皇馬的六個問號?

氣勢呢啲野真係來去如風:開季時皇馬氣勢如虹,勢估唔到兩星期密集式嘅五場比賽後,結果係三勝兩和,西甲痛失四分。雖然仍佔據榜首位置,但一分優勢似有或無,更重要係這兩星期間發生一連串事件,令到作為球迷嘅各位不禁多左幾個問號?

問號1 無左卡斯米路的影響?
唔多講卡斯米路有幾重要,乾脆直接指出結果:有卡斯米路正選在陣之下連勝十五場西甲;卡斯米路缺陣後,兩勝兩和。具體例子有,對陣拉斯彭馬斯上半場18’ 有頭槌頂頂入禁區接應差點造成近門射門、26’ 中場chip入禁區直接射門、37’ 失球前一刻對手直接於禁區頂中央接球one-two,打散後分邊傳中;繼而再無人看管下頭槌二傳製造入球。此外,卡斯米路缺陣亦製造另一問題。

問號2 無左卡斯米路的影響2?
卻奧斯首先被調至防中打雜,摩迪移後一格,此舉令兩位中場大師有如綁手綁腳,懷有一身創造力,但奈何離門框太遠,即使造到攻勢對手都較易重組防線。因此引致皇馬要多打長傳分邊,缺少中路入滲,進攻又少了板斧。

問號3 士氣受挫如何是好?
有時勝利唔單係取決於實力,更在乎於精神力量,因此士氣係非常重要。正如摩拉達所講「有些分數對嬴得西甲至關重要,但我們沒有好好把握」。連續打和兩場西甲的影響力,比分數顯示出的影響力更大。

問號4 球隊傳出不和了嗎?
時間發生喺對陣維拉利爾的比賽前夕,傳出有隊友不滿巴利高薪續約的要求;然後當晚比賽至75’ 巴利被換走,賽後即傳出巴利不滿該調動,同時亦不滿佩雷斯沒有守諾言讓他成為球隊重心。同樣事件發生喺對陣拉斯彭馬斯,C朗自加盟以來首次因戰術原因被換下,鏡頭即交待出C朗的滿臉不悅,與施丹沒有眼神交流下離場。無論傳言屬真屬假,若心有旁騖,重要時刻要將士用命,必會影響凝聚力。

問號5 BBC不見了?
開季七場正式比賽後皇馬共攻入17球,BBC只佔當中6個入球(賓斯馬2入球、巴利2入球1助攻、C朗2入球)。飽經歐國盃的疲勞轟炸後,BBC 狀態遠遠未及巔峰之時,在場上亦仿佛心不再靈犀,始終形單隻影。

問號6 球隊踢法四不像?
上季施丹執掌後皇馬重執細膩踢法,有耐性和自信的控球成功掌控球場脈搏。但今季經調整後,踢法更多長傳急攻,往往只見前場三叉直衝向前等接波,中場被截又徐徐回防。任憑你反擊多靈厲,如果未能控制中場節奏即會落入被動。情況就如對陣拉斯彭馬斯,全場由對手控制局面,雖然努力迫搶,但搶到波又沒有耐心組織進攻,因此長期受壓,前幾場險勝士砵亭及愛斯賓奴亦然。


答案,
相信今晚自有分曉。今晚對陣多蒙特將為皇馬帶來本季為止最大考驗。唔單係因為多蒙特本身實力強橫、狀態奇佳。更因為皇馬正身陷轉捩點當中,面對各種問題纏身,如何能在難關當前撥亂反正,將對士氣投下重要一票!冠軍的氣質,就係要難關之下湧現!


如果喜歡我們的文章,請即分享到︰

標籤: 皇家馬德里  皇馬  real madrid  rm  

留言

會員
我要評論
請按此登錄後留言。未成為會員? 立即註冊
  • tinchi3721
    tinchi3721 於 28/09/2016 評論 NO. 1

    想信施丹好快下馬 😩😩 近代所有名帥都用過咁濟 摩佬 安76 都可以唔留用

快捷鍵:←
快捷鍵:→