皇馬轉會消息全面睇

今年西甲夏季轉會窗將於香港時間9月1日05:59am正式關閉,距此時間尚餘一日左右,作為皇馬球迷又有咩地方值得關注呢?

施丹就係對切爾達前的記招留下伏線:「直到8月31日前,任何事都會發生,」「但唔會有人黎,呢一點係肯定的,但有人可能會走。」

占士留低?
事實上占士的去向正受多間球會關注,包括車路士、阿仙奴、祖雲達斯等。傳聞車路士曾作正式報價,但被皇馬主席佩雷斯叫價6000萬磅而拒絕。

就喺同一個記者會上施丹被問到占士的去向:
「佢係皇馬嘅球員,同皇馬有合約」
「的而且確,占士最近嘅上陣時間唔多,而呢點可以係一個問題」
「我無時無刻都想令每個球員感到自己的重要性,占士都唔例外」
「我重未同占士、或者特別某位球員傾過。我只有同全隊講。」
或者係施丹的激將法,占士喺隨後對切爾達的比賽上陣,表現積極、具侵略性。而喺賽後記招施丹的回應變得更明朗:
「佢地(占士、華斯基斯)改善了比賽的進程。這就是替補的職責——改變球隊」
「在我看來佢表現好好,這好不容易,特別在這樣的比賽」
「佢有機會入球」
「佢會留低」

傳聞占士的家人有興趣到英倫生活,但睇黎只要占士堅決留低,施丹都唔會阻止。

伊斯高飛去倫敦?
相反,比占士早一年加盟嘅伊斯高情況就無咁明朗。24歲的西班牙中場喺對西維爾的歐洲超級盃上陣67’、作客皇蘇後備入替17’,最近對切爾達則「因傷缺陣」。

有傳8月30日北倫敦熱刺作出正式報價,希望借用伊斯高一年,並加入一季後購買條款。經過摩迪同巴利的交易之後,以皇馬與白鹿徑高層之間的交情,這個交易傳聞可信性幾高。加上熱刺表現會比伊高斯成為重心,相信最後將以伊斯高的意願作依歸。

馬利安奴留低?
除非馬利安奴自己改變主意,否則將會最少留隊至十二月。喺對陣切爾達後,馬利安奴接受阿斯報訪問時提到:
「我同施丹傾過,決定留低」
「我將會喺度努力將我所能做到的,全部貢獻予球隊」
「留喺皇馬係夢想成真;而喺十二月前我將盡全力幫助球隊,爭取隊中位置」
「我同施丹傾過,我決定留低。我想為我喺皇馬嘅位置打拚」
「我細細個就夢想呢一日嘅到來,而今終於成真(對陣切爾達)。」

佢重話施丹賽後同佢講「繼續努力!」睇黎直到冬季前都會見到馬利安奴嘅熱血身影!

其他?
有傳皇馬因擔賓施馬的傷勢,考慮羅致多蒙特前鋒奧巴美揚。加蓬前鋒對皇馬嘅興趣已經係公開秘密,因為奧巴美揚應承左佢爺爺,終有一日會加盟皇馬。憑雙方高層的交情,呢單交易都有少少可能性喺呢個夏季發生。就算唔係,都可能係下一年。


重有廿四小時,各位皇馬球迷就拭目以待!

標籤: james  isco  mariano  real madrid  皇馬  占士  伊斯高  

留言


請按此登錄後留言。未成為會員? 立即註冊
  • Hola Konichiwa 於 31/08/2016 評論 NO. 1

    fifa17封面投票輸咗.

快捷鍵:←
快捷鍵:→