圖片來源：英超官方網站 (https://www.premierleague.com/match/66648)
經過一輪國際賽期後，英超各支球隊繼續為爭取出戰歐洲賽嘅資格努力，今個星期就有曼聯喺主場迎戰李斯特城。曼聯早前不敵馬德里體育會於歐聯 16 強止步，意味住佢哋今季只可以專心聯賽，爭取來季出戰歐聯資格；李斯特城則要同時兼顧聯賽及歐洲協會盃賽事，對於本身飽受傷兵問題困擾嘅佢哋嚟講絕對係一大挑戰。
主場嘅曼聯今場排出 4-2-3-1，四人防線為梳爾、華拉尼、麥佳亞、達洛特；雙防中繼續有今季夾慣夾熟嘅費特、麥湯文尼；喺 C 朗 (Cristiano Ronaldo) 及卡雲尼 (Edinson Cavani) 分別因病及因傷缺陣嘅情況下，領隊蘭歷克再次安排般奴費蘭迪斯擔任偽中鋒，普巴則於其身後擔任進攻中場，配合兩翼辛祖、伊蘭加進攻。
曼聯正選陣容
GK1 迪基亞 David de Gea
LB 23梳爾 Luke Shaw (46’ 由泰利斯 Alex Telles 入替)
CB19華拉尼 Raphaël Varane
CB5 麥佳亞 Harry Maguire
RB20達洛特 Diogo Dalot
CDM17費特 Fred
CDM39麥湯文尼 Scott McTominay (55’ 由拉舒福特 Marcus Rashford 入替)
LM25辛祖 Jadon Sancho
CAM6普巴 Paul Pogba (75’ 由馬迪Nemanja Matić 入替)
RM36伊蘭加 Anthony Elanga
FW18般奴費蘭迪斯 Bruno Fernandes
李斯特城同樣以 4-2-3-1 出戰，中堅有養傷已久嘅科芬拿重回正選，拍住伊雲斯鎮守中路，左右閘繼續由卡斯坦尼、真仕田擔任；防中方面由於尼迪迪 (Wilfred Ndidi) 受傷，改由文迪與泰利文斯搭檔，杜斯貝利賀爾則推前一格擔任進攻中場，配合左右翼嘅班尼斯、麥迪臣，與前鋒伊恩拿祖擔起球隊嘅進攻重任。
李斯特城正選陣容
GK1 卡斯柏舒米高 Kasper Schmeichel
LB 27卡斯坦尼 Timothy Castagne
CB 6 伊雲斯 (64’ 由阿瑪迪 Daniel Amartey 入替)
CB 3 科芬拿 Wesley Fofana
RB 2 真仕田 James Justin
CDM24文迪 Nampalys Mendy (90’ 由查祖利 Hamza Choudhury 入替)
CDM8泰利文斯 Youri Tielemans
LM 7 班尼斯 Harvey Barnes
CAM22杜斯貝利賀爾 Kiernan Dewsbury-Hall
RM10麥迪臣 James Maddison
FW14伊恩拿祖 Kelechi Iheanacho (90’ 由達卡 Patson Daka 入替)
曼聯 – 熟練度不足圖片來源：英超官方網站 (https://www.premierleague.com/match/66648)
喺 C 朗同卡雲尼都未能上陣嘅情況下，曼聯再次暴露欠缺可靠前鋒嘅弱點，蘭歷克逼不得已安排般奴費蘭迪斯擔任偽中鋒，試圖透過佢同辛祖、普巴、伊蘭加之間嘅配合撕破李斯特城嘅防線，而對上一次排出呢個陣式嘅時候正正就係佢哋作客大敗於曼城嗰一場，今場亦再次顯示出曼聯球員未完全適應呢種踢法嘅問題。受李城前場逼搶所限，曼聯嘅中前場球員未能輕易組織攻勢，基本上一控定個波就會有對方球員逼到，只好向後回傳重新組織，同時亦令普巴、般奴需要更頻密地回後幫波。但當般奴從中鋒位置回後協助組織時，不論係兩翼辛祖、伊蘭加抑或係進攻中場普巴都未能掌握殺入禁區喺中鋒位現位嘅時機，導致禁區內缺乏曼聯球員接應嘅局面。
