徹底迷失的伊斯高

作為一名香港嘅打工仔,要睇皇馬嘅波有時都要講運氣。事關要撞正場比賽放喺星期六踢,或者星期日早點開波先睇得到。所以難得今場皇馬對艾爾巴十點鐘就踢,真係令人開心又興奮。只不過比賽結果往往如現實一樣,充滿意外。

防線狀態低迷
賽前施丹就講過希望早啲入波、早啲解決場比賽,而今場做到了——不過係艾爾巴做到,只係需要六分鐘,艾爾巴就取得領先入球。

失球往往係一隊波嘅責任,但如果你要點出最關鍵嘅幾個影響因素,首先應該係華拉尼同比比嘅搭擋有問題,失球果陣華拉尼同比比一齊撞左向前柱,結果後柱無人看管,即使卡華積飛番黎都無用。

第二,其實華拉尼呢幾場感覺上唔係好在狀態,或者遲入局。例如今場33’ 又直接傳左個波比對手人多打人少;有時轉邊往往又力度唔夠比人截糊;而且動作好生硬,與下半場入替嘅拿祖形成好大對比,比如下半場往往見到拿祖剷截好果斷、會走上高位拍對方前鋒。

第三,就係丹尼路。之前講過有傳丹尼路痛定思痛,佢真係有,不過只係進攻果陣。防守嘅時候依然保持一貫嘅低水準,今場艾爾巴不斷、不斷、不斷喺右路製造攻勢,無它,因為呢啲叫戰術性弱點攻擊。結果就係搞到丹尼路上氣唔接下氣。臨完場有一球話說丹尼路截走柏度李安(前皇馬球員,走左之後話皇馬唔比機會佢)個波,順便諗住過埋佢,但明顯丹尼路隻腳無哂力爆唔到,結果比柏度李安lur番個波,不特止,重要比人爆番轉頭,不特止,重要慢慢跑追唔番上去。

徹底迷失的伊斯高
今場波係連續第四場和波,作為球迷當然失望。但今場最令人傷心嘅係望到伊斯高迷茫嘅表現,真係令人非常心痛。

整場波都唔見伊斯高掂波,即使有掂波都只係普通嘅駁腳工作。下半場伊斯高一開波就有兩球希望係中場人馬疊疊之中突破,但最後失敗而回被打反擊。喺呢度睇到嘅,首先有施丹對伊斯高嘅信任,因為以伊斯高上半場嘅表現其實應該被換走,而唔係等到七十分鐘。然後,更多嘅,係看到伊斯高嘅毛燥、無奈、無神、無態。

隊友都叫伊斯高做魔術師,因為佢腳法真係神奇、秀麗。只有廿四歲嘅伊斯高,照預想的成長幅度應該已經成為如日中天嘅新生代西班牙球星,但現實係今日依然陷於迷茫。

這不是伊斯高的錯。事實上佢特點就係如此明顯,技術好、需要用波,但無速度、無力度。偏偏今日嘅皇馬就係踢咁簡單、直接、快速嘅球隊。佢嘅最佳位置應該係CAM而唔係CM。遠離禁區、缺少掌控權,係令伊斯高發揮唔到嘅因素。雖然唔係佢嘅錯,但職業足球就係一個現實嘅地方,作為球員就需要交出表現,更何況係皇馬球員。

之前提到,今年對伊斯高係關鍵嘅一年,相信會直接影響去留。伊斯高需要搵到球場上嘅定位,即使唔係最佳位置,都要發揮到自己嘅影響力,無論對自己對球隊都係必需要嘅進步。會唔會可以多啲靈活嘅走動,為中場增加活力?多啲靈少一閃嘅配合,協助撕破防線?或者好似占士咁,多啲利用中場同後防之間嘅空間接波,增強位置感同對後防嘅底脅?抑或多啲要求球權,喺舒服嘅位置盤球,製造更多機會?更甚者,以伊斯高嘅能力,大可以製作以伊斯高為重心嘅戰術,喺特定時間發揮功用?至於應該點樣做,相信施丹同球隊教練會有指導,但我衷心希望伊斯高唔好灰心。

皇馬陣中都曾經同時有兩位充滿潛力嘅球員,兩個都令人期待;兩個都接受過試煉;兩個都試過心人屌到飛起。最後,有一個適應唔到走左,然後每況愈下;另一個慢慢進步,成為必然正選。前者係迪倫希,後者就係第二隊長馬些路。

下一場,喺跌下來嘅地方起番身,向世界證明自己吧!

如果喜歡我們的文章,請即分享到︰

標籤: 皇馬  real madrid  rm  isco  伊斯高  

留言

會員
我要評論
請按此登錄後留言。未成為會員? 立即註冊
  • Hola Konichiwa
    Hola Konichiwa 於 03/10/2016 評論 NO. 1

    熱愛cup波,連單刀都cup停。morata 都超差

  • Tony Ma
    Tony Ma 於 03/10/2016 評論 NO. 2

    佢明明176cm,身型比例睇落仲矮過美斯

  • Lun Iw
    Lun Iw 於 03/10/2016 評論 NO. 3

    其實皇馬幾場和波都係因為後防問題* 卡斯米路傷左之後成條防線散哂*
    皇馬有好多攻門*只係對家龍門對皇馬好似上身咁
    利申;場場皇馬賽事都睇哂

  • Teddy Barton
    Teddy Barton 於 03/10/2016 評論 NO. 4

    有球直入就单刀条扑街on9唔知转么7身..

  • Cheung Lai
    Cheung Lai 於 03/10/2016 評論 NO. 5

    抵死啦 死都唔出占士

  • Jack Lai
    Jack Lai 於 03/10/2016 評論 NO. 6

  • Cyrus Chai
    Cyrus Chai 於 03/10/2016 評論 NO. 7

    well 9月1日o個陣... 發覺防中得卡士米路一個, 已經feel 到如果佢有咩事, 隊波實散. 點知9月中就已經散散地

  • Lau Chun Yin
    Lau Chun Yin 於 03/10/2016 評論 NO. 8

    卡斯米路真係好重要,卡斯米路真係好重要,卡斯米路真係好重要

  • ガリレオ トレイズ
    ガリレオ トレイズ 於 03/10/2016 評論 NO. 9

    以前的金童,淪為二線

  • Alvin Chung
    Alvin Chung 於 03/10/2016 評論 NO. 10

    雪到硬晒無啦啦叫佢打逆境波,以前夾開班友又傷左咁多人,而且佢打法係玩小組突破,卻奧斯就無限分波轉邊,想有表現都難。不過皇馬個入球係佢見到C朗空晒,大腳傳比C朗助攻的

  • Brian Ozil Ng
    Brian Ozil Ng 於 03/10/2016 評論 NO. 11

    希望畀多d機會高華錫,琴日踢得都叫有表現

  • Alex Cheung
    Alex Cheung 於 03/10/2016 評論 NO. 12

    阿記高價放走奧斯爾,低價收佢!😬😬😬 最好奧斯爾放到高過九千萬

  • Jimmy Shum
    Jimmy Shum 於 03/10/2016 評論 NO. 13

    文章末段提及嘅迪倫希而家身在何方?

  • Mark Hu
    Mark Hu 於 03/10/2016 評論 NO. 14

    佢最佳位置系中場中

  • Fu Ching Wah
    Fu Ching Wah 於 04/10/2016 評論 NO. 15

    車仔歡迎你

  • Wong Cho Yiu Jack
    Wong Cho Yiu Jack 於 04/10/2016 評論 NO. 16

    早陷低谷好過到3、4月先陷低谷

快捷鍵:←
快捷鍵:→