圖片來源：英超官方網站 (https://www.premierleague.com/match/66499)
今輪英超雖然冇一啲傳統嘅強強對碰，卻有一場話題性十足嘅賽事：謝拉特帶領阿士東維拉作客晏菲路。「神奇隊長」謝拉特從青年軍時期開始已經為利物浦效力，更帶領球隊踏上歐洲之巔，捧起歐聯冠軍；雖然最終仍然與英超冠軍無緣，但都無阻佢喺利物浦及利物浦球迷舉足輕重嘅地位。
今場利物浦沿用 4-3-3 出戰，陣容上同上場贏狼隊嘅聯賽賽事大致一樣，四人防線繼續有羅拔臣、雲迪克、馬迪普、亞歷山大阿諾；中場方面則有泰亞高、法賓奴、佐敦軒達臣；前鋒反而有令人意外嘅人選，就係今場由張伯倫代替迪奧高祖達擔任正前鋒位置，與文尼、沙拿合力進攻。
利物浦正選陣容GK1 艾利臣 Alisson Becker
LB 26羅拔臣 Andrew Robertson
CB4 雲迪克 Virgil van Dijk
CB32馬迪普 Joël Matip
RB66亞歷山大阿諾 Trent Alexander-Arnold
CM6 泰亞高 Thiago Alcántara (84' 由占士米拿 James Milner 入替)
CM3 法賓奴 Fabinho
CM14佐敦軒達臣 Jordan Henderson
FW10文尼 Sadio Mané (88' 由南野拓實 Takumi Minamino 入替)
FW15張伯倫 Alex Oxlade-Chamberlain (58' 由迪奧高祖達 Diogo Jota 入替)
FW11沙拿 Mohamed Salah
至於阿士東維拉亦同樣以 4-3-3 出戰，左右閘泰格特、卡殊與一對中堅明斯、干沙組成四人防線；三中場為杜格拉斯路爾斯、拿甘巴、麥堅；而前線則有老將艾殊利楊格、屈堅斯、積及藍斯合作攻堅。
阿士東維拉正選陣容
GK1 馬天尼斯 Emiliano Martínez
LB 3 泰格特 Matt Targett
CB5 明斯 Tyrone Mings
CB4 干沙 Ezri Konsa
RB2 卡殊 Matty Cash
CM6 杜格拉斯路爾斯 Douglas Luiz
CM19拿甘巴 Marvelous Nakamba (57’ 辛遜 Morgan Sanson 入替)
CM7 麥堅 John McGinn
FW18艾殊利楊格 Ashley Young (69’ 由貝安迪亞 Emiliano Buendia 入替)FW11屈堅斯 Ollie Watkins
FW41積及藍斯 Jacob Ramsey (74’ 由丹尼京斯 Danny Ings 入替)
利物浦 – 邊路進攻
利物浦嘅雙閘一直係佢哋嘅主要進攻板斧，羅拔臣及亞歷山大阿諾不論係 overlap 落底、45 度角傳中抑或 underlap 插入禁區都好有威脅，佢哋配合一對翼鋒文尼、沙拿以及前插嘅中場泰亞高、佐敦軒達臣進攻多變、立體，實在令對手防不勝防。
圖片來源：利物浦官方 YouTube (https://www.youtube.com/watch?v=WmoYyubRz3M)
今場利物浦奠定勝局嘅 12 碼正正係由沙拿、佐敦軒達臣及亞歷山大阿諾喺右路嘅配合造成。從上圖可見當時利物浦喺右路形成三打三，並成功將維拉左閘泰格特拉走，令沙拿可以殺入左閘防守空位並與維拉中堅明斯 1 on 1。作為中堅嘅明斯明顯唔夠靈活，喺速度、轉身上都輸蝕，沙拿就喺起動並試圖爆過明斯嘅時候搏得 12 碼，並且親自操刀射入。
資料來源：英超官方網站 (https://www.premierleague.com/match/66499)
不過綜觀成場比賽，利物浦雖然以超過六成嘅控球率掌控住戰局，但佢哋喺維拉嘅嚴密防守下有少少老鼠拉龜嘅感覺，真正嘅威脅實在有限，20 次射門只有 5 次中目標，而且屢屢都被表現神勇嘅維拉門將馬天尼斯化險為夷，令利物浦遲遲未能打開紀錄。而連續兩場喺聯賽以一球小勝亦反映出利物浦面對住死守嘅球隊時實在有啲吃力，雖然大家都知高普有 Plan B – 奧歷治 (Divock Origi)，但球隊喺處理射門同破密集方面相信可以做得更好。
