成場波，朗尼同雲佩斯喺球隊防守時壓縮返中圈附近封位或迫搶，其餘8個球員喺自己後半場防守進行迫搶，係近年曼聯少見既風格，今場既防守戰術同主場對皇蘇一戰既前場反搶唔同，因為阿仙奴中場球員既技術屬於中上水平，皆有盤、傳、帶、射能力，所以莫耶斯將防守空間壓縮喺自己半場，唔單止令到阿記前場空間細，曼聯球員既體力消耗亦相對比前場反搶少，加上平日既高強度訓練【球迷曾怪罪莫耶斯進行高強度訓練令到球員成日傷】，曼聯球員今季既體能狀態都比前2年好，今場既防守戰術曼聯球員都可以應付成場，而呢場波亦明顯見到莫耶斯對死球有部署排練，除左雲佩斯既角球入球之外，下半場左路罰球史摩寧尾柱空晒沖頂都可以睇到有練過，正因為咁，阿記既失準同曼聯既防守戰術令阿記上半場只有2次射門及落後。下半場維迪傷出，鍾斯退落中堅位置，由卡華利代替鍾斯打防守中場，此舉令到阿記中場受壓既程度減低，上半場曼聯並冇喺中路位置輸罰球，而下半場既47分鐘，就由卡華利喺25碼中路偏左位置犯規輸罰球，係曼聯下半場受壓既其一要素，換人方面，時間既掌握莫耶斯亦顯得比較猶疑，曼聯下半場基本係處於下風，但去到78' 先換傑斯出黎入替香川，而且劣勢仍然維持，正係失敗換人既表現，還好阿記屈速未能取得入波，反而換入費蘭尼打前鋒，有爭頂第一點及控球，令後防壓力減輕，係成功換人。講朗尼同球證之前，筆者有幾點要稱讚同批評：
第一個就係伊雲斯，防守表現OK，上半場三番四次想傳出靚波比隊友但基於技術同心態都送個波比對手失去控球權，下半場亦有一次同樣既錯誤。
第二個係艾夫華，喺下半場曼聯比阿記攻到有氣冇得抖既時候，喺70' 左右既一次左路界外球，拖慢左成場波既節奏，隔左陣先扔界外球，佢既經驗唔單止影響阿記氣勢，更比到機會自己友回氣，呢場比賽除左尾段漠漠地氣，成場都做到攻守平衡。第三個既係傑斯，礙於速度既弱點令阿記狂攻曼聯左路，但喺88' 阿記一次既轉守為攻，傑斯冇上前迫搶而退後封位，最後就阿記係截低個波斷左快速反擊，落場後亦有1, 2次截波及解圍。
最後就係要讚莫耶斯同曼聯全隊球員，莫耶斯既正選陣容保持近幾場水準，起用鍾斯出任中場收取奇效，香川內收讓左路比艾夫華，同時亦令全隊一開波就充滿信心同投入比賽，而球員亦能堅決執行領隊既防守戰術，雖然進攻表現唔係完美，但呢場波的確可以挽回部分球迷對莫耶斯既信心，因為曼聯既傳統、精神、底蘊並冇喺莫耶斯治下消失。
雲佩斯慶祝 (現場版)
https://www.youtube.com/watch?v=J__pdm5urbY雲佩斯除左攻入致勝入球，更表現出點解自己係曼聯第一前鋒，下半場雖然長期比阿記壓住黎踢少掂波，但佢既技術足以令朗尼檢討一下，下半場之初雲佩斯就以一下靚轉身擺脫對手，73' 又有一次靚轉身擺脫對手及控球在腳，相反朗尼今場波既 First Touch 拎波都係一直冇改善，50' 朗尼中路控失，79' 反擊接失華西既靚傳波，86' 又出現推失波同交失波，朗尼既能力不足以為曼聯提供穩定既前場控球點，控失、防守搶波下半場一直重複，近幾季朗尼既 First Touch 一直處於退步既狀態，就算空晒接波往往都要一兩腳去調整，拖慢曼聯既進攻速度，而佢亦冇香川既技術、傳送、突破、小組配合，10號位此時此刻既朗尼係不能夠勝任，但朗尼亦有幼細既一面，上半場一下帶波過人，雖然第二下個波最後都係由自己隻腳彈走，但第一下過人就好返變返以前既8號仔，下半場59' 朗尼一下右腳CUP左腳射波，亦表現出射手風範，朗尼今場波防守積極、充滿鬥志，為雲佩斯送出助攻，令到好多球迷忽略左佢多次中斷曼聯攻勢既失誤，朗尼防守上同神精上都係值得滿分，進攻既表現只能算係合格有餘講唔上高分，朗尼以至其他球員體能狀況既回升，令筆者再次諗起部分球迷季初如何冇論點去攻擊莫耶斯，從訓練方式、正選陣容、換人時機、買人都統統批評得一無是處，就好似自己係曼聯教練組一份子好清楚球員日常既訓練同球員狀態，而莫耶斯對球員既使用、戰術既部署都比季初有進步，成績亦令到呢班球迷收晒聲，莫耶斯現今最需要既就係一個冠軍，就好似當年費sir 用足總盃冠軍去令批評者收口建立屬於自己既球隊。