莫拉達又入球了！今次喺臨完場嘅關鍵時刻射入反超前嘅入球，替皇馬取得對陣畢爾包嘅重要勝利！
效率奇高
睇睇數據，原來莫拉達喺西甲、歐聯總共已射入4球，岀場時間只有484分鐘（正選4場；後備8場)，即係話莫拉達平均只需121分鐘就可取得1個入球。當中歐聯數據由為搶眼，3次後備共上陣52分鐘取得2個入球！
放眼全隊效率最高都莫過於莫拉達。現時與莫拉達共同以4球並列隊中射手榜嘅，有Ｃ朗、巴利同賓施馬。當中賓施馬平均入球時間為159分鐘；C朗為192分鐘；巴利為224分鐘（以上數據只計算西甲及歐聯）。即使計埋伊斯高141分鐘、阿辛斯奧140分鐘，都比唔上莫拉達嘅高效。
茁壯成長
自15歲時從馬體會轉到至同城球會基達菲，再因出色表現加盟皇馬青年軍後，莫拉達已成為近年皇馬其中一個最佳嘅青訓產品。現年24歲嘅壽星仔莫拉達（1992/10/23）喺2010年12月12日首次正式為皇馬一隊上陣，於88分鐘後備入替迪馬利亞對戰薩拉戈薩。一隊亮相以來，曾傳出多支頂級球隊有興趣羅致莫拉達嘅消息，當中包括車路士、阿仙奴等。終於喺為皇馬奪得第十座歐聯獎盃後，莫拉達決定遠走都靈試試牛刀，於2014年夏季以2000萬歐元加盟祖雲達斯。
作為身高189cm嘅前鋒，莫拉達晤單止有強大嘅制空力、可作為前場支點安安穩穩控定皮球，佢重能傳擅射、有一定速度、盤扭搓波了得，可突破製造機會，亦可單幹爭取入球。憑藉岀眾嘅能力，莫拉達喺都靈得到同樣嘅寵愛，同時得到更多嘅自信、經驗、影響力，同身為冠軍嘅責任感。呢一切成就莫拉達喺兩年內搖身一變，成為西班牙國腳、繼魯爾後又一皇馬岀產嘅西班牙首席前鋒。
踢岀我天地
莫拉達全能岀眾嘅身手，有能力喺絕大部份頂級球隊擔任正印前鋒。但既然咁旬咁完美，點解幾年前皇馬又會比佢走？全因為陣中擁有賓施馬。對莫拉達黎講，也許賓施馬會係佢皇馬生涯中最佳嘅競爭對手，因為以上講莫拉達嘅特點，正正又係賓施馬嘅強項，而賓施馬比莫拉達，做得更自然、流暢、架輕就熟，猶如一隻靈巧嘅貓。莫拉達喺皇馬嘅前程，樹立左三座不能動搖嘅高牆-BBC組合無論能力上、政治上都有充份理由成為雷打不動嘅正選。
但相對而言，莫拉達又比BBC更勤奮、更無私、更樂於執行防守任務，與及更懂得珍惜喺皇馬嘅上陣時間同入球機會。所以我地會見到莫拉達一上場就拼盡全力地跑、每球必爭、義無反顧地迫搶、甚至向對手窮追猛打到閘位。到左關鍵時刻，佢會不惜氣力去迫搶、走位、搶點。呢一切正正係莫拉達最寶貴嘅地方，因為佢帶比皇馬拼勁、虛心、同永不放棄嘅精神。作為球員，成熟嘅表現之於自己對球隊嘅影響力。如果話BBC係皇馬不可或缺嘅攻擊力，咁莫拉達又何嘗晤係為皇馬付岀所有、拼搏爭勝嘅代表。
喺對陣畢爾包嘅賽後專訪，莫拉達答到皇馬記者：
「我地想喺今年贏得所有獎盃。
我會接受教練嘅決定，然後努力工作，並付岀所有 每個球員都想喺每場比賽上陣，但咁係好困難
我感覺自己係球隊嘅重要一員
我地有二十五位球員，而施丹有一個好好嘅難題—就係去揀邊個上陣
我地係一隊球隊，要贏都係成隊一齊贏，就好似之前一樣
我好開心可以喺屋企」
皇馬的未來
有能力嘅球員，皇馬有好多。有能力又有強烈爭勝心同拼勁嘅，始終係本土青訓幫。莫拉達未必能夠喺短時間內成為必然正選，但佢植根於皇馬嘅歸屬感，將帶比球隊同球會巨大嘅正能量。呢份影響力，先係皇馬嘅未來所在。
同樣生於馬德里、同樣於年青時效力過馬體會青年軍、同樣對薩拉戈薩首次正式上陣、同樣打前鋒、同樣內儉、同樣強烈嘅拼勁；如此多嘅共通點，或者可以幻想有一日，會見到莫拉達戴上隊長臂章，喺班拿貝馳騁嘅身影，就好似魯爾一樣。
莫拉達 對 畢爾包個人精華
https://www.youtube.com/watch?v=McmV2u5PN7U
莫拉達 皇馬首次正式上陣 對薩拉戈薩
https://www.youtube.com/watch?v=iyX1KcITvQM
莫拉達 祖雲達斯個人精華
https://www.youtube.com/watch?v=47YL7JIhav8
