某部分隊友低質素唔識夾香川? 【同場加插楊格個人show】 精選

部分英人質素之差技術之低一路以來都令筆者講到口水乾，而喺呢段片入邊，出黎表演次數愈多既球員，場上決定既每次都令人拍案叫絕。

利申: 筆者訓左冇睇呢場波。

都係果句，雖然英超賽事有朗尼、雲佩斯同馬達必然正選並佔據中路，但香川真司絕對比垃圾羊同華西更值得打正選或者同新星贊奴沙爭正選(左右翼既位置上)，之前筆者J過贊奴沙拍住香川既雙核，結果只得史雲斯下半場有突出表現，如香川同朗尼、雲佩斯、馬達同場，邊路除左2閘後上就冇其他突破方法，試唔試呢個4人攻擊組合，甚至收起一名正宗中場出埋贊奴沙增強邊路突破能力，由朗尼或馬達拉後黎代打中場，還看莫耶斯會唔會"徹底放棄"純傳中及後場運高波上去既戰術。
其他問題如中場防守及活力不足、莫耶斯戰術問題等都講過，就唔再講。

最後，筆者睇過馬達既英超賽事以及呢段3分幾鐘既片，無球跑動能力及決定都係馬達同香川都優於其他隊友，甚至該場賽事只得佢哋作出無球跑動而隊友企定定既場面...

https://www.youtube.com/watch?v=qWzX2MeJyZc