中國掘金還是跟車路士歐聯東山再起 迪亞高哥斯達

BluexLion車迷手記 於 25/05/2017 發表 收藏文章
-請支持藍獅 Facebook專頁-
<歡迎轉載 請列明出處 謝謝>

由馬德里體育會轉投來既迪亞高哥斯達,已經在藍橋渡過了三個賽季。向來車路士都係前鋒墓地,不少具備自身質素既前鋒都無法為球隊帶黎穩定既入球數字,而哥斯達可以話承繼藍色魔獸杜奧巴既衣缽,在近幾季於前線擔當著重要角色。而言在今季冬季轉會窗,開始有消息指出收到來自中超球隊既報價,車路士來季應否留下哥斯達?一齊作以下細心分析。
<<與傳奇相比 還差一點點>>
不能否認力量型射手喺近年車路士既進攻體系較為吃香,遠至杜奧巴一期及二次回歸,近至哥斯達,都能夠取得成功。除左兩者都偏好力量外,佢地作為第一點壓著對手拎己方開出既龍門球亦同屬世界級,在藍橋向來倚重雙翼進攻既戰術體系,擁有哩項技能可以話絕對需要同殺食,接球後再分邊進行配合攻門,或背著龍門直接抽身起腳,已經能完成一次進攻,行之有效。而杜奧巴亦經過歲月洗禮無論心理及技術都達至世界級射手水平,場上亦能激勵全隊士氣,相反哥斯達在這卻較為不足,兩者之間在心態上仍存在距離。
<<優點缺點 倒是一把雙面刃>>
哥斯達整體而言係一位高質素射手,各方面前鋒應具備既條件都獲得一定水平。在配合車路士進攻體系以及長期正選底下,今季一共交出20球聯賽入球,與前季車路士同樣奪標時既入球數字相同,連同曼城射手阿古路並列在今季英超射手榜第4至5位,但有留意開英超既球迷都知道,今季阿古路在哥迪奧拿手中並非穩定正選,球員在聯賽只獲得25場首發機會足足比前者少了10場,但何解阿古路在煞科戰後能夠追平哥斯達既入球數字?一切都取決於心態決定境界。
在季中轉會窗,一度傳出中超以天價提出收購哥斯達,而上半季球員一直保持平均每三場必定有兩場入波既趨勢。但自轉會消息傳出後,哥斯達就不能再保持哩項穩定既入球數據,同時在射手榜既位置由領先姿態變為落後,賽場上更開始出現以往毛手毛腳既情況,可見得球員狀態起伏較容易受到外界消息所影響。過往英超部份傳媒都是討厭的,當你成日佢地針對目標時,鋪天蓋地既報導總係令人煩擾。而哥斯達亦有在入球後用動作反擊傳媒既舉動,但如果球員想將自己整體水平再邁進一步的話,調整心態加強心理素質是必需要的。
<<誰人能勝任其位>>
近期狀態相當火熱既巴舒亞伊,在收咧前最後3場聯賽一共取得4個入球,表現一度驅使部份球迷認為已經沒有哥斯達存在既需要,如中超高價搶人絕對可以離開。理性分析下,兩者明顯並非相同類型前鋒,前者靈活性較高,與隊友互動配合及走動性亦較多,但盤球以及射門還需要多加鍛煉;而哥斯達門前觸角較為敏銳,可作支點分波,但下半季好多時身處於不利位置仍選擇上腳單打獨鬥,而唔傳球比位置更佳既隊友做就機會,導致球隊弄失控球權,繼而令部份球迷產生反感。
而轉會消息無限接近車路士既盧卡古及莫拉達,前者似乎較為接近哥斯達類型,以身體質素作支點再分波傳球,而後者著重技術盤扭及速度突破。雖然兩者亦不屬於同一類型前鋒,但各自在適應力上需要車路士承受風險。盧卡古雖然在已習慣英超賽場上既節奏,但除了參與祖國比利時國家隊賽事外,球員已經有兩年多未有在歐洲賽事上亮相。而莫拉達剛剛相反,不論在祖雲達斯或皇家馬德里時期在國際水平既賽事都交出不俗表現,獲得大眾認可為一名大賽球員,只係今季長期在銀河艦隊擔任聯賽後備球員,上陣時間不足,令人擔心能否適應英超高強度既節奏。
<<若要離開 亦不希望是來季>>
顯然地,以上三者各自有自身優點以及不足之處,如果哥斯達貿然決定來季離開,車路士在新增歐聯戰線之下會否進退失據,相信必定存在一定風險。而言收購一名前鋒加入與哥斯達以及巴舒亞伊作良性競爭,或作更換為雙前鋒陣式,相信更為恰當。始終巴舒亞伊仍然係潛力新星,需要前輩多加提點,兩者作比較對佢實屬不公平,同時與哥斯達之間欠缺競爭推動力,所以收購多一名前鋒再留任本身兩位,會係最理想做法。
雖然近日中超球隊天津權健否認曾經與迪亞高哥斯達接觸,但是否真偽亦屬無從溪巧,而另一潛在買家馬體會亦不知會否再次出手,希望球員盡快表明意願,總好過讓傳媒繼續炒作新聞。如果車路士真係務求放走哩位西班牙前鋒,必需在所得資金以及收購替補人選既轉會費之間取得平衡,如果真係將錢全數收購傳得較熱烘烘既盧卡古身上,那小弟寧願繼續留任哥斯達還會更好,先請干地與總監艾文拿路三思而後行,否則可能一去不返。...精華延伸閲讀二選一...追隨摩連奴既步伐 還是繼續留效干地 韋利安...華拉堤 90後新晉中場指揮官 車路士真的需要他?...

https://www.youtube.com/watch?v=kD2huoWKfX4

<歡迎轉載 請列明出處 謝謝>
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

留言


請按此登錄後留言。未成為會員? 立即註冊
  • Tsin Long Fok 於 25/05/2017 評論 NO. 1

    china la

  • OhMyGirl_Arin 於 25/05/2017 評論 NO. 2

    go to china la diu 最好賣到8000萬up

  • hykc 於 25/05/2017 評論 NO. 3

    佢肯專心踼波係好勁,但冇心留隊既話都係走把啦

快捷鍵:←
快捷鍵:→