效率奇高
睇睇數據，原來莫拉達喺西甲、歐聯總共已射入4球，岀場時間只有484分鐘（正選4場；後備8場)，即係話莫拉達平均只需121分鐘就可取得1個入球。當中歐聯數據由為搶眼，3次後備共上陣52分鐘取得2個入球！
放眼全隊效率最高都莫過於莫拉達。現時與莫拉達共同以4球並列隊中射手榜嘅，有Ｃ朗、巴利同賓施馬。當中賓施馬平均入球時間為159分鐘；C朗為192分鐘；巴利為224分鐘（以上數據只計算西甲及歐聯）。即使計埋伊斯高141分鐘、阿辛斯奧140分鐘，都比唔上莫拉達嘅高效。
茁壯成長
自15歲時從馬體會轉到至同城球會基達菲，再因出色表現加盟皇馬青年軍後，莫拉達已成為近年皇馬其中一個最佳嘅青訓產品。現年24歲嘅壽星仔莫拉達（1992/10/23）喺2010年12月12日首次正式為皇馬一隊上陣，於88分鐘後備入替迪馬利亞對戰薩拉戈薩。一隊亮相以來，曾傳出多支頂級球隊有興趣羅致莫拉達嘅消息，當中包括車路士、阿仙奴等。終於喺為皇馬奪得第十座歐聯獎盃後，莫拉達決定遠走都靈試試牛刀，於2014年夏季以2000萬歐元加盟祖雲達斯。
作為身高189cm嘅前鋒，莫拉達晤單止有強大嘅制空力、可作為前場支點安安穩穩控定皮球，佢重能傳擅射、有一定速度、盤扭搓波了得，可突破製造機會，亦可單幹爭取入球。憑藉岀眾嘅能力，莫拉達喺都靈得到同樣嘅寵愛，同時得到更多嘅自信、經驗、影響力，同身為冠軍嘅責任感。呢一切成就莫拉達喺兩年內搖身一變，成為西班牙國腳、繼魯爾後又一皇馬岀產嘅西班牙首席前鋒。
踢岀我天地
莫拉達全能岀眾嘅身手，有能力喺絕大部份頂級球隊擔任正印前鋒。但既然咁旬咁完美，點解幾年前皇馬又會比佢走？全因為陣中擁有賓施馬。對莫拉達黎講，也許賓施馬會係佢皇馬生涯中最佳嘅競爭對手，因為以上講莫拉達嘅特點，正正又係賓施馬嘅強項，而賓施馬比莫拉達，做得更自然、流暢、架輕就熟，猶如一隻靈巧嘅貓。莫拉達喺皇馬嘅前程，樹立左三座不能動搖嘅高牆-BBC組合無論能力上、政治上都有充份理由成為雷打不動嘅正選。
但相對而言，莫拉達又比BBC更勤奮、更無私、更樂於執行防守任務，與及更懂得珍惜喺皇馬嘅上陣時間同入球機會。所以我地會見到莫拉達一上場就拼盡全力地跑、每球必爭、義無反顧地迫搶、甚至向對手窮追猛打到閘位。到左關鍵時刻，佢會不惜氣力去迫搶、走位、搶點。呢一切正正係莫拉達最寶貴嘅地方，因為佢帶比皇馬拼勁、虛心、同永不放棄嘅精神。作為球員，成熟嘅表現之於自己對球隊嘅影響力。如果話BBC係皇馬不可或缺嘅攻擊力，咁莫拉達又何嘗晤係為皇馬付岀所有、拼搏爭勝嘅代表。
喺對陣畢爾包嘅賽後專訪，莫拉達答到皇馬記者：
「我地想喺今年贏得所有獎盃。
我會接受教練嘅決定，然後努力工作，並付岀所有 每個球員都想喺每場比賽上陣，但咁係好困難
我感覺自己係球隊嘅重要一員
我地有二十五位球員，而施丹有一個好好嘅難題—就係去揀邊個上陣
我地係一隊球隊，要贏都係成隊一齊贏，就好似之前一樣
我好開心可以喺屋企」
皇馬的未來
有能力嘅球員，皇馬有好多。有能力又有強烈爭勝心同拼勁嘅，始終係本土青訓幫。莫拉達未必能夠喺短時間內成為必然正選，但佢植根於皇馬嘅歸屬感，將帶比球隊同球會巨大嘅正能量。呢份影響力，先係皇馬嘅未來所在。
同樣生於馬德里、同樣於年青時效力過馬體會青年軍、同樣對薩拉戈薩首次正式上陣、同樣打前鋒、同樣內儉、同樣強烈嘅拼勁；如此多嘅共通點，或者可以幻想有一日，會見到莫拉達戴上隊長臂章，喺班拿貝馳騁嘅身影，就好似魯爾一樣。
莫拉達 對 畢爾包個人精華
https://www.youtube.com/watch?v=McmV2u5PN7U
莫拉達 皇馬首次正式上陣 對薩拉戈薩
https://www.youtube.com/watch?v=iyX1KcITvQM
莫拉達 祖雲達斯個人精華
https://www.youtube.com/watch?v=47YL7JIhav8
請按此登錄後留言。未成為會員? 立即註冊