最後既一段係留返比好多人忽略既球證，呢場波球證執法其實幾好，對兩隊既標準相同並冇偏幫，但有2個決定筆者要講一講，第一個就係鍾斯食黃牌，眾所鳩知龍門被撞倒不起係需要暫停業比賽，蓄意撞龍門多數都比黃牌，而呢球球證做錯既一點就係比黃牌鍾斯，呢一球鍾斯係向著個波沖頂，施捷斯尼亦向著個波出迎打手槌，就算以嚴格標準黎睇鍾斯都係冇蓄意沖龍，兩者相撞只係意外 (youtube慢鏡)，就好似維迪同迪基亞相撞果野一樣，所以球證喺鍾斯飲緊水比張黃牌佢食佢都O撚左咀。第2個就係迪基亞底線上撈返個波出黎，當時比賽緊既慢鏡亦見到個波係冇出白界，筆者冇留意到旁證係判角球定龍門球，但最尾球證係判角球比阿記，而阿記既奧斯爾亦用一記極具威脅既射門結束左呢次角球攻勢，如果阿記憑著呢個角球攻勢入波，球證呢個判決絕對會影響左呢場波個賽果。
第一個就係伊雲斯，防守表現OK，上半場三番四次想傳出靚波比隊友但基於技術同心態都送個波比對手失去控球權，下半場亦有一次同樣既錯誤。
第二個係艾夫華，喺下半場曼聯比阿記攻到有氣冇得抖既時候，喺70' 左右既一次左路界外球，拖慢左成場波既節奏，隔左陣先扔界外球，佢既經驗唔單止影響阿記氣勢，更比到機會自己友回氣，呢場比賽除左尾段漠漠地氣，成場都做到攻守平衡。第三個既係傑斯，礙於速度既弱點令阿記狂攻曼聯左路，但喺88' 阿記一次既轉守為攻，傑斯冇上前迫搶而退後封位，最後就阿記係截低個波斷左快速反擊，落場後亦有1, 2次截波及解圍。
最後就係要讚莫耶斯同曼聯全隊球員，莫耶斯既正選陣容保持近幾場水準，起用鍾斯出任中場收取奇效，香川內收讓左路比艾夫華，同時亦令全隊一開波就充滿信心同投入比賽，而球員亦能堅決執行領隊既防守戰術，雖然進攻表現唔係完美，但呢場波的確可以挽回部分球迷對莫耶斯既信心，因為曼聯既傳統、精神、底蘊並冇喺莫耶斯治下消失。
雲佩斯慶祝 (現場版)
https://www.youtube.com/watch?v=J__pdm5urbY雲佩斯除左攻入致勝入球，更表現出點解自己係曼聯第一前鋒，下半場雖然長期比阿記壓住黎踢少掂波，但佢既技術足以令朗尼檢討一下，下半場之初雲佩斯就以一下靚轉身擺脫對手，73' 又有一次靚轉身擺脫對手及控球在腳，相反朗尼今場波既 First Touch 拎波都係一直冇改善，50' 朗尼中路控失，79' 反擊接失華西既靚傳波，86' 又出現推失波同交失波，朗尼既能力不足以為曼聯提供穩定既前場控球點，控失、防守搶波下半場一直重複，近幾季朗尼既 First Touch 一直處於退步既狀態，就算空晒接波往往都要一兩腳去調整，拖慢曼聯既進攻速度，而佢亦冇香川既技術、傳送、突破、小組配合，10號位此時此刻既朗尼係不能夠勝任，但朗尼亦有幼細既一面，上半場一下帶波過人，雖然第二下個波最後都係由自己隻腳彈走，但第一下過人就好返變返以前既8號仔，下半場59' 朗尼一下右腳CUP左腳射波，亦表現出射手風範，朗尼今場波防守積極、充滿鬥志，為雲佩斯送出助攻，令到好多球迷忽略左佢多次中斷曼聯攻勢既失誤，朗尼防守上同神精上都係值得滿分，進攻既表現只能算係合格有餘講唔上高分，朗尼以至其他球員體能狀況既回升，令筆者再次諗起部分球迷季初如何冇論點去攻擊莫耶斯，從訓練方式、正選陣容、換人時機、買人都統統批評得一無是處，就好似自己係曼聯教練組一份子好清楚球員日常既訓練同球員狀態，而莫耶斯對球員既使用、戰術既部署都比季初有進步，成績亦令到呢班球迷收晒聲，莫耶斯現今最需要既就係一個冠軍，就好似當年費sir 用足總盃冠軍去令批評者收口建立屬於自己既球隊。最後既一段係留返比好多人忽略既球證，呢場波球證執法其實幾好，對兩隊既標準相同並冇偏幫，但有2個決定筆者要講一講，第一個就係鍾斯食黃牌，眾所鳩知龍門被撞倒不起係需要暫停業比賽，蓄意撞龍門多數都比黃牌，而呢球球證做錯既一點就係比黃牌鍾斯，呢一球鍾斯係向著個波沖頂，施捷斯尼亦向著個波出迎打手槌，就算以嚴格標準黎睇鍾斯都係冇蓄意沖龍，兩者相撞只係意外 (youtube慢鏡)，就好似維迪同迪基亞相撞果野一樣，所以球證喺鍾斯飲緊水比張黃牌佢食佢都O撚左咀。第2個就係迪基亞底線上撈返個波出黎，當時比賽緊既慢鏡亦見到個波係冇出白界，筆者冇留意到旁證係判角球定龍門球，但最尾球證係判角球比阿記，而阿記既奧斯爾亦用一記極具威脅既射門結束左呢次角球攻勢，如果阿記憑著呢個角球攻勢入波，球證呢個判決絕對會影響左呢場波個賽果。
請按此登錄後留言。未成為會員? 立即註冊