圖片來源：曼聯官方 YouTube (https://www.youtube.com/watch?v=x8E7S5iLYu0)
綜觀全場，上圖所顯示嘅攻勢或者係曼聯配合得比較好嘅一次。當時般奴從中鋒位回後並拉到左邊與辛祖、梳爾作配合，成功製造空位俾梳爾傳中，而喺佢傳球一刻可以見到普巴及伊蘭加都已經走入禁區準備接應，最終梳爾成功斬到俾普巴，可惜後者嘅頭鎚攻門力度、角度都欠奉，李城門將卡斯柏舒米高輕易沒收。若然曼聯認為無鋒陣就係喺C 朗、卡雲尼缺陣下最好嘅應對方法，相信佢哋需要更多嘅訓練去熟習呢種打法，畢竟無鋒陣最講求嘅就係球員之間嘅配合、流動性。
李斯特城 – 大開大合
相比之下，李斯特城喺一班球員夾慣夾熟嘅情況下反而更能夠有效組織攻勢，麥迪臣、泰利文斯嘅傳送，抑或杜斯貝利賀爾、班尼斯嘅推進都能夠製造威脅，但球隊依然未能解決把握力不足及臨場決定差嘅問題，導致上半場雖然有 6 腳射門但卻無 1 次中龍，而呢個問題亦係今季李城戰績低迷嘅主因。除此之外，球員嘅間歇性大意犯錯亦容易令球隊置身險境，例如上半場李城中堅科芬拿想大腳斬波但斬唔起，直接傳咗個地波入中路俾費特，後者再交俾般奴形成半單刀之勢，若非卡斯柏舒米高嘅神勇演出，恐怕李城已經要先失一球。
總結
兩隊今場比賽握手言和，各得一分，曼聯現時排第 7，落後排第 4 嘅熱刺、第 5 嘅阿仙奴 3 分，但較後者踢多兩場，爭奪歐聯入場券嘅形勢變得被動；爭取歐戰形勢被動嘅仲有李斯特城，佢哋今場打和後暫時排第 9，較第 8 位嘅狼隊踢少三場但足足落後 12 分，除咗要靠自己努力外更要寄望排喺佢前面嘅球隊失分，先有希望出戰來屆歐洲賽。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/
https://www.instagram.com/blacksontalkball/
經過一輪國際賽期後，英超各支球隊繼續為爭取出戰歐洲賽嘅資格努力，今個星期就有曼聯喺主場迎戰李斯特城。曼聯早前不敵馬德里體育會於歐聯 16 強止步，意味住佢哋今季只可以專心聯賽，爭取來季出戰歐聯資格；李斯特城則要同時兼顧聯賽及歐洲協會盃賽事，對於本身飽受傷兵問題困擾嘅佢哋嚟講絕對係一大挑戰。
主場嘅曼聯今場排出 4-2-3-1，四人防線為梳爾、華拉尼、麥佳亞、達洛特；雙防中繼續有今季夾慣夾熟嘅費特、麥湯文尼；喺 C 朗 (Cristiano Ronaldo) 及卡雲尼 (Edinson Cavani) 分別因病及因傷缺陣嘅情況下，領隊蘭歷克再次安排般奴費蘭迪斯擔任偽中鋒，普巴則於其身後擔任進攻中場，配合兩翼辛祖、伊蘭加進攻。
曼聯正選陣容
GK1 迪基亞 David de Gea
LB 23梳爾 Luke Shaw (46’ 由泰利斯 Alex Telles 入替)
CB19華拉尼 Raphaël Varane
CB5 麥佳亞 Harry Maguire
RB20達洛特 Diogo Dalot
CDM17費特 Fred
CDM39麥湯文尼 Scott McTominay (55’ 由拉舒福特 Marcus Rashford 入替)
LM25辛祖 Jadon Sancho
CAM6普巴 Paul Pogba (75’ 由馬迪Nemanja Matić 入替)
RM36伊蘭加 Anthony Elanga
FW18般奴費蘭迪斯 Bruno Fernandes
李斯特城同樣以 4-2-3-1 出戰，中堅有養傷已久嘅科芬拿重回正選，拍住伊雲斯鎮守中路，左右閘繼續由卡斯坦尼、真仕田擔任；防中方面由於尼迪迪 (Wilfred Ndidi) 受傷，改由文迪與泰利文斯搭檔，杜斯貝利賀爾則推前一格擔任進攻中場，配合左右翼嘅班尼斯、麥迪臣，與前鋒伊恩拿祖擔起球隊嘅進攻重任。