維拉 – 穩打穩紥
正如謝拉特喺賽後訪問都提到利物浦攻力強橫，佢哋今場首要目標就係做好防守避免失球，而事實上佢哋已經做得好好，成隊波不論係進攻定防守都好有隊形。
圖片來源：英超官方網站 (https://www.premierleague.com/match/66499)
維拉嘅防守明顯有經過反覆嘅針對性演練，將利物浦嘅邊路進攻威脅降至最低，所以每次利物浦從邊路發動攻勢時，維拉全隊都會保持隊形咁橫移，同一邊嘅閘、中堅就會負責主力邊路防守，而中堅則看守住 half space；當利物浦經中場轉邊時，維拉亦能迅速跟上，避免對手把握時間差喺另一邊形成 overload，同時維拉亦確保中路有足夠人數，以防利物浦中場嘅遠射或直線波。
而維拉嘅進攻方式亦同利物浦有少少類似，同樣會從邊路發動攻勢，同邊嘅翼鋒、中場、閘同時參與，但佢哋嘅中場會做更多拉邊嘅工作，而且維拉會作出更多轉邊試圖拉空利物浦防線，不過利物浦防線亦相當穩健，令維拉無功而還。雖然利物浦門將艾利臣喺上下半場都各出現咗一次失誤，但維拉都未能把握，最終只能以一球敗走晏菲路。
總結
自謝拉特上任後佢帶領球隊喺五場比賽中取得三場勝利，當中更包括以 2:1 擊敗李斯特城，而輸嘅兩場亦只係僅僅以一球敗於曼城同今場嘅利物浦。暫時佢麾下嘅維拉主要以 4-3-3 出戰，而且球員對呢套戰術體系日漸熟悉，嚟緊兩場比賽面對住諾域治、般尼相信都能夠成功搶分；利物浦繼上週對狼隊後再次以 1:0 小勝對手，過程雖然艱辛但都顯示出佢哋對比賽強大嘅掌控力。佢哋接下來要面對嘅一大難題就係喺出年 1 月舉行嘅非洲國家盃，陣中主力沙拿、文尼都需要參加呢個為期一個月嘅賽事，意味住佢哋將會最少缺席兩場賽事，令球隊攻力大受影響；而且未知佢哋需唔需要因集訓、隔離等原因而需要提前離隊，若然屬實，利物浦喺 1 月 1 日面對車路士嘅賽事將會變得更加難打。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/
https://www.instagram.com/blacksontalkball/
今輪英超雖然冇一啲傳統嘅強強對碰，卻有一場話題性十足嘅賽事：謝拉特帶領阿士東維拉作客晏菲路。「神奇隊長」謝拉特從青年軍時期開始已經為利物浦效力，更帶領球隊踏上歐洲之巔，捧起歐聯冠軍；雖然最終仍然與英超冠軍無緣，但都無阻佢喺利物浦及利物浦球迷舉足輕重嘅地位。
今場利物浦沿用 4-3-3 出戰，陣容上同上場贏狼隊嘅聯賽賽事大致一樣，四人防線繼續有羅拔臣、雲迪克、馬迪普、亞歷山大阿諾；中場方面則有泰亞高、法賓奴、佐敦軒達臣；前鋒反而有令人意外嘅人選，就係今場由張伯倫代替迪奧高祖達擔任正前鋒位置，與文尼、沙拿合力進攻。
利物浦正選陣容GK1 艾利臣 Alisson Becker
LB 26羅拔臣 Andrew Robertson
CB4 雲迪克 Virgil van Dijk
CB32馬迪普 Joël Matip
RB66亞歷山大阿諾 Trent Alexander-Arnold
CM6 泰亞高 Thiago Alcántara (84' 由占士米拿 James Milner 入替)
CM3 法賓奴 Fabinho
CM14佐敦軒達臣 Jordan Henderson
FW10文尼 Sadio Mané (88' 由南野拓實 Takumi Minamino 入替)
FW15張伯倫 Alex Oxlade-Chamberlain (58' 由迪奧高祖達 Diogo Jota 入替)
FW11沙拿 Mohamed Salah
至於阿士東維拉亦同樣以 4-3-3 出戰，左右閘泰格特、卡殊與一對中堅明斯、干沙組成四人防線；三中場為杜格拉斯路爾斯、拿甘巴、麥堅；而前線則有老將艾殊利楊格、屈堅斯、積及藍斯合作攻堅。
阿士東維拉正選陣容
GK1 馬天尼斯 Emiliano Martínez
LB 3 泰格特 Matt Targett
CB5 明斯 Tyrone Mings
CB4 干沙 Ezri Konsa
RB2 卡殊 Matty Cash
CM6 杜格拉斯路爾斯 Douglas Luiz
