「莫耶斯最錯係換晒班教練團！」呢一句話建基於今季成績差，成績好既話相信會變成：莫耶斯做得最岩就係換晒教練團加快更新換代。
「同一班人腳費sir 上季拎到冠軍，莫耶斯今季帶到落中游？」呢一句話建基於上季冠軍，費sir冇冠軍既話相信會變成：呢隊人腳費sir 都唔可以化腐朽為神奇拎英超冠軍...
馬後炮從來都好易！從球賽實際表現認清曼聯根本問題所在先係最能夠說服人，一句話莫耶斯OUT，夠說服力嗎？
賽前最重要既就係日常訓練，好多人話莫耶斯既高強度訓練影響球員，係咪高強度訓練大家一定唔會知，但今季訓練既「結果」卻係有好有壞，打仔格既朗尼、鍾斯、華西都冇受到影響，而技術型球員雲佩斯、蘭尼並未能恢復以往狀態，正面既有朗尼講過莫耶斯既訓練對自己好好，相反既有傳媒經常傳雲佩斯不滿莫耶斯既訓練，可見莫耶斯訓練強度係有好有壞，而喺國際賽期間接連有球員受傷，係咪同球隊訓練強度有關就有一定討論空間。
從莫耶斯正選選擇方面已經比季初好得太多，不過佢經常將兩翼放喺錯腳位而效果並非突出，比賽中亦少見互換位置，呢一招堅係冇咩人明，不過成日傳中又比人話，錯腳內切又比人話，筆者都唔知莫耶斯應該點擺好。用人方面，莫耶斯將楊格放入雪櫃，卻重用傷愈復出既韋碧克，法比奧喺細佬缺陣之下得唔到上陣機會，除左呢幾點，其他位置球員受傷、停賽都令到莫耶斯用人舉步維艱。
喺比賽當中，經常見到後防唔經中場運轉將個波斬上前，當卡域克在陣對手就係緊迫佢，令到中堅同中場難以聯系，中場中亦唔係成日跑上前場為兩翼提供接應點 (可參考對紐卡素鍾斯殺上前場後上射波既攻勢)，令到球隊只能夠由兩翼同兩閘配合以及傳中，當進攻模式單調、前鋒並非擅長沖擊頂波時，對手就易於防守，當卡域克缺陣，由於代替球員質素差(略講)，連波都唔敢接黎用，就變到對紐卡素咁既情況，除左死球攻勢以外別無他法，但同時間曼聯對防守死球亦唔係特別好，繼利記角球致勝以致後來連續2場既尾段死球失波，反映球員既集中能力及爭勝心比上季弱左唔少...
爭勝心、熱血、大勝，我哋可以喺反勝新特蘭、贏利物浦阿仙奴、史雲斯、利華古遜既比賽見過，成績不穩、球員心底未完全信任莫耶斯，球員質素差、進攻冇套路，對紐卡素落後下表現到冇左心中團火，表現出球員信心低落，如何利用戰術走位掩蓋中場球員質素差，打出進攻套路乃莫耶斯當務之急要解決既問題。
除左龍門同前鋒位置比球迷較為放心之外，其他位置既人腳都令球迷擔心不已，先從年齡結構分析曼聯處在乜野狀態：
龍門有迪基亞(23歲)同連迪加特(29歲)，穩健既正選同合格既後備，並冇乜野問題；
後防位置有拉菲爾(23歲)、艾夫華(32歲)、維迪(32歲)、李奧費迪南(35歲)、伊雲斯(25歲)、史摩寧(24歲)、鍾斯(21歲)、畢特拿(24歲)、法比奧(23歲)，老將3個帶住一班後生仔，左閘黎講艾夫華已經算老將，除左維迪獨缺中生代有經驗當打中堅，某程度解釋左今季曼聯後防不穩既其中一個因素；
中場與兩翼位置有傑斯(40歲)、卡域克(32歲)、費查(29歲)、華西(28歲)、楊格(28歲)、蘭尼(27歲)、費蘭尼(26歲)、香川(25歲)、安達臣(25歲)、卡華利(24歲)、沙夏(21歲)、贊奴沙(18歲)，老中青都有照理應該好好，數量又夠，可惜最重要既係球員質素參差不齊、工兵多過技術型球員，下面會再重點講；
前鋒位置有雲佩斯(30歲)、朗尼(28歲)、小豆(25歲)、韋碧克(23歲)，除左韋碧克實力不濟外，其實前鋒線既年齡結構係最合理。
結論就係後防與中場處於青黃不接時期，同後三冠遇上既問題相差無幾。
