【簡析】港超飛馬 英超李城？
上季李斯特城神奇奪得英超冠軍，但今季成績大倒退，好大可能不入前10，而且有主力簡迪離開，再加上季中雲爺爺被辭退，更衣室明顯絕非團結一致；而香港球隊飛馬情況亦是相近，香港飛馬上季初由堅sir 帶領，成績可謂不過不失，後來有曾經執教英冠球隊昆士柏流浪嘅 「神奇領隊」奇雲邦特（kevin bond）與堅sir一齊合作，最終令球隊喺季尾連奪菁英盃及足總盃, 並喺聯賽排第5。去到今季初，加倫執起飛馬教鞭，接替回國嘅邦特。可是，呢位由神奇領隊挑選借任嘅教練，卻未能交出成績。只錄得2勝2和4敗，而對流浪亦只得2和（未計12碼結果），對苦力更是輸波而回，令邦特要再次救駕，但亦只得7勝3和7負。
雖然飛馬成功雙殺今季同樣表現不濟嘅南華，但亦曾以1-5大敗於大埔之下，更未能衛冕菁英盃、足總盃，球迷當然覺得球隊成績未如理想。
究竟，飛馬為何由上季嘅中上游分子，慘變成聯賽曾經跌到第8嘅中下游分子？係教練問題？係球員問題？定係管理層嘅問題？本文將與你簡單分析。
1.核心受傷
飛馬季初重金購入前巴塞B隊前鋒 沙華，此子上陣短短2場就為球隊射入2球，更獲教練加倫激讚其技術及能力。可惜好景不長，加盟不夠1個月，就喺銀牌對流浪一戰中傷出，因為十字韌帶受傷而要長抖，預計2月尾才可以復出。雖然及後飛馬再購入澳洲前鋒查維斯代替西班牙人，但查維斯不時客串中堅位置，令飛馬無疑失去進攻核心。
2.軍心不穩
10月初，香港再發生打假波的不愉快事件，而飛馬就有4人被扣查，當中郭建邦、李家豪2位主力閘位球員被飛馬停止球員職務。這樣一來，左閘位置就要由方柏倫接任，而右閘則要將防中黃俊皓移後，甚至要出動教練文彼得客串，再加上傷兵問題，可見飛馬兵源十分緊張（特別是上半季）。另外，球隊爆出假波醜聞後，雖然當時教練加倫指對其他球員並無大影響，但試問球隊軍心、士氣，又點會冇影響？而且季尾前鋒黎洛賢更喺專訪中直指前教練加倫比邦特好，更衣室內嘅氣氛、風氣實屬不得而知 。
3.後防問題嚴重
飛馬上季在聯賽失掉27球，比排前一位嘅南區失多6球（場均失1.67球）。但去到今季，後防問題更加嚴重，20場失35球（場均失1.75球）。飛馬失球多並不難理解，季初郭建邦因假波案離隊，令飛馬失去後防主力。而飛馬於轉會窗簽入/租借2位後防球員--楊賜麟（賜B）、李毅凱，更要出動前鋒查維斯擔任中堅，就足以證明飛馬嘅後防問題嚴重。飛馬防守球員今季多次出現 ‘齋睇波’，‘mark漏人’ 嘅鏡頭， 就以聯賽對南華一仗為例，當時仲喺南華嘅陳7左路傳中，4名南華球員竟然可以喺禁區 ‘空嗮’， 最後由梁諾恆頂入，飛馬球員亦只能睇住對手入波，球員防守紀律問題嚴重。
4.主力離隊
堅sir離隊，亦將陣中唔少"年青大將"帶走。再加上有唔少球員轉會，令飛馬仿佛被拆骨：後防失去大細佬、而中場則有樂仔、黃威、羅港威分別轉會至大埔及南華。前場更失去麥基、阿杜域（上季射入10球）等主力球員。多名主力離隊，又有13名新球員加盟，球員之間難免需時磨合，令飛馬季初成績未如理想。
總結：飛馬今季可以話係多災多難，主力受傷/離隊/暫停職務，再加上上季至今仍未解決嘅後防問題依然嚴重，最終令香港飛馬今季大跌watt。
飛馬於轉會窗簽入陳7（18）、林樂勤、賜b、並租借李毅凱，鋭意於下季重新出發。究竟飛馬能否重返正軌？球迷們，請拭目以待！
Photo credit to : apple daily, oncc
