筆者本來想睇晒曼聯頭5輪先寫小結，但可惜忍唔到手不吐不快就寫左先...
曼聯開季踢左3場，賽果先甜後苦，勝和負各一，面對史雲斯只能針對己隊弱點放棄控球憑住球員個人質素醜陋地羸波；面對車仔專注防守看似佔上風但只能 0:0 悶和；面對宿敵利物浦完全凸顯出曼聯既不濟同缺點。筆者認為雖然現今仍屬季初，而曼聯傳統亦在季中上力，但如果及後曼聯仍然踢出低於或稍微高於呢3場既平均水平，曼聯排名被利物浦超越恐怕會成為事實，畢竟利物浦連續3場一球小勝，以防守優勝甚有冠軍球隊既風範 (註：非長他人志氣既說話)。
打後講呢3場波，篇幅主要都係講利物浦對曼聯，印象深刻呀嘛... 而早2場既都係憑印象寫，有錯唔好見怪。
曼聯對史雲斯雖然大炒 4:1，但從比賽場面睇，曼聯係比球員質素較差既史雲斯控住個波黎踢，後防不時出現驚險場面，解圍失誤，中後場奪取控球權後未能hold波創造反擊機會及被對方壓迫反搶，令曼聯曾經一段時間被壓住攻，兩翼於陣地戰突破欠奉，令曼聯一如上季折翼；而曼聯所入既第1球同第3球，都係比較依靠雲佩斯個人能力入波，所入既第2球就係捉住瞬間消失既第二波攻勢傳中攻門，第4球捉住史雲斯防線鬆懈錦上添花，從賽事中凸顯曼聯中後場技術欠佳，喺面對對方前線壓迫往往只能急急腳傳波 (對利物浦如是)，後防解圍並唔係比自己友而係盲目向前踢，被對方不斷施壓，呢個就係曼聯既先天缺陷。第2場面對同史雲斯唔同打法既車路士，摩連奴亦將比賽場面控制於被動，同時朗尼都打足90分鐘，老實講3點鐘睇呢場波真係悶到差啲訓，但筆者留意到既係，當曼聯中場受到既壓力細，表現會較好，處理個波亦較決斷，由此可見曼聯中場並唔能夠應付對方球員壓迫；由於朗尼居於前場中路，分擔左卡域克同卡華利進攻同防守既工作，藉住本身既大局觀同活力，儘管狀態未足但仍成為曼聯 key man，儘管受到轉會風波影響，於現今曼聯陣中，佢仍然係好重要，基於朗尼技術唔幼細，於前線不足以護波及擺脫對手，而具有 teamwork 意識、防守意識、大局觀、遠射功底、不俗既射術，筆者仍然認為佢最適合既最初喺曼聯既位置：中鋒身後，呢個位唔單止有較大活動空間，比朗尼面對龍門方向，更可以利用佢既優點彌補曼聯部分先天缺陷，呢場波朗尼既存在就係一個證明。
筆者今季睇左利物浦開咧戰，班球員已經唔再好似以前咁一味大腳，打法轉為現今流行既地面進攻，呢班中前場球員既質素明顯好過史雲斯，技術比古治既年代好，加上連維拉都入唔到佢哋波，可見防守能力提升左唔少。對住死敵，筆者本以為曼聯球員會好專注，但可惜第3分鐘既角球就走溜史杜列治被攻入致勝球，曼聯近季經常失兩邊既高空波，而今場再一次係大賽犯下同樣錯誤，實屬不妥，專注防守係奪冠其中一項重要指標，曼聯代表作係07球季，而季初既利物浦就比到筆者些少呢種感覺，若果能保持穩定狀態應能重新成為爭冠份子，相反今場波曼聯就踢到成篤屎咁毫無生氣。
