睇文之前，同大家講聲，本專欄Icon將會由一個足球改為筆者最喜愛既現役門將—西維爾既比圖，希望大家唔好見怪~
傳媒既鎂光燈，又或者球迷既話題，每每都會落喺星級球員或者係星味較濃既球員身上，但係其實每一隊球隊入面，都有一啲默默耕耘既新球員，雖然佢地有著唔錯既表現，但係佢地可能因為星味問題、或鋒芒被隊友蓋過而得唔到應有既讚賞，若然球隊冇左佢地既話，未必會有如今既表現。筆者唔敢講佢地被人遺忘，但佢地絕對係「冇功都有勞」。我地睇睇五位今季未受應有稱讚既英超球隊功臣：
1. 艾斯派古達
車路士陣中球星如雲，但要講狀態最穩定既球員既話，艾斯派古達必定榜上有名。作為芸芸被低估既西班牙球員之一，可以接連將艾殊利高爾同菲臘比路爾斯趕上後備席既艾斯派古達努力用表現證明自己。佢未必有右閘伊雲奴域既進攻能力，但防守方面絕對係過之而無不及。
相比世界級左閘，如拜仁既阿拿巴、巴塞既佐迪艾巴同皇馬既馬些路，艾斯派古達不論喺場均攔斷傳球(2.11)、阻擋射門(0.39)、成功攔截(2.50)同解圍次數(3.86)都領先其餘三位。車路士今季能夠奪得雙冠，絕對有賴艾斯派古達喺防守上既貢獻。
2. 奧斯賓拿
近幾年，雲加都將阿仙奴既門將位置交俾施捷斯尼，但施捷斯尼狀態飄忽，有時會有輕出既問題，因此，雲加於上個夏天簽入哥倫比亞國門奧斯賓拿，希望施捷斯尼喺競爭可以得以成長。最後奧斯賓拿更成功搶去施捷斯尼既正選位置，施捷斯尼正選上陣過十七場英超，失左廿五球，勝率更不足五成；相反奧斯賓拿上位後，英超十四場贏足十二場，當中不乏精彩撲救。
相比其他英超頂級門將，例如迪基亞、古圖斯、羅利斯同祖赫特，奧斯賓拿喺不失球比率、場均失球、撲救入球比率、打手鎚同接球呢五項數據中都係位於前兩名內，證明表現不亞於其他已成名既優秀門將。
3. 占士米拿
占士米拿係曼城既通天老倌，佢曾經出現過喺中場中、左右中場，甚至右閘既位置上，因此佢係少數曼城受注資後仍然可以生存既英格蘭球員。占士米拿冇施華既技術、冇耶耶托尼既入球功力、亦冇拿華斯既速度，咁佢憑咩可以佔曼城陣中一席位呢？答案就係佢既跑動。
呢位前阿士東維拉球員彷彿有跑唔完既氣力咁，俾人有一種將勤補拙既感覺。雖然如此，並唔代表佢既武器庫空空如也，占士米拿有唔錯既傳中同長傳能力，可以將皮球交俾有利位置上既隊友。
呢位英格蘭國腳喺今季曼城因耶耶托尼缺陣而狀態不穩時企出黎，代表作有聯賽主場對侯城時喺最後階段射入既罰球，幫球隊逼和1:1，執番一分。雖然占士米拿通常都要擔任後備兵，但係佢上到場既表現絕不失禮，三入球六助攻既表現據聞令曼城有意同呢位合約快將到期既中場續約。
4. 史摩寧
當執掌曼聯時，雲高爾手上既球員上季造就左曼聯英超史上最差成績，外界相信雲高爾會進行大清洗，其中一位相傳會被賣既球員就係史摩寧。雖然史摩寧最後得以留低，但佢上半季既表現仲係一塌糊塗，包括喺曼市打比中剷跌占士米拿後被罰離場。
不過史摩寧既補救機會喺下半季出現，伊雲斯被罰停賽後，史摩寧把握機會喺連場激戰中踢出好表現：曼聯於三、四月先後對上熱刺、利物浦同曼城等強隊，喺呢三場聯賽入面，史摩寧都係曼聯中堅位置上既正選，為曼聯搶得重要既九分，為來屆重返歐聯鋪路。雖然作客史丹褔橋見負，但該場佢既表現一樣讓球迷們感到鼓舞。
今季對史摩寧黎講，其中一個好消息就係佢可以離開右閘既位置，補上前隊長維迪離去後留下既中堅空缺，若然史摩寧繼續進步既話，佢絕對可以成為曼聯既後防核心。
5. 軒達臣
2011年時，利物浦從新特蘭引入軒達臣，之後軒達臣因未能於自己熟悉既位置上上陣，導致表現平平。自然地，當羅渣士出任利物浦領隊後，佢容許軒達臣轉投富咸，但軒達臣卻留守陣中，爭取屬於自己既正選位置。
果然，軒達臣喺羅渣士任內逐年進步，開始成為隊中不可或缺既一員，最後更成為利物浦既副隊長。今季利物浦喺蘇亞雷斯轉投巴塞隆拿後成績大倒退，但係軒達臣卻仍然有進步，亦係陣中少數能夠保持狀態既球員。佢既跑動繼續增加，而佢既位置多樣性亦能大大舒緩羅渣士面對傷兵問題下既壓力。
要數軒達臣進步最多既地方，就必定要數佢既入波同助攻：今季至今軒達臣喺各項賽事已射入七球同交出十三個助攻，當中助攻數比上年多出接近一倍。(上季佢錄得五入球、六助攻)
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
大家睇左延伸閱讀既文未？未就快啲睇下喇，多謝支持~
