《柏度韋利安同日離隊 見証藍軍翼鋒時代揭開新的一頁》

藍獅 於 10/08/2020 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-


經歷歐聯淘汰賽出局過後,車路士正式完成今季所有賽事,亦意味住合約到期球員將會離隊,而同日柏度以及韋利安經已喺個人社交媒體公佈離隊消息,同時感激藍軍為佢地既職業生涯帶黎奬盃及回憶,兩位老將既離隊亦標誌住車路士一個翼鋒時代經已結束,而下個時代將由佩利錫、薛耶治等人承繼。

無論由以往杜夫拍洛賓雙翼齊飛加上祖高爾年代,再到馬路達、安歷卡等人,而及後近八年時間就由夏薩特、韋利安以及柏度做主導,三者之中以夏薩特最早加盟,當時以歐冠奬盃之名吸引佢同奧斯卡登陸史丹福橋,兩者伙拍馬達成為藍軍進攻三核,亦係將車路士由以往鐵血風格改變成為「技術流」,前場加入細膩既小組配合,加上各人腳下擁有吸目既盤扭技術,可以話相當討球迷歡心。

而摩連奴二次回歸藍橋後,將馬達換走同時引入更為體力型踢法既韋利安,著重於以跑動覆蓋輪流於攻守兩端作輸出,雖然巴西人既踢球風格未必討好得到球迷們,不過睇返過去哩七年韋利安喺藍橋既表現亦的確相當務實,尤其喺球隊表現低沉時依然非常賣力,再加上較少受傷患困擾,足以支持咁多季以黎無論喺邊任領隊手上都能夠堅守正選位置,相信哩一點直到依加離隊既一刻都無人估到韋利安加盟藍軍係可以踢到長逹七年既時間。

而柏度預然係三者之中最後加盟既一位,亦喺初到黎既時候處境顯得比另外兩位掙扎,短短一季時間經已傳出會回歸西甲球壇,不過喺干地上任後柏度明顯被受重用,而且當季狀態亦相當火熱,更一度更將韋利安擠於後備席上,亦成為左應屆奪得英超功臣之一;其實近年黎車路士一直都有意由改革翼鋒位置,始終三者都已經年近三十,不過一直都搵唔到有合適既球員接替,而同時佢地三個又繼續維持到穩定輸出,再加上有其他位置更為緊急,令翼鋒換班計劃再三延後。

夏薩特為追夢於季初離隊,韋利安雖然想留隊但無法與球會達成續約條件,而柏度選擇繼續於其他未踏足過既球壇闖蕩,三位雖然已成為歷史不過都經已令球迷們銘記於心,翼鋒時代亦係時候揭開新的一頁,就睇下佩利錫、薛耶治以及奧岱等人能唔能夠承繼下一個十年....


文章發表時間 : 10/08/2020 12:35
文章最後更新時間 : 10/08/2020 12:35

延伸文章 :
《離隊已成定局 韋利安將結束七年藍橋生涯黯然離開》
《家有一老如有一寶 淺談老將們如何混合青春班成就今季車路士》

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  柏度  韋利安  夏薩特  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→