先講後防，李奧於失球當中選擇用腳解圍而非利用身體向對方施壓，令對方輕鬆迎頂，係要負最大責任既一個，其二就係艾夫華同卡華利2個人都 mark 唔實史杜列治，另外後防先後幾次交出醫院波比迪基亞造成極其驚險場面，維迪作為隊長並冇表現出曼聯隊長打不死、唔服輸既精神，更加係曼聯可悲之處，自堅尼離開後，最有呢種精神既就係C朗；中堅出身既鐘斯喺右路進攻真係幫唔到手，傳中質素差，及後傷出由華倫西亞代替，作為右閘替工表現唔錯；艾夫華仍然打出應有水平，莫耶斯要買班尼斯係唔係明智之舉？相信大家心中有數！曼聯排出4人中場 (左至右)：楊格、卡域克、卡華利、傑斯，事實亦證明莫耶斯對傑斯及楊格既信任係錯誤，以傑斯39歲高齡球員出任體力化大戰正選，係必然既錯誤，不論傑斯技術幾好，身體狀況係唔容許佢係雙方體能充足既情況比賽，但傑斯作為職業球員以至曼聯傳奇，著得起波衫就必須交出表現，係唔能夠用高齡作為冇表現既解釋，只能講佢打右路係唔適應致表現低於水準，筆者認為莫耶斯應該比傑斯退居後備及教練組，否則佢只係同費Sir 一樣盲目信任老將；楊格？成場波既攻勢成日斷喺佢同韋碧克腳下，正如筆者之前其他文章所講，楊格係廢版蘭尼，冇技術冇突破，賣左佢吧啦！
對於中場中路拍檔卡域克同卡華利，今場表現更加令筆者眼前一亮，上半場傑斯有一下喺3閘線左右向前傳波比前鋒，筆者所見既中場中路係空，完全唔見有人係中路插上前，當然呢球只係印象中抽出黎講，實際場面係傑斯策動攻勢定解圍已經模糊，有人記得請指正，但另一球波由李奧斬波上前場，實屬令筆者印象深刻，當時李奧有足夠時間傳波，鏡頭一轉之下中場大遍地方都係對方球員，實在諗唔到呢個情況會喺曼聯出現。
一如第一場情況，曼聯中後場球員基於技術既限制，並唔能夠於前場壓迫下擺脫對手，解圍後中場唔能夠突圍而出或控穩，後衛漫無目的既解圍令控球權長期於對手之中，班攻擊球員亦唔能夠利用跑動制造傳波目標比中場球員，以至雲佩斯缺乏供應遠離龍門回後拎波失去其威脅，望住空空如也既中場更加踢到躁底，韋碧克依舊賣弄腳法中斷攻勢，場面難睇仍正常不過之事。
今場波小豆同蘭尼都傷癒復出，證明莫耶斯並冇睇輕佢哋2個，小豆既靈活跑位現身製造出空間傳出直線比雲佩斯完成具威脅攻勢，蘭尼以個人能力擺脫出空位而炮製一下炮彈式遠射，小豆同蘭尼既出場為曼聯帶黎左生氣活力，相信會成為莫耶斯黎緊既重要棋子。
曼聯如今既問題十分明顯，就係筆者之前提過幾次提過既曼聯中後場技術欠佳唔能夠應付緊迫，導致曼聯長期失去控球權、中場中路活力、創造力、防守能力不足，中場線同前鋒線距離太大，斷波機會大增、以及前線既跑位唔能夠製造接波空位、兩翼突破能力不足，要改善表現必須適應技術型球隊既前場壓迫去對抗，以及前場提高跑動距離創造接波空位，否則只能打穩守反擊，但喺缺少史高斯精準長傳及兩翼轉移下，反擊威脅會下降唔少，如今3場過後已有媒體拎返費Sir出黎，對於莫耶斯，下場對水晶宮既壓力肯定大過對車路士果時，大家就睇下佢會唔會棄用傑斯、楊格，喺仲有一日既轉會日買人，以及針對陣容問題所在喺戰術上作出微調。
「誰離開並不重要，曼聯這個名字永遠不會變。」── 費格遜