中場中問題自從堅尼出走後，已經一直有人講，防守能力下降唔少，直至夏格維斯加盟以及費查既進步先得以改善，當C朗離開曼聯買入華西，就冇人彌補中場活力不足既缺點，導致費sir 只能重回舊式442 利用兩邊突破傳中，當年就不斷出現貝碧後撤分邊華西傳中朗尼入波呢個方程式，聯賽冠軍歐冠決賽讓所有人閉咀，但當被車路士及曼城奪冠既2個賽季，就不斷有輿論話曼聯要解決中場問題，可見成績可以蒙閉球評家既雙眼，重用喼神、史高斯復出、拉菲爾打中場，都唔比普巴表現機會，換黎既係近年曼聯中場所缺少既全能中場。
環看中場中，只有卡域克及傑斯擁有技術、控球能力及分邊長傳，唔好忘記傑斯只係近年先轉型兼已經40歲唔可以場場打足；安達臣除左第1年有表現，5年時間多數受傷狀態飄忽，傳球功夫不濟空有想象力，唯一可取之處係敢於中路帶波上前加快進攻速度，乃卡華利、費蘭尼及替工鍾斯做唔到既事；卡華利及替工鍾斯礙於技術所限，當中堅拎波時竟然遠離中堅唔敢拎波做波，有波在腳時似在溶岩上踢波急於交波，除左戰術問題唔識走出空位為中堅提供接應點外，球員質素差亦十分影響球隊組織進攻、讓兩個邊路各自為政，前中後斷開了，左右亦分開了，打到雲佩斯冇晒心機冇晒脾氣；費蘭尼因為新加盟以及手部傷患，未能發揮應有水平，就好似貝碧托夫當初一樣被球迷唾棄，筆者都係會維護依家既費蘭尼不多加批評；大家可以睇下卡巴耶、迪奧提、賓艾化有長傳有硬淨防守有控球，卡華利及安達臣有佢地一半既功力，曼聯中場仲洗乜咁頭痕？曼聯中場除左卡域克同傑斯，無論級數或實力都講唔上一流。
兩翼方面，華一招、楊不過，佢地實力基本在其他強隊一定搵唔到正選位置，不提也罷；贊奴沙處理球比蘭尼成熟，但落後一樣都係過於表現自己，2個有實力但唔識好好利用同球隊配合，兩者距離擔大旗仲有一段距離，但筆者認為莫耶斯應該奠定佢2個既正選位置，催谷佢地既狀態好過用韋碧克頂替左翼。
03年後同樣青黃不接打到死氣沉沉，當時10年歐冠未曾小組賽出局既紀錄，筆者都曾經同費sir 一起走過艱辛日子；如今，筆者都係繼續同莫耶斯一起走過艱辛日子，默默地支持曼聯。
「同一班人腳費sir 上季拎到冠軍，莫耶斯今季帶到落中游？」呢一句話建基於上季冠軍，費sir冇冠軍既話相信會變成：呢隊人腳費sir 都唔可以化腐朽為神奇拎英超冠軍...
馬後炮從來都好易！從球賽實際表現認清曼聯根本問題所在先係最能夠說服人，一句話莫耶斯OUT，夠說服力嗎？
賽前最重要既就係日常訓練，好多人話莫耶斯既高強度訓練影響球員，係咪高強度訓練大家一定唔會知，但今季訓練既「結果」卻係有好有壞，打仔格既朗尼、鍾斯、華西都冇受到影響，而技術型球員雲佩斯、蘭尼並未能恢復以往狀態，正面既有朗尼講過莫耶斯既訓練對自己好好，相反既有傳媒經常傳雲佩斯不滿莫耶斯既訓練，可見莫耶斯訓練強度係有好有壞，而喺國際賽期間接連有球員受傷，係咪同球隊訓練強度有關就有一定討論空間。
從莫耶斯正選選擇方面已經比季初好得太多，不過佢經常將兩翼放喺錯腳位而效果並非突出，比賽中亦少見互換位置，呢一招堅係冇咩人明，不過成日傳中又比人話，錯腳內切又比人話，筆者都唔知莫耶斯應該點擺好。用人方面，莫耶斯將楊格放入雪櫃，卻重用傷愈復出既韋碧克，法比奧喺細佬缺陣之下得唔到上陣機會，除左呢幾點，其他位置球員受傷、停賽都令到莫耶斯用人舉步維艱。
喺比賽當中，經常見到後防唔經中場運轉將個波斬上前，當卡域克在陣對手就係緊迫佢，令到中堅同中場難以聯系，中場中亦唔係成日跑上前場為兩翼提供接應點 (可參考對紐卡素鍾斯殺上前場後上射波既攻勢)，令到球隊只能夠由兩翼同兩閘配合以及傳中，當進攻模式單調、前鋒並非擅長沖擊頂波時，對手就易於防守，當卡域克缺陣，由於代替球員質素差(略講)，連波都唔敢接黎用，就變到對紐卡素咁既情況，除左死球攻勢以外別無他法，但同時間曼聯對防守死球亦唔係特別好，繼利記角球致勝以致後來連續2場既尾段死球失波，反映球員既集中能力及爭勝心比上季弱左唔少...
