍵:←
快捷鍵:→