李斯特城正選陣容
GK1 卡斯柏舒米高 Kasper Schmeichel
LB 27卡斯坦尼 Timothy Castagne
CB 6 伊雲斯 (64’ 由阿瑪迪 Daniel Amartey 入替)
CB 3 科芬拿 Wesley Fofana
RB 2 真仕田 James Justin
CDM24文迪 Nampalys Mendy (90’ 由查祖利 Hamza Choudhury 入替)
CDM8泰利文斯 Youri Tielemans
LM 7 班尼斯 Harvey Barnes
CAM22杜斯貝利賀爾 Kiernan Dewsbury-Hall
RM10麥迪臣 James Maddison
FW14伊恩拿祖 Kelechi Iheanacho (90’ 由達卡 Patson Daka 入替)
曼聯 – 熟練度不足圖片來源：英超官方網站 (https://www.premierleague.com/match/66648)
喺 C 朗同卡雲尼都未能上陣嘅情況下，曼聯再次暴露欠缺可靠前鋒嘅弱點，蘭歷克逼不得已安排般奴費蘭迪斯擔任偽中鋒，試圖透過佢同辛祖、普巴、伊蘭加之間嘅配合撕破李斯特城嘅防線，而對上一次排出呢個陣式嘅時候正正就係佢哋作客大敗於曼城嗰一場，今場亦再次顯示出曼聯球員未完全適應呢種踢法嘅問題。受李城前場逼搶所限，曼聯嘅中前場球員未能輕易組織攻勢，基本上一控定個波就會有對方球員逼到，只好向後回傳重新組織，同時亦令普巴、般奴需要更頻密地回後幫波。但當般奴從中鋒位置回後協助組織時，不論係兩翼辛祖、伊蘭加抑或係進攻中場普巴都未能掌握殺入禁區喺中鋒位現位嘅時機，導致禁區內缺乏曼聯球員接應嘅局面。
圖片來源：曼聯官方 YouTube (https://www.youtube.com/watch?v=x8E7S5iLYu0)
綜觀全場，上圖所顯示嘅攻勢或者係曼聯配合得比較好嘅一次。當時般奴從中鋒位回後並拉到左邊與辛祖、梳爾作配合，成功製造空位俾梳爾傳中，而喺佢傳球一刻可以見到普巴及伊蘭加都已經走入禁區準備接應，最終梳爾成功斬到俾普巴，可惜後者嘅頭鎚攻門力度、角度都欠奉，李城門將卡斯柏舒米高輕易沒收。若然曼聯認為無鋒陣就係喺C 朗、卡雲尼缺陣下最好嘅應對方法，相信佢哋需要更多嘅訓練去熟習呢種打法，畢竟無鋒陣最講求嘅就係球員之間嘅配合、流動性。
李斯特城 – 大開大合
相比之下，李斯特城喺一班球員夾慣夾熟嘅情況下反而更能夠有效組織攻勢，麥迪臣、泰利文斯嘅傳送，抑或杜斯貝利賀爾、班尼斯嘅推進都能夠製造威脅，但球隊依然未能解決把握力不足及臨場決定差嘅問題，導致上半場雖然有 6 腳射門但卻無 1 次中龍，而呢個問題亦係今季李城戰績低迷嘅主因。除此之外，球員嘅間歇性大意犯錯亦容易令球隊置身險境，例如上半場李城中堅科芬拿想大腳斬波但斬唔起，直接傳咗個地波入中路俾費特，後者再交俾般奴形成半單刀之勢，若非卡斯柏舒米高嘅神勇演出，恐怕李城已經要先失一球。
總結
兩隊今場比賽握手言和，各得一分，曼聯現時排第 7，落後排第 4 嘅熱刺、第 5 嘅阿仙奴 3 分，但較後者踢多兩場，爭奪歐聯入場券嘅形勢變得被動；爭取歐戰形勢被動嘅仲有李斯特城，佢哋今場打和後暫時排第 9，較第 8 位嘅狼隊踢少三場但足足落後 12 分，除咗要靠自己努力外更要寄望排喺佢前面嘅球隊失分，先有希望出戰來屆歐洲賽。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/
https://www.instagram.com/blacksontalkball/
請按此登錄後留言。未成為會員? 立即註冊