爭勝心、熱血、大勝，我哋可以喺反勝新特蘭、贏利物浦阿仙奴、史雲斯、利華古遜既比賽見過，成績不穩、球員心底未完全信任莫耶斯，球員質素差、進攻冇套路，對紐卡素落後下表現到冇左心中團火，表現出球員信心低落，如何利用戰術走位掩蓋中場球員質素差，打出進攻套路乃莫耶斯當務之急要解決既問題。
除左龍門同前鋒位置比球迷較為放心之外，其他位置既人腳都令球迷擔心不已，先從年齡結構分析曼聯處在乜野狀態：
龍門有迪基亞(23歲)同連迪加特(29歲)，穩健既正選同合格既後備，並冇乜野問題；
後防位置有拉菲爾(23歲)、艾夫華(32歲)、維迪(32歲)、李奧費迪南(35歲)、伊雲斯(25歲)、史摩寧(24歲)、鍾斯(21歲)、畢特拿(24歲)、法比奧(23歲)，老將3個帶住一班後生仔，左閘黎講艾夫華已經算老將，除左維迪獨缺中生代有經驗當打中堅，某程度解釋左今季曼聯後防不穩既其中一個因素；
中場與兩翼位置有傑斯(40歲)、卡域克(32歲)、費查(29歲)、華西(28歲)、楊格(28歲)、蘭尼(27歲)、費蘭尼(26歲)、香川(25歲)、安達臣(25歲)、卡華利(24歲)、沙夏(21歲)、贊奴沙(18歲)，老中青都有照理應該好好，數量又夠，可惜最重要既係球員質素參差不齊、工兵多過技術型球員，下面會再重點講；
前鋒位置有雲佩斯(30歲)、朗尼(28歲)、小豆(25歲)、韋碧克(23歲)，除左韋碧克實力不濟外，其實前鋒線既年齡結構係最合理。
結論就係後防與中場處於青黃不接時期，同後三冠遇上既問題相差無幾。
中場中問題自從堅尼出走後，已經一直有人講，防守能力下降唔少，直至夏格維斯加盟以及費查既進步先得以改善，當C朗離開曼聯買入華西，就冇人彌補中場活力不足既缺點，導致費sir 只能重回舊式442 利用兩邊突破傳中，當年就不斷出現貝碧後撤分邊華西傳中朗尼入波呢個方程式，聯賽冠軍歐冠決賽讓所有人閉咀，但當被車路士及曼城奪冠既2個賽季，就不斷有輿論話曼聯要解決中場問題，可見成績可以蒙閉球評家既雙眼，重用喼神、史高斯復出、拉菲爾打中場，都唔比普巴表現機會，換黎既係近年曼聯中場所缺少既全能中場。
環看中場中，只有卡域克及傑斯擁有技術、控球能力及分邊長傳，唔好忘記傑斯只係近年先轉型兼已經40歲唔可以場場打足；安達臣除左第1年有表現，5年時間多數受傷狀態飄忽，傳球功夫不濟空有想象力，唯一可取之處係敢於中路帶波上前加快進攻速度，乃卡華利、費蘭尼及替工鍾斯做唔到既事；卡華利及替工鍾斯礙於技術所限，當中堅拎波時竟然遠離中堅唔敢拎波做波，有波在腳時似在溶岩上踢波急於交波，除左戰術問題唔識走出空位為中堅提供接應點外，球員質素差亦十分影響球隊組織進攻、讓兩個邊路各自為政，前中後斷開了，左右亦分開了，打到雲佩斯冇晒心機冇晒脾氣；費蘭尼因為新加盟以及手部傷患，未能發揮應有水平，就好似貝碧托夫當初一樣被球迷唾棄，筆者都係會維護依家既費蘭尼不多加批評；大家可以睇下卡巴耶、迪奧提、賓艾化有長傳有硬淨防守有控球，卡華利及安達臣有佢地一半既功力，曼聯中場仲洗乜咁頭痕？曼聯中場除左卡域克同傑斯，無論級數或實力都講唔上一流。
兩翼方面，華一招、楊不過，佢地實力基本在其他強隊一定搵唔到正選位置，不提也罷；贊奴沙處理球比蘭尼成熟，但落後一樣都係過於表現自己，2個有實力但唔識好好利用同球隊配合，兩者距離擔大旗仲有一段距離，但筆者認為莫耶斯應該奠定佢2個既正選位置，催谷佢地既狀態好過用韋碧克頂替左翼。
03年後同樣青黃不接打到死氣沉沉，當時10年歐冠未曾小組賽出局既紀錄，筆者都曾經同費sir 一起走過艱辛日子；如今，筆者都係繼續同莫耶斯一起走過艱辛日子，默默地支持曼聯。
請按此登錄後留言。未成為會員? 立即註冊