曼聯開季踢左3場，賽果先甜後苦，勝和負各一，面對史雲斯只能針對己隊弱點放棄控球憑住球員個人質素醜陋地羸波；面對車仔專注防守看似佔上風但只能 0:0 悶和；面對宿敵利物浦完全凸顯出曼聯既不濟同缺點。筆者認為雖然現今仍屬季初，而曼聯傳統亦在季中上力，但如果及後曼聯仍然踢出低於或稍微高於呢3場既平均水平，曼聯排名被利物浦超越恐怕會成為事實，畢竟利物浦連續3場一球小勝，以防守優勝甚有冠軍球隊既風範 (註：非長他人志氣既說話)。
打後講呢3場波，篇幅主要都係講利物浦對曼聯，印象深刻呀嘛... 而早2場既都係憑印象寫，有錯唔好見怪。
曼聯對史雲斯雖然大炒 4:1，但從比賽場面睇，曼聯係比球員質素較差既史雲斯控住個波黎踢，後防不時出現驚險場面，解圍失誤，中後場奪取控球權後未能hold波創造反擊機會及被對方壓迫反搶，令曼聯曾經一段時間被壓住攻，兩翼於陣地戰突破欠奉，令曼聯一如上季折翼；而曼聯所入既第1球同第3球，都係比較依靠雲佩斯個人能力入波，所入既第2球就係捉住瞬間消失既第二波攻勢傳中攻門，第4球捉住史雲斯防線鬆懈錦上添花，從賽事中凸顯曼聯中後場技術欠佳，喺面對對方前線壓迫往往只能急急腳傳波 (對利物浦如是)，後防解圍並唔係比自己友而係盲目向前踢，被對方不斷施壓，呢個就係曼聯既先天缺陷。第2場面對同史雲斯唔同打法既車路士，摩連奴亦將比賽場面控制於被動，同時朗尼都打足90分鐘，老實講3點鐘睇呢場波真係悶到差啲訓，但筆者留意到既係，當曼聯中場受到既壓力細，表現會較好，處理個波亦較決斷，由此可見曼聯中場並唔能夠應付對方球員壓迫；由於朗尼居於前場中路，分擔左卡域克同卡華利進攻同防守既工作，藉住本身既大局觀同活力，儘管狀態未足但仍成為曼聯 key man，儘管受到轉會風波影響，於現今曼聯陣中，佢仍然係好重要，基於朗尼技術唔幼細，於前線不足以護波及擺脫對手，而具有 teamwork 意識、防守意識、大局觀、遠射功底、不俗既射術，筆者仍然認為佢最適合既最初喺曼聯既位置：中鋒身後，呢個位唔單止有較大活動空間，比朗尼面對龍門方向，更可以利用佢既優點彌補曼聯部分先天缺陷，呢場波朗尼既存在就係一個證明。
筆者今季睇左利物浦開咧戰，班球員已經唔再好似以前咁一味大腳，打法轉為現今流行既地面進攻，呢班中前場球員既質素明顯好過史雲斯，技術比古治既年代好，加上連維拉都入唔到佢哋波，可見防守能力提升左唔少。對住死敵，筆者本以為曼聯球員會好專注，但可惜第3分鐘既角球就走溜史杜列治被攻入致勝球，曼聯近季經常失兩邊既高空波，而今場再一次係大賽犯下同樣錯誤，實屬不妥，專注防守係奪冠其中一項重要指標，曼聯代表作係07球季，而季初既利物浦就比到筆者些少呢種感覺，若果能保持穩定狀態應能重新成為爭冠份子，相反今場波曼聯就踢到成篤屎咁毫無生氣。
