由藍轉紅白的倒戈兩將 貝查恩特 羅美奧

藍獅 於 26/04/2017 發表 收藏文章
-請支持藍獅 Facebook專頁-
<轉載請列明出處 謝謝>

昨晚車路士主場4比2擊敗修咸頓,令外界紛紛討論既除左係迪亞高哥斯達打破入球荒之外,仲有既就係全場六個入球都係由車路士現任同前任球員包辦。由藍色衫轉為紅白間條衫,在藍橋上取得入球既就係貝查恩特(Ryan Bertrand)及羅美奧(Oriol Romeu Vidal)。
先講貝查恩特,早期加入車路士青年軍,經歷過外借到大大小小既英國本土球會,包括英超及英冠球隊,及後回歸到藍橋擔任後備左閘。喺2012年既慕尼黑之夜,由於當時球隊人手寥寥可數,貝查恩特被安排以左攻擊中場身份出戰歐聯決賽,表現稱職,最後成功為車路士高舉大耳朵盃。可惜既係,曾經被譽為傳奇左閘艾殊利高爾(Ashley Cole)接班人既貝查恩特,佢既質素同成長速度實在遠低於預期,連左閘基本擁有既防守都未能做好。被當時剛上任重返車路士既摩連奴外借到阿士東維拉一個賽季,其後一季外借到修咸頓,因表現理想,在季中被聖人出價買斷合約,正式完結左佢喺車路士既生涯。
而喺貝查恩特轉會到修咸頓既合約當中,並不包括回購條款,轉會後成為球會既正選左閘,亦令佢哩幾季不斷進步。同時近日成為媒體炒作對象,回歸藍橋擔任左翼衛替補,但小弟認為可能性不大。
相比於貝查恩特曇花一現既藍橋生涯,另一入球者羅美奧既生涯就相對平淡。由巴塞轉會至車路士既佢,被安排6號球衣,號碼上既表示絕非小角色。而言羅美奧喺當時領隊保亞斯(André Villas-Boas)既手下,的確獲得唔少上陣機會,當中亦有出席歐聯既賽事。及後巴塞隆拿與車路士在球員既回購條件上各執一詞,發生一段小風波,當然球員最後亦沒有回歸魯營。到第二季,球員既傷患使佢為球隊全季只上陣9場賽事,其後正式開始外借生涯,被送到西甲華倫西亞以及德甲史特加,可惜表現未合乎標準,最終也轉會至修咸頓。
貝查恩特同羅美奧兩位曾經穿過車路士球衣既球員,同一場比賽於史丹福橋上各自取得入球,絕對配得上藍橋的掌聲。

<轉載請列明出處 謝謝>
藍獅 每週末出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  修咸頓  貝查恩特  羅美奧  

留言

會員
我要評論
請按此登錄後留言。未成為會員? 立即註冊
  • OhMyGirl_Arin
    OhMyGirl_Arin 於 26/04/2017 評論 NO. 1

    車仔賣出去d人真係大部分出到去都踢得幾唔錯

快捷鍵:←
快捷鍵:→