【簡析】港超飛馬 英超李城?

香港足球 於 20/05/2017 發表 收藏文章
【簡析】港超飛馬 英超李城?

上季李斯特城神奇奪得英超冠軍,但今季成績大倒退,好大可能不入前10,而且有主力簡迪離開,再加上季中雲爺爺被辭退,更衣室明顯絕非團結一致;而香港球隊飛馬情況亦是相近,香港飛馬上季初由堅sir 帶領,成績可謂不過不失,後來有曾經執教英冠球隊昆士柏流浪嘅 「神奇領隊」奇雲邦特(kevin bond)與堅sir一齊合作,最終令球隊喺季尾連奪菁英盃及足總盃, 並喺聯賽排第5。去到今季初,加倫執起飛馬教鞭,接替回國嘅邦特。可是,呢位由神奇領隊挑選借任嘅教練,卻未能交出成績。只錄得2勝2和4敗,而對流浪亦只得2和(未計12碼結果),對苦力更是輸波而回,令邦特要再次救駕,但亦只得7勝3和7負。

雖然飛馬成功雙殺今季同樣表現不濟嘅南華,但亦曾以1-5大敗於大埔之下,更未能衛冕菁英盃、足總盃,球迷當然覺得球隊成績未如理想。

究竟,飛馬為何由上季嘅中上游分子,慘變成聯賽曾經跌到第8嘅中下游分子?係教練問題?係球員問題?定係管理層嘅問題?本文將與你簡單分析。

1.核心受傷
飛馬季初重金購入前巴塞B隊前鋒 沙華,此子上陣短短2場就為球隊射入2球,更獲教練加倫激讚其技術及能力。可惜好景不長,加盟不夠1個月,就喺銀牌對流浪一戰中傷出,因為十字韌帶受傷而要長抖,預計2月尾才可以復出。雖然及後飛馬再購入澳洲前鋒查維斯代替西班牙人,但查維斯不時客串中堅位置,令飛馬無疑失去進攻核心。


2.軍心不穩
10月初,香港再發生打假波的不愉快事件,而飛馬就有4人被扣查,當中郭建邦、李家豪2位主力閘位球員被飛馬停止球員職務。這樣一來,左閘位置就要由方柏倫接任,而右閘則要將防中黃俊皓移後,甚至要出動教練文彼得客串,再加上傷兵問題,可見飛馬兵源十分緊張(特別是上半季)。
另外,球隊爆出假波醜聞後,雖然當時教練加倫指對其他球員並無大影響,但試問球隊軍心、士氣,又點會冇影響?而且季尾前鋒黎洛賢更喺專訪中直指前教練加倫比邦特好,更衣室內嘅氣氛、風氣實屬不得而知 。


3.後防問題嚴重
飛馬上季在聯賽失掉27球,比排前一位嘅南區失多6球(場均失1.67球)。但去到今季,後防問題更加嚴重,20場失35球(場均失1.75球)。飛馬失球多並不難理解,季初郭建邦因假波案離隊,令飛馬失去後防主力。而飛馬於轉會窗簽入/租借2位後防球員--楊賜麟(賜B)、李毅凱,更要出動前鋒查維斯擔任中堅,就足以證明飛馬嘅後防問題嚴重。
飛馬防守球員今季多次出現 ‘齋睇波’,‘mark漏人’ 嘅鏡頭, 就以聯賽對南華一仗為例,當時仲喺南華嘅陳7左路傳中,4名南華球員竟然可以喺禁區 ‘空嗮’, 最後由梁諾恆頂入,飛馬球員亦只能睇住對手入波,球員防守紀律問題嚴重。


4.主力離隊

堅sir離隊,亦將陣中唔少"年青大將"帶走。再加上有唔少球員轉會,令飛馬仿佛被拆骨:後防失去大細佬、而中場則有樂仔、黃威、羅港威分別轉會至大埔及南華。前場更失去麥基、阿杜域(上季射入10球)等主力球員。多名主力離隊,又有13名新球員加盟,球員之間難免需時磨合,令飛馬季初成績未如理想。


總結:飛馬今季可以話係多災多難,主力受傷/離隊/暫停職務,再加上上季至今仍未解決嘅後防問題依然嚴重,最終令香港飛馬今季大跌watt。

飛馬於轉會窗簽入陳7(18)、林樂勤、賜b、並租借李毅凱,鋭意於下季重新出發。究竟飛馬能否重返正軌?球迷們,請拭目以待!


Photo credit to : apple daily, oncc

如果喜歡我們的文章,請即分享到︰

標籤: 香港飛馬  香港足球  港超  

留言

會員
我要評論
請按此登錄後留言。未成為會員? 立即註冊
  • Chi Lik Chui
    Chi Lik Chui 於 20/05/2017 評論 NO. 1

  • Wong William
    Wong William 於 20/05/2017 評論 NO. 2

    有咩資格

  • Sam Chow
    Sam Chow 於 20/05/2017 評論 NO. 3

    用英超球隊黎比俾晒面啦

  • 張國銳
    張國銳 於 20/05/2017 評論 NO. 4

    港甲->港超
    改個名好似勁左咁🤗🤗

  • Yuen Chun Ta
    Yuen Chun Ta 於 20/05/2017 評論 NO. 5

    咁南華一定係阿仙奴,年年開季目標係爭標,季中已經變成以奪取國內盃賽為目標,到季尾變成爭取踢附加賽,今季連附加賽(歐聯)都冇份

  • Jerryyik Sin
    Jerryyik Sin 於 20/05/2017 評論 NO. 6

    笑咗!

  • Soren Cheung
    Soren Cheung 於 21/05/2017 評論 NO. 7

    ……別看得自己那麼高

  • Joe Lam
    Joe Lam 於 21/05/2017 評論 NO. 8

    你都識話打假波

  • PeterLi2017
    PeterLi2017 於 27/05/2017 評論 NO. 9

    FM連續兩年贏港超

快捷鍵:←
快捷鍵:→