CM19拿甘巴 Marvelous Nakamba (57’ 辛遜 Morgan Sanson 入替)
CM7 麥堅 John McGinn
FW18艾殊利楊格 Ashley Young (69’ 由貝安迪亞 Emiliano Buendia 入替)FW11屈堅斯 Ollie Watkins
FW41積及藍斯 Jacob Ramsey (74’ 由丹尼京斯 Danny Ings 入替)
利物浦 – 邊路進攻
利物浦嘅雙閘一直係佢哋嘅主要進攻板斧，羅拔臣及亞歷山大阿諾不論係 overlap 落底、45 度角傳中抑或 underlap 插入禁區都好有威脅，佢哋配合一對翼鋒文尼、沙拿以及前插嘅中場泰亞高、佐敦軒達臣進攻多變、立體，實在令對手防不勝防。
圖片來源：利物浦官方 YouTube (https://www.youtube.com/watch?v=WmoYyubRz3M)
今場利物浦奠定勝局嘅 12 碼正正係由沙拿、佐敦軒達臣及亞歷山大阿諾喺右路嘅配合造成。從上圖可見當時利物浦喺右路形成三打三，並成功將維拉左閘泰格特拉走，令沙拿可以殺入左閘防守空位並與維拉中堅明斯 1 on 1。作為中堅嘅明斯明顯唔夠靈活，喺速度、轉身上都輸蝕，沙拿就喺起動並試圖爆過明斯嘅時候搏得 12 碼，並且親自操刀射入。
資料來源：英超官方網站 (https://www.premierleague.com/match/66499)
不過綜觀成場比賽，利物浦雖然以超過六成嘅控球率掌控住戰局，但佢哋喺維拉嘅嚴密防守下有少少老鼠拉龜嘅感覺，真正嘅威脅實在有限，20 次射門只有 5 次中目標，而且屢屢都被表現神勇嘅維拉門將馬天尼斯化險為夷，令利物浦遲遲未能打開紀錄。而連續兩場喺聯賽以一球小勝亦反映出利物浦面對住死守嘅球隊時實在有啲吃力，雖然大家都知高普有 Plan B – 奧歷治 (Divock Origi)，但球隊喺處理射門同破密集方面相信可以做得更好。
維拉 – 穩打穩紥
正如謝拉特喺賽後訪問都提到利物浦攻力強橫，佢哋今場首要目標就係做好防守避免失球，而事實上佢哋已經做得好好，成隊波不論係進攻定防守都好有隊形。
圖片來源：英超官方網站 (https://www.premierleague.com/match/66499)
維拉嘅防守明顯有經過反覆嘅針對性演練，將利物浦嘅邊路進攻威脅降至最低，所以每次利物浦從邊路發動攻勢時，維拉全隊都會保持隊形咁橫移，同一邊嘅閘、中堅就會負責主力邊路防守，而中堅則看守住 half space；當利物浦經中場轉邊時，維拉亦能迅速跟上，避免對手把握時間差喺另一邊形成 overload，同時維拉亦確保中路有足夠人數，以防利物浦中場嘅遠射或直線波。
而維拉嘅進攻方式亦同利物浦有少少類似，同樣會從邊路發動攻勢，同邊嘅翼鋒、中場、閘同時參與，但佢哋嘅中場會做更多拉邊嘅工作，而且維拉會作出更多轉邊試圖拉空利物浦防線，不過利物浦防線亦相當穩健，令維拉無功而還。雖然利物浦門將艾利臣喺上下半場都各出現咗一次失誤，但維拉都未能把握，最終只能以一球敗走晏菲路。
總結
自謝拉特上任後佢帶領球隊喺五場比賽中取得三場勝利，當中更包括以 2:1 擊敗李斯特城，而輸嘅兩場亦只係僅僅以一球敗於曼城同今場嘅利物浦。暫時佢麾下嘅維拉主要以 4-3-3 出戰，而且球員對呢套戰術體系日漸熟悉，嚟緊兩場比賽面對住諾域治、般尼相信都能夠成功搶分；利物浦繼上週對狼隊後再次以 1:0 小勝對手，過程雖然艱辛但都顯示出佢哋對比賽強大嘅掌控力。佢哋接下來要面對嘅一大難題就係喺出年 1 月舉行嘅非洲國家盃，陣中主力沙拿、文尼都需要參加呢個為期一個月嘅賽事，意味住佢哋將會最少缺席兩場賽事，令球隊攻力大受影響；而且未知佢哋需唔需要因集訓、隔離等原因而需要提前離隊，若然屬實，利物浦喺 1 月 1 日面對車路士嘅賽事將會變得更加難打。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/
https://www.instagram.com/blacksontalkball/
請按此登錄後留言。未成為會員? 立即註冊