曼聯新組合已誕生？Kai 仔 Ｘ 小C朗成曼聯Ｕ12無敵拍擋！

講起曼聯近代最令人聞風喪膽嘅組合，莫過於C朗拿度、朗尼與泰維斯嘅三叉戟，佢哋三個喺2007至08年球季喺各項賽事合共攻入79球，協助紅魔取得歐聯同英超雙料冠軍！

雖然三人已經無得再合作踢好波，但佢哋嘅繼承人可能可以令呢個組合再戰江湖，因為朗尼同C朗嘅仔仔，Kai仔同小C朗都入咗曼聯嘅U12，而且兩位仔仔似乎亦得到爸爸嘅遺傳，表現十分出色。

Kai仔喺2020年加入曼聯U12青年軍，而11歲嘅小C朗喺上年夏天跟C朗來到曼嚟，到近月亦加入曼聯U12大軍。小C朗嘅位置同爸爸一樣，都係擔任前鋒，而Kai你就係中場，佢哋兩個合作短短一個月，已非常有默契，經常合作取得入波，當中Kai仔出場5次，已經射入咗10球！


小C朗練習片段：


雖然兩人大個咗之後會唔會真可以做職業球員，又或者會唔會真係效力曼聯都係未知之數，但呢一刻可以見到兩大球星之子合作，亦實屬美事。