朗拿甸奴選出佢既歐聯夢幻隊!

隨心寫足球 於 06/03/2015 發表 收藏文章
朗拿甸奴無疑係足球場上球技最嫻熟的球員之一,佢喺歐洲足壇發亮了多年,臉上一直保持住享受足球既笑容。他在巴塞羅那得到既榮譽包括於2006年既歐洲冠軍聯賽冠軍獎杯,此外,佢亦幫巴塞塑造左一支世界上最好既球隊。呢位巴西中場和前金球獎得主,亦同過地球上最優秀的球星較量過,佢最近選出左自己的歐聯夢幻隊,名單如下

守門員
保方
雖然朗拿甸奴從未於保方在同一支球隊效力過,但數據說明左保方既傳奇程度: 佢拎過世界盃同意甲等錦標,於歐戰賽場上陣過135次,係世上最強門將之一。

朗拿甸奴話:在我的時代,球壇有一啲好好既門將,而保方係當中小數能一直踢得好,有穩定狀態既門將。大多數門將有時候狀態會下降,但保方一直處於十分高既水平。

後衛
卡富
巴西後衛卡富於右閂位置上創下左一個佢既時代,佢於側翼既貢獻為巴西嬴得2002年世界盃。在意大利球會羅馬與和AC米蘭效力期間,卡富將佢既的攻擊天性帶往歐洲,最後他成功奪取了2007年歐聯冠軍。

朗拿甸奴話:你若然唔係一個特別既球員,你冇可能成為巴西歷史上出場次數最多的球員。當他終於與AC米蘭贏得了歐聯,我好高興,最好的右後衛一定要嬴到球會層面上最大既榮譽。

泰利
泰利係車路士後防十多年的中流砥柱,於歐戰上同過巴塞羅那有過激戰既佢,最後成功奪取2012年歐聯冠軍,並與車仔嬴得唔少本土冠軍。

朗拿甸奴話:我地(巴塞羅那)同車路士於歐聯踢過一啲大戰,我睇到點解泰利對車仔咁重要,同佢對壘非常艱難,而佢亦係一個夢幻般的領導者,係唔少球隊都需要既嗰種人。

馬甸尼
另外一個球會既標誌,馬甸尼喺佢嗰閃閃發光既24年職業生涯中與米蘭贏左26個獎杯。佢係一個典型的快速,優雅既意大利後衛,佢持有歐聯決賽有史以來最快入球紀錄(2005年對利物浦時用左50秒就入波),仲有五個歐洲球會盃賽既冠軍獎牌(1989年,1990年,1994年,2003年和2007年),係一個令人羨慕既成績。

朗拿甸奴話:佢係歐聯歷史上最好的後衛之一,佢如此令人印象深刻既原因係:當佢持球在腳,佢睇起黎並唔似一名後衛,但似一個優雅的中場球員。

卡路士
同卡富一樣,卡路士都係一個將巴西式閂位進攻帶去歐洲既傳奇後衛。佢同皇家馬德里拎左1998年,2000年同2002年既歐聯冠軍,是一個真正既銀河艦隊戰士。卡路士兇猛的左腳令佢喺161埸歐洲賽事斬獲三球。

朗拿甸奴話:他有射罰球既能力,令任何一支球隊都想要佢。佢除左係一個擅於射罰球既球員之外,仲係一倨最強既左後衛,對皇馬嬴得歐聯十分重要。

中場
馬基列尼
馬基列尼係世上最佳防守中場之一,雖然佢身高只有170CM,但佢做防守工作時絕不手軟。而佢亦嬴得一次歐聯冠軍,其後摩連奴將佢由皇馬帶去車仔,馬基列尼亦為車仔帶黎成功。
朗拿甸奴話:後衛們知道馬基列尼喺佢地身前做保護既話,佢地會感到安全,同樣進攻球員們知道馬基列尼喺佢地身後做防守既話,佢地亦會安心進攻。對我黎講,佢係我所見過做保護防守工作最好既球員,你從來冇見過他打過一場糟糕既比賽。

林柏特
在過去的十年中,林柏特一直係入球中場既模範,林柏特不停前插既踢法係車路士一股有力既進攻力量,最後佢喺2012年嬴得歐聯,呢位英格蘭國腳在106場歐聯中射入23球。

朗拿甸奴話:我同列卡特講,我地(巴塞羅那)應該簽佢返黎,但林柏特並唔想離開車路士。我亦相信車路士唔會俾佢走,嗰時佢係歐洲最佳球員之一,佢既中場球員入球紀錄令我印象深刻。

卡卡
當朗拿甸奴在2008年離開巴塞轉投AC米蘭,佢同佢既巴西同胞,金球獎得主卡卡成為隊友。雖然卡卡轉會皇馬後並冇太亮眼既表現,但卡卡於AC米蘭所踢出既美麗足球,同佢為AC米蘭帶黎既貢獻已足夠令佢成為頂級球員。

朗拿甸奴話:卡卡於皇馬冇踢出球迷期待既表現,但我地唔可以忘記佢喺AC米蘭既表現,當時既佢係真正既卡卡,有兩三季佢係世上最佳球員,無野佢係做唔到既。

前鋒
亨利
亨利結合左優雅,速度同入球觸覺,2006年佢帶領阿仙奴走到歐聯既決賽,同冠軍只有一步之遙。最後佢轉往巴塞羅那,並於2009年圓夢,高舉歐聯獎盃。

朗拿甸奴話:佢係一位同我喺巴塞羅那合作過既好友,我地其後仲差啲有機會喺紐約踢波。佢係一個後衛既惡夢,佢不單有速度,仲有技術同身體質素。

美斯
美斯係巴塞既天之驕子,為巴塞嬴過三次歐聯(2006,2009,2011),佢仲嬴過三次國際足總金球獎,而且保持住大量既紀錄。

朗拿甸奴話:我已嬴得一切,我冇可能再有任何目標,但係我真係好希望可以同美斯喺巴塞合作得耐啲,我諗唔到字去形容佢,佢隻腳就好似有魔法咁。

朗拿度
朗拿度亦係只上最佳球員之一,佢效力巴塞,皇馬,國米同巴西時將佢既實力表露無遺,係最有殺傷力既前鋒之一,佢喺93場歐賽中射入49球,只可惜未能嬴得歐聯冠軍。

朗拿甸奴話:佢係我既偶像,最後我成功同佢一齊舉起世界盃冠軍。佢係我見過最全能既前鋒,我都唔敢相信佢未嬴過歐聯。



好文推介:英國球場的古與今小測驗,你猜得對嗎?

若然你鐘意「隨心寫足球」,不妨讚好本版facebook專頁,本版會為大家繼續送上好文:https://www.facebook.com/footballvoicehk

原文,經編輯


如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • 1.75
    1.75 於 07/03/2015 評論 NO. 1

    朗拿甸奴話:他有射罰球既能力,令任何一支球隊都想要佢。佢除左係一個擅於射罰球既球員之外,仲係一''倨''最強既左後衛,對皇馬嬴得歐聯十分重要。

    又打錯字了
    BTW 呢個433應該由邊個做隊長呢?

  • vv11716
    vv11716 於 07/03/2015 評論 NO. 2

    卡卡轉施丹

  • die918
    die918 於 08/03/2015 評論 NO. 3

    個陣同以前打winning一樣!

  • FG
    FG 於 08/03/2015 評論 NO. 4

    我都覺得美斯應該換細哨

  • tinchi3721
    tinchi3721 於 10/03/2015 評論 NO. 5

    佢自己唔在陣中算咩最強

快捷鍵:←
快捷鍵:→