拿高士文，最年輕四強領隊！

喺添姆華拿離隊同保臣受傷下，大眾普遍唔太睇好RB萊比錫可以贏到馬體會。最後拿高士文帶領嘅呢支德國波，都可以喺戰術上同比數上勝出，晉級八強。賽後，拿高士文仲話，如果添姆華拿，佢嘅踢法未必能打破馬體會防線嘅空位，反映佢嘅戰術觸角甚高！原來呢仗亦令佢以33歲之齡，成位歐聯四強歷史中最後生嘅領隊！

圖：RB萊比錫領隊拿高士文

喺我眼中，拿高士文係一個戰術多變嘅球員，三中堅丶四後衛丶單箭頭丶雙箭頭都用過。而踢法主要係靠球員互換位置，拉散對方防線，尋找空位。因此，拿高士文嘅球員通常都可以踼多於一個位置：例如華拿可正前可左翼。拉馬可防中可右翼衛，高斯達文可右閘可中堅等。


至於點解呢位德藉教頭咁早就執起教鞭呢？原來佢曾經都係足球員，踢過1860慕尼黑同奧格斯堡，但由於膝部受傷，佢去到U19之後就冇再踢波。去到2016年開始執教賀芬咸，三年後去到萊比錫。當日又有邊個估到，呢位後生過美斯同C朗嘅人兄，喺領隊路上會咁成功。拿高士文嘅球員年代

翻查歷史，原來呢項紀錄已經有十幾年冇打破，原本嘅紀錄保持者係現今法國領隊迪甘斯，35歲嘅佢帶領摩納哥打入2004年歐聯決賽，可惜最終輸比當時由41歲嘅摩連奴同埋波圖。


屈指一算，小弟而家廿頭，距離33歲仲有十年左右時間。以我打FM多年經驗，只要有好嘅際遇，要打破拿高士文嘅紀錄絕對唔難 (曲)！但首先就要喺疫情後，去足總考返個教練牌。事成嘅話，就算冇機會參加歐聯，都有可能為香港嘅Ｕ隊或者校隊做助教，勉強算為香港足球貢獻。