數字同日常生活絕對係息息相關，而喺香港足球中，亦有唔少有趣嘅數字，就例如近20-30年來，入場睇波嘅人數差距極大，平均入場人數可以相差多達5000幾人：又例如個別球員嘅數據，英超攔截王有簡迪，而港超就有傑志嘅黃洋 （89%）。本文會同大家喺香港足球嘅各方面，搵一啲有趣嘅數字、數據，同大家分享！
1）入場數字篇
若大家係7 80年代嘅球迷，想必一定經歷過當時香港輝煌嘅足球時期。想當年，香港足球甲組聯賽嘅場均入場人數必定過千 喺1973-1974嘅球季中更有平均6338名球迷入場，反觀上季就只得1018名球迷，可見當年足球嘅受歡迎程度。
而當年資訊未好似宜家咁發達，冇入場嘅球迷要等幾個鐘，甚至第二日先知道賽果。 如今資訊發達咗，但往往入場人數就只得寥寥幾百，令人不禁慨嘆近20年 香港足球已經不復當年勇。
近年，香港足球喺港中大戰嘅熱潮下，入場數字有回升跡象。再加上球會願意作更多宣傳，令球迷更想入場。喺上一季聯賽中，冠軍東方嘅平均入場人數有1908，絕對不足為奇，但令人意想不到嘅係，地區球隊元朗嘅號召力亦不下「班霸」南華、傑志，平均入場亦有1908，更比比起南華嘅1138多大於800人！
返到黎今季，暫時最高入場人數嘅比賽係傑志對陣南華，有3863名球迷入場，而今季初球迷相當關注嘅苦力對港會 就分別有155人（最低入場）同 304人，而暫時5場最低入場人數嘅比賽，苦力就佔咗4場，實在是「貢獻良多」
2）入球數字篇-場均3球
港超嘅比賽不時多會出現悶局，如季初南區0-0悶和飛馬。而細比數交手亦不時出現，令球迷可能會有錯覺：港超比賽入球數字都偏低。但查看數據，原來事實並非如此，上季場均入球數字為3球，因此足球中嘅數字，亦可為球迷帶來唔少驚喜！而喺球隊方面，由港超成立至今，東方係入球數字最多嘅球會：107球 而失球數字最少就係傑志：36球，而「班霸」南華就係BIG 3中入球最少，失球最多嘅球隊，球隊近年欠佳嘅表現，亦難怪球迷對呢支傳統強隊失去信心，亦同時難免對管理層失望。
3）個人數據篇
神射手 上季 基奧雲尼
今季 洛迪古斯
上季神射手由東方嘅基奧雲尼同飛馬嘅阿杜域同得，2人分別射入10球；而今季亦由來自東方嘅洛迪古斯暫時排喺榜首，15場射入15球，入球數字多除咗因為今季港超有苦力、港會等實力較差嘅球隊，亦因為上季東方有基奧雲尼同巴域斯共同分擔入球任務，但今季球隊就由新加盟嘅洛迪古斯任鋒將主力，令入球數字大增！
攔截王 黃洋 89%
而上季嘅攔截王就係傑志嘅黃洋大哥，上陣13場就為球隊貢獻33次攔截，成功率高達89% ，黃洋穩健嘅表現，奠定自己喺傑志嘅防守中場主力位置，同時今季華杜斯嘅加盟亦可以令黃洋有更多上前助攻嘅機會。
香港足球嘅有趣數字就講住咁多先，遲啲有新發現會同大家再分享！
~~~~~~~~~~
本專欄會從不同角度，與球迷分享有關香港足球的所見所想。同時亦希望能吸引更多球迷入場欣賞本地波嘅賽事，為香港足球加油！
本專欄每月會出4-5篇文章，當中會有分析，講解或其他唔同類型嘅文章。
facebook page ：香港足球
1）入場數字篇
若大家係7 80年代嘅球迷，想必一定經歷過當時香港輝煌嘅足球時期。想當年，香港足球甲組聯賽嘅場均入場人數必定過千 喺1973-1974嘅球季中更有平均6338名球迷入場，反觀上季就只得1018名球迷，可見當年足球嘅受歡迎程度。
而當年資訊未好似宜家咁發達，冇入場嘅球迷要等幾個鐘，甚至第二日先知道賽果。 如今資訊發達咗，但往往入場人數就只得寥寥幾百，令人不禁慨嘆近20年 香港足球已經不復當年勇。
近年，香港足球喺港中大戰嘅熱潮下，入場數字有回升跡象。再加上球會願意作更多宣傳，令球迷更想入場。喺上一季聯賽中，冠軍東方嘅平均入場人數有1908，絕對不足為奇，但令人意想不到嘅係，地區球隊元朗嘅號召力亦不下「班霸」南華、傑志，平均入場亦有1908，更比比起南華嘅1138多大於800人！
返到黎今季，暫時最高入場人數嘅比賽係傑志對陣南華，有3863名球迷入場，而今季初球迷相當關注嘅苦力對港會 就分別有155人（最低入場）同 304人，而暫時5場最低入場人數嘅比賽，苦力就佔咗4場，實在是「貢獻良多」
2）入球數字篇-場均3球
港超嘅比賽不時多會出現悶局，如季初南區0-0悶和飛馬。而細比數交手亦不時出現，令球迷可能會有錯覺：港超比賽入球數字都偏低。但查看數據，原來事實並非如此，上季場均入球數字為3球，因此足球中嘅數字，亦可為球迷帶來唔少驚喜！而喺球隊方面，由港超成立至今，東方係入球數字最多嘅球會：107球 而失球數字最少就係傑志：36球，而「班霸」南華就係BIG 3中入球最少，失球最多嘅球隊，球隊近年欠佳嘅表現，亦難怪球迷對呢支傳統強隊失去信心，亦同時難免對管理層失望。
3）個人數據篇
神射手 上季 基奧雲尼
今季 洛迪古斯
上季神射手由東方嘅基奧雲尼同飛馬嘅阿杜域同得，2人分別射入10球；而今季亦由來自東方嘅洛迪古斯暫時排喺榜首，15場射入15球，入球數字多除咗因為今季港超有苦力、港會等實力較差嘅球隊，亦因為上季東方有基奧雲尼同巴域斯共同分擔入球任務，但今季球隊就由新加盟嘅洛迪古斯任鋒將主力，令入球數字大增！
攔截王 黃洋 89%
而上季嘅攔截王就係傑志嘅黃洋大哥，上陣13場就為球隊貢獻33次攔截，成功率高達89% ，黃洋穩健嘅表現，奠定自己喺傑志嘅防守中場主力位置，同時今季華杜斯嘅加盟亦可以令黃洋有更多上前助攻嘅機會。
香港足球嘅有趣數字就講住咁多先，遲啲有新發現會同大家再分享！
~~~~~~~~~~
本專欄會從不同角度，與球迷分享有關香港足球的所見所想。同時亦希望能吸引更多球迷入場欣賞本地波嘅賽事，為香港足球加油！
本專欄每月會出4-5篇文章，當中會有分析，講解或其他唔同類型嘅文章。
facebook page ：香港足球
請按此登錄後留言。未成為會員? 立即註冊