原文,經編輯
傳媒既鎂光燈，又或者球迷既話題，每每都會落喺星級球員或者係星味較濃既球員身上，但係其實每一隊球隊入面，都有一啲默默耕耘既新球員，雖然佢地有著唔錯既表現，但係佢地可能因為星味問題、或鋒芒被隊友蓋過而得唔到應有既讚賞，若然球隊冇左佢地既話，未必會有如今既表現。筆者唔敢講佢地被人遺忘，但佢地絕對係「冇功都有勞」。我地睇睇五位今季未受應有稱讚既英超球隊功臣：
1. 艾斯派古達
車路士陣中球星如雲，但要講狀態最穩定既球員既話，艾斯派古達必定榜上有名。作為芸芸被低估既西班牙球員之一，可以接連將艾殊利高爾同菲臘比路爾斯趕上後備席既艾斯派古達努力用表現證明自己。佢未必有右閘伊雲奴域既進攻能力，但防守方面絕對係過之而無不及。
相比世界級左閘，如拜仁既阿拿巴、巴塞既佐迪艾巴同皇馬既馬些路，艾斯派古達不論喺場均攔斷傳球(2.11)、阻擋射門(0.39)、成功攔截(2.50)同解圍次數(3.86)都領先其餘三位。車路士今季能夠奪得雙冠，絕對有賴艾斯派古達喺防守上既貢獻。
2. 奧斯賓拿
近幾年，雲加都將阿仙奴既門將位置交俾施捷斯尼，但施捷斯尼狀態飄忽，有時會有輕出既問題，因此，雲加於上個夏天簽入哥倫比亞國門奧斯賓拿，希望施捷斯尼喺競爭可以得以成長。最後奧斯賓拿更成功搶去施捷斯尼既正選位置，施捷斯尼正選上陣過十七場英超，失左廿五球，勝率更不足五成；相反奧斯賓拿上位後，英超十四場贏足十二場，當中不乏精彩撲救。
相比其他英超頂級門將，例如迪基亞、古圖斯、羅利斯同祖赫特，奧斯賓拿喺不失球比率、場均失球、撲救入球比率、打手鎚同接球呢五項數據中都係位於前兩名內，證明表現不亞於其他已成名既優秀門將。
3. 占士米拿
占士米拿係曼城既通天老倌，佢曾經出現過喺中場中、左右中場，甚至右閘既位置上，因此佢係少數曼城受注資後仍然可以生存既英格蘭球員。占士米拿冇施華既技術、冇耶耶托尼既入球功力、亦冇拿華斯既速度，咁佢憑咩可以佔曼城陣中一席位呢？答案就係佢既跑動。
呢位前阿士東維拉球員彷彿有跑唔完既氣力咁，俾人有一種將勤補拙既感覺。雖然如此，並唔代表佢既武器庫空空如也，占士米拿有唔錯既傳中同長傳能力，可以將皮球交俾有利位置上既隊友。
呢位英格蘭國腳喺今季曼城因耶耶托尼缺陣而狀態不穩時企出黎，代表作有聯賽主場對侯城時喺最後階段射入既罰球，幫球隊逼和1:1，執番一分。雖然占士米拿通常都要擔任後備兵，但係佢上到場既表現絕不失禮，三入球六助攻既表現據聞令曼城有意同呢位合約快將到期既中場續約。
4. 史摩寧
當執掌曼聯時，雲高爾手上既球員上季造就左曼聯英超史上最差成績，外界相信雲高爾會進行大清洗，其中一位相傳會被賣既球員就係史摩寧。雖然史摩寧最後得以留低，但佢上半季既表現仲係一塌糊塗，包括喺曼市打比中剷跌占士米拿後被罰離場。
不過史摩寧既補救機會喺下半季出現，伊雲斯被罰停賽後，史摩寧把握機會喺連場激戰中踢出好表現：曼聯於三、四月先後對上熱刺、利物浦同曼城等強隊，喺呢三場聯賽入面，史摩寧都係曼聯中堅位置上既正選，為曼聯搶得重要既九分，為來屆重返歐聯鋪路。雖然作客史丹褔橋見負，但該場佢既表現一樣讓球迷們感到鼓舞。
今季對史摩寧黎講，其中一個好消息就係佢可以離開右閘既位置，補上前隊長維迪離去後留下既中堅空缺，若然史摩寧繼續進步既話，佢絕對可以成為曼聯既後防核心。
5. 軒達臣
2011年時，利物浦從新特蘭引入軒達臣，之後軒達臣因未能於自己熟悉既位置上上陣，導致表現平平。自然地，當羅渣士出任利物浦領隊後，佢容許軒達臣轉投富咸，但軒達臣卻留守陣中，爭取屬於自己既正選位置。
果然，軒達臣喺羅渣士任內逐年進步，開始成為隊中不可或缺既一員，最後更成為利物浦既副隊長。今季利物浦喺蘇亞雷斯轉投巴塞隆拿後成績大倒退，但係軒達臣卻仍然有進步，亦係陣中少數能夠保持狀態既球員。佢既跑動繼續增加，而佢既位置多樣性亦能大大舒緩羅渣士面對傷兵問題下既壓力。
要數軒達臣進步最多既地方，就必定要數佢既入波同助攻：今季至今軒達臣喺各項賽事已射入七球同交出十三個助攻，當中助攻數比上年多出接近一倍。(上季佢錄得五入球、六助攻)
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
大家睇左延伸閱讀既文未？未就快啲睇下喇，多謝支持~
原文,經編輯
請按此登錄後留言。未成為會員? 立即註冊