拜仁如何踢到巴塞變巴西 附圖吹奏湯馬士梅拿

黃足坑 於 15/08/2020 發表 收藏文章
歐聯八強,拜仁對巴塞,八強之中之有呢兩隊曾奪大耳盃。加上大眾認為此戰實屬強強對壘。又有邊個估到巴塞會如此不堪一擊?
呢場比賽,巴塞正選棄用基沙文,以羅拔圖丶布斯基斯丶迪莊同維度組成四人中場。四人都係較防守嘅中場,相信係早已預料拜仁會主攻。但係拜仁今場攻勢相當直接,中場無法形成屏障被人輕易打穿之餘,自己控球時亦難以抵住拜仁中場逼搶。由於巴塞中場平排,甩波後後衛要直接面對攻勢,人數不足兼常有缺口,係今場巴塞寫照。

另一邊,巴塞右路被重點關照,施美度被拜仁視為防線弱點,事實上其中一球就係因為佢姑寒累事。拜仁主要攻勢都嚟自左路,由戴維斯,比列錫同古天奴(後備)輪流攻擊。施美度被過後,巴塞禁區人數通常不足以應付拜仁進攻球員,成為佢咃第二條輸波方程式。

拜仁前鋒利雲度夫斯基今季大熟大勇,自然成為今場賽前焦點。反而今場主角係比佢企後一格嘅湯馬士梅拿。今場交出兩入球一助攻。當中第一球更加係教顯佢嘅專長。佢先喺禁區外接應傳中,逗返個波俾利雲之際,自己已經喺四個巴塞球員之間搵好位。利雲只需要將個波輕輕一彈,就已經造就梅拿入波。

梅拿第二個入波都極具級數:成功攝贏朗格列近門撞入。呢球波梅拿要攝贏絕對需要好強嘅走位觸角同靈活性。至於助攻一球亦睇得出梅拿嘅冷靜:利雲走位在先佢唔俾,反而等到後上,位置上更大機會入波嘅古天奴射入。
賽後梅拿當選最佳球員十分合理。呢場比賽佢亦交出五個關鍵傳送,更重要嘅係一啲數據以外嘅表現:食身位,發動反擊,入攝等等……今場梅拿表現絕對係世界級。

如果喜歡我們的文章,請即分享到︰

標籤: 拜仁  巴塞  湯馬士梅拿  歐聯  

留言

會員
我要評論
請按此登錄後留言。未成為會員? 立即註冊
  • SPSP
    SPSP 於 16/08/2020 評論 NO. 1

    成功攝贏碧基近門撞入....嗰個係碧基咩 = =

快捷鍵:←
快捷鍵:→