上季李斯特城神奇奪得英超冠軍，但今季成績大倒退，好大可能不入前10，而且有主力簡迪離開，再加上季中雲爺爺被辭退，更衣室明顯絕非團結一致；而香港球隊飛馬情況亦是相近，香港飛馬上季初由堅sir 帶領，成績可謂不過不失，後來有曾經執教英冠球隊昆士柏流浪嘅 「神奇領隊」奇雲邦特（kevin bond）與堅sir一齊合作，最終令球隊喺季尾連奪菁英盃及足總盃, 並喺聯賽排第5。去到今季初，加倫執起飛馬教鞭，接替回國嘅邦特。可是，呢位由神奇領隊挑選借任嘅教練，卻未能交出成績。只錄得2勝2和4敗，而對流浪亦只得2和（未計12碼結果），對苦力更是輸波而回，令邦特要再次救駕，但亦只得7勝3和7負。
雖然飛馬成功雙殺今季同樣表現不濟嘅南華，但亦曾以1-5大敗於大埔之下，更未能衛冕菁英盃、足總盃，球迷當然覺得球隊成績未如理想。
究竟，飛馬為何由上季嘅中上游分子，慘變成聯賽曾經跌到第8嘅中下游分子？係教練問題？係球員問題？定係管理層嘅問題？本文將與你簡單分析。
1.核心受傷
飛馬季初重金購入前巴塞B隊前鋒 沙華，此子上陣短短2場就為球隊射入2球，更獲教練加倫激讚其技術及能力。可惜好景不長，加盟不夠1個月，就喺銀牌對流浪一戰中傷出，因為十字韌帶受傷而要長抖，預計2月尾才可以復出。雖然及後飛馬再購入澳洲前鋒查維斯代替西班牙人，但查維斯不時客串中堅位置，令飛馬無疑失去進攻核心。
2.軍心不穩
10月初，香港再發生打假波的不愉快事件，而飛馬就有4人被扣查，當中郭建邦、李家豪2位主力閘位球員被飛馬停止球員職務。這樣一來，左閘位置就要由方柏倫接任，而右閘則要將防中黃俊皓移後，甚至要出動教練文彼得客串，再加上傷兵問題，可見飛馬兵源十分緊張（特別是上半季）。另外，球隊爆出假波醜聞後，雖然當時教練加倫指對其他球員並無大影響，但試問球隊軍心、士氣，又點會冇影響？而且季尾前鋒黎洛賢更喺專訪中直指前教練加倫比邦特好，更衣室內嘅氣氛、風氣實屬不得而知 。
3.後防問題嚴重
飛馬上季在聯賽失掉27球，比排前一位嘅南區失多6球（場均失1.67球）。但去到今季，後防問題更加嚴重，20場失35球（場均失1.75球）。飛馬失球多並不難理解，季初郭建邦因假波案離隊，令飛馬失去後防主力。而飛馬於轉會窗簽入/租借2位後防球員--楊賜麟（賜B）、李毅凱，更要出動前鋒查維斯擔任中堅，就足以證明飛馬嘅後防問題嚴重。飛馬防守球員今季多次出現 ‘齋睇波’，‘mark漏人’ 嘅鏡頭， 就以聯賽對南華一仗為例，當時仲喺南華嘅陳7左路傳中，4名南華球員竟然可以喺禁區 ‘空嗮’， 最後由梁諾恆頂入，飛馬球員亦只能睇住對手入波，球員防守紀律問題嚴重。
4.主力離隊
堅sir離隊，亦將陣中唔少"年青大將"帶走。再加上有唔少球員轉會，令飛馬仿佛被拆骨：後防失去大細佬、而中場則有樂仔、黃威、羅港威分別轉會至大埔及南華。前場更失去麥基、阿杜域（上季射入10球）等主力球員。多名主力離隊，又有13名新球員加盟，球員之間難免需時磨合，令飛馬季初成績未如理想。
總結：飛馬今季可以話係多災多難，主力受傷/離隊/暫停職務，再加上上季至今仍未解決嘅後防問題依然嚴重，最終令香港飛馬今季大跌watt。
飛馬於轉會窗簽入陳7（18）、林樂勤、賜b、並租借李毅凱，鋭意於下季重新出發。究竟飛馬能否重返正軌？球迷們，請拭目以待！
Photo credit to : apple daily, oncc
請按此登錄後留言。未成為會員? 立即註冊