先講後防，李奧於失球當中選擇用腳解圍而非利用身體向對方施壓，令對方輕鬆迎頂，係要負最大責任既一個，其二就係艾夫華同卡華利2個人都 mark 唔實史杜列治，另外後防先後幾次交出醫院波比迪基亞造成極其驚險場面，維迪作為隊長並冇表現出曼聯隊長打不死、唔服輸既精神，更加係曼聯可悲之處，自堅尼離開後，最有呢種精神既就係C朗；中堅出身既鐘斯喺右路進攻真係幫唔到手，傳中質素差，及後傷出由華倫西亞代替，作為右閘替工表現唔錯；艾夫華仍然打出應有水平，莫耶斯要買班尼斯係唔係明智之舉？相信大家心中有數！曼聯排出4人中場 (左至右)：楊格、卡域克、卡華利、傑斯，事實亦證明莫耶斯對傑斯及楊格既信任係錯誤，以傑斯39歲高齡球員出任體力化大戰正選，係必然既錯誤，不論傑斯技術幾好，身體狀況係唔容許佢係雙方體能充足既情況比賽，但傑斯作為職業球員以至曼聯傳奇，著得起波衫就必須交出表現，係唔能夠用高齡作為冇表現既解釋，只能講佢打右路係唔適應致表現低於水準，筆者認為莫耶斯應該比傑斯退居後備及教練組，否則佢只係同費Sir 一樣盲目信任老將；楊格？成場波既攻勢成日斷喺佢同韋碧克腳下，正如筆者之前其他文章所講，楊格係廢版蘭尼，冇技術冇突破，賣左佢吧啦！
對於中場中路拍檔卡域克同卡華利，今場表現更加令筆者眼前一亮，上半場傑斯有一下喺3閘線左右向前傳波比前鋒，筆者所見既中場中路係空，完全唔見有人係中路插上前，當然呢球只係印象中抽出黎講，實際場面係傑斯策動攻勢定解圍已經模糊，有人記得請指正，但另一球波由李奧斬波上前場，實屬令筆者印象深刻，當時李奧有足夠時間傳波，鏡頭一轉之下中場大遍地方都係對方球員，實在諗唔到呢個情況會喺曼聯出現。
一如第一場情況，曼聯中後場球員基於技術既限制，並唔能夠於前場壓迫下擺脫對手，解圍後中場唔能夠突圍而出或控穩，後衛漫無目的既解圍令控球權長期於對手之中，班攻擊球員亦唔能夠利用跑動制造傳波目標比中場球員，以至雲佩斯缺乏供應遠離龍門回後拎波失去其威脅，望住空空如也既中場更加踢到躁底，韋碧克依舊賣弄腳法中斷攻勢，場面難睇仍正常不過之事。
今場波小豆同蘭尼都傷癒復出，證明莫耶斯並冇睇輕佢哋2個，小豆既靈活跑位現身製造出空間傳出直線比雲佩斯完成具威脅攻勢，蘭尼以個人能力擺脫出空位而炮製一下炮彈式遠射，小豆同蘭尼既出場為曼聯帶黎左生氣活力，相信會成為莫耶斯黎緊既重要棋子。
曼聯如今既問題十分明顯，就係筆者之前提過幾次提過既曼聯中後場技術欠佳唔能夠應付緊迫，導致曼聯長期失去控球權、中場中路活力、創造力、防守能力不足，中場線同前鋒線距離太大，斷波機會大增、以及前線既跑位唔能夠製造接波空位、兩翼突破能力不足，要改善表現必須適應技術型球隊既前場壓迫去對抗，以及前場提高跑動距離創造接波空位，否則只能打穩守反擊，但喺缺少史高斯精準長傳及兩翼轉移下，反擊威脅會下降唔少，如今3場過後已有媒體拎返費Sir出黎，對於莫耶斯，下場對水晶宮既壓力肯定大過對車路士果時，大家就睇下佢會唔會棄用傑斯、楊格，喺仲有一日既轉會日買人，以及針對陣容問題所在喺戰術上作出微調。
「誰離開並不重要，曼聯這個名字永遠不會變。」── 費格遜
請按此登錄後留言。未成為會員? 立即註冊