球員球迷行為均表達不滿 莫帥四面受敵 精選

曼聯噚日0:1輸咗俾紐卡素，連續兩場晌主場敗陣，呢件事可以話自02年以嚟主場兩連敗，奧脫福優勢頓時蕩然無存，球員同球迷行動上更好似表現出對莫耶斯有不滿，睇嚟莫帥要盡快拆呢個炸彈!

先講球迷，晌費SIR領軍時期嘅曼聯，當球隊最後落後或者和緊波時，球迷們必定乖乖地坐晌位等到完場先走，事關佢哋相信曼聯精神上係會拚命到最後一刻，有機會晌最後時刻追和或反勝，之不過吋噚日場波去到85分鐘，已經有球迷提前離場，以往出現呢個畫面，只會係曼聯大勝對手之時，之不過噚日看見一向入場支持主隊的球迷都提早離場，不禁令人傷心之餘，況且他們以行動表示對球迷失去信心，不認為球迷有追和的表現，更或是表達對莫耶斯領軍的不滿。

其實球迷嘅支持對球隊好重要，之不過呢方面相輔相成，球隊要有表現，球迷先會打條得落力，相反表現死氣沉沉，球迷都難以有精神，以往奧脫福威力驚人，球迷聲音嚇怕客隊，之不過睇嚟呢個情況，今季難以再現。

球迷不滿都可以話同成績有關，之不過連球員行為都好似唔開心球隊表現咁。噚日場波，先講里奧費迪南，佢先晌比賽之前公開批評莫耶斯，「莫耶斯唔會預先決定大軍名單，球員都唔清楚球隊比賽當日陣容。而費Sir時期就會俾大家心中有數，大概知道自己嗰日會唔會上陣。提早知道自己會上陣，可以幫到球員預先提升狀態，這一點其實十分重要。莫帥呢個做法對球員心理造成困擾，大家都會好緊張咁諗自己今日有無機會上陣呢？問題不停晌個腦入面諗，將人都逼到瘋了。」其後比賽期間又被傳媒影晌後備席上大笑，完全唔似關心球隊成績咁。
另一個同佢一樣唔關心比賽就係費蘭尼，比賽戰至36分鐘時被直播電視鏡頭拍到佢低頭玩手機，一啲都唔關心比賽，要知道費蘭尼係莫耶斯愛將，係佢今夏唯一簽入嘅球員，就連佢都唔關心球隊成績，令人感覺莫帥晌球隊地位不太有力量。