現時大部份既球會都會非常注重佢地既青訓工作，對於一啲大球會黎講，青訓可以為佢地帶黎明日之星，而呢啲明日之星不單可以帶黎實力上既提升，仲係報歐聯名單時既珍寶，因為每隊25人陣容中一定要有4人來自球隊青訓；對於中小型球會黎講，優質青訓球員除左可以帶黎實力提升外，球會亦可以透過佢地賣得大量金錢，係球會收入一大來源。我地今日一齊睇睇2012年以黎，透過賣青訓球員賺得最多錢既十間歐洲球會，當中有豪門，更有不少中型班。
10.聖伊天
大家未必會好熟法甲既聖伊天，更加未必知究竟球壇有邊位球員係屬於聖伊天既青訓產品。但係其實聖伊天透過出售自家青訓產品賺唔少，由2012年7月至今已淨賺3280萬歐元，當中轉會球員包括現被馬體會借往德甲禾夫斯堡既防守中場古拿禾古(上圖)、拿坡里阿爾及利亞後衛高林，仲有近排極速上位既車路士中堅蘇馬(下圖)等等。
9. 蒙彼利埃
唔知讀者們會唔會對蒙坡利埃呢個名更為熟悉，與聖伊天同為法甲球會既佢地係11-12賽季既法甲冠軍，「神鋒」基奧特轉投阿仙奴以前就係效力蒙彼利埃(不過佢唔係青訓)。蒙坡利埃自12年7月起，透過賣出青訓球員賺得3350萬歐元，賣走過既青訓球員例子有：效力紐卡素既卡比拿(上圖)同羅馬既後衛恩加麥比華等。(下圖)
8. 雷恩
法甲睇黎係一個大量出產優秀年輕球員既地方，因為第八位得主亦係屬於法甲，今次係雷恩。雷恩只係以3360萬歐元既轉會收入稍稍壓過蒙彼利埃既3350萬歐元獲得第八，當中球員包括以往盛傳會加盟阿仙奴，現效力俄國魯賓卡山既馬維拿(上圖)，同埋波圖前鋒巴謙美等等(下圖)。
7. 巴塞隆拿講左三隊中型班，終於有一隊豪門出現，佢就係巴塞隆拿。巴塞既青訓學苑有幾高質素相信大家都知，產品包括美斯、巴斯基斯同佩奧爾等。但原來巴塞都喺賣走青訓球員中賺唔少，某程度上係因為巴塞一隊太人材濟濟，球員冇位踢下只好選擇離隊他投。自12年7月起，巴塞以因售出青訓球員賺得3880萬歐元，例子包括拜仁中場堤亞高艾簡達華(上圖)、保贊(下圖)同杜斯山度士。
6. 皇家馬德里
皇家馬德里可能俾人既感覺係金錢足球，但心水清既球迷都知其實皇馬青訓產品既質素絕對唔會輸俾巴塞隆拿，有唔少離隊後既青訓產品都可以成為別隊既正選球員。皇馬兩年幾以黎已經於出售青訓產品中袋左4300萬歐元落袋。離隊既青訓球員有：拿坡里既卡利祖(上圖)、曾轉投利華古遜後回歸皇馬既卡華積(下圖)同埋祖雲達斯既莫拉達等。
5. 多蒙特
第五位既係今季於德甲表現失色既蜜蜂兵團多蒙特，佢地自12年7月開始至今喺自家青訓既球員身上賺得4350萬歐元，呢個數目好似好大咁，但其實絕大部份都係透過出售古沙(上圖)獲得，古沙轉投拜仁幕尼黑既轉會費高達3700萬歐元，佔左總數既八成半。除左古沙之後，其他離隊他投既小蜜蜂包括加拉塔沙雷中堅古達同史特加前鋒堅錫(下圖)等。
4. 西維爾
西維爾一直以黎喺西甲既成績都唔錯，上年仲係歐霸盃冠軍，相信各位讀者對佢地都唔陌生，但問到佢地既青訓產品，唔知各位讀書又講唔講得出呢？近年西維爾透過賣青訓產品都賺唔少，兩年幾以黎佢地賺到5150萬歐元，當中球員包括有曼城右翼捷西斯拿華斯，被利物浦借往馬拉加既艾拔圖(上圖)，以及留喺利物浦陣中既摩蘭奴。
3. 皇家蘇斯達
講起皇家蘇斯達，大家可能就會即刻聯想起莫耶斯，但其實佢地賺錢能力都唔差，佢地自12年7月起已經以出售青訓產品為自己帶黎6220萬歐元既收入，佢地主要係透過賣球員去西甲大球會去賺錢，例如將基沙文(上圖)賣去馬體會同埋將伊拿拉文迪(下圖)賣去皇家馬德里。
2. 里爾
里爾為歐洲各隊球會輸送左幾位佢地既優質青訓球員，換黎既就係一筆又一筆既金錢，12年7月到而家為止佢地已經賺得7600萬歐元。佢地既優質青訓球員相信大家都耳熟能詳，包括車路士中場夏薩特、阿仙奴右閘迪布治(上圖)同被利物浦重新借回里爾既比利時前鋒奧歷治(下圖)等等。
1. 修咸頓
英超球隊終於爭返一回氣，仲要排喺第一位。修咸頓青訓既出色眾人皆知，不時都有球會喺修咸頓身上尋寶成功：熱刺於修咸頓發掘到加里夫巴爾，並將佢帶走就係一個好例子。上季修咸頓表現唔錯，當然又再次引發一陣淘金熱，各隊都嘗試想喺修咸頓身上分一杯羹，而拆骨加上「英人身價加倍效應」，令修咸頓成功於兩年幾入面合共透過出售青訓產品賺得9020萬歐元。例子包括阿仙奴既張伯斯(上圖)、利物浦既拉蘭拿(下圖)同曼聯既梳爾。
好文推介:利物浦爭逐前四的發電機—古天奴
好文推介:英國球場的古與今小測驗，你猜得對嗎?
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
原文,經編輯
10.聖伊天
大家未必會好熟法甲既聖伊天，更加未必知究竟球壇有邊位球員係屬於聖伊天既青訓產品。但係其實聖伊天透過出售自家青訓產品賺唔少，由2012年7月至今已淨賺3280萬歐元，當中轉會球員包括現被馬體會借往德甲禾夫斯堡既防守中場古拿禾古(上圖)、拿坡里阿爾及利亞後衛高林，仲有近排極速上位既車路士中堅蘇馬(下圖)等等。
9. 蒙彼利埃
唔知讀者們會唔會對蒙坡利埃呢個名更為熟悉，與聖伊天同為法甲球會既佢地係11-12賽季既法甲冠軍，「神鋒」基奧特轉投阿仙奴以前就係效力蒙彼利埃(不過佢唔係青訓)。蒙坡利埃自12年7月起，透過賣出青訓球員賺得3350萬歐元，賣走過既青訓球員例子有：效力紐卡素既卡比拿(上圖)同羅馬既後衛恩加麥比華等。(下圖)
8. 雷恩
法甲睇黎係一個大量出產優秀年輕球員既地方，因為第八位得主亦係屬於法甲，今次係雷恩。雷恩只係以3360萬歐元既轉會收入稍稍壓過蒙彼利埃既3350萬歐元獲得第八，當中球員包括以往盛傳會加盟阿仙奴，現效力俄國魯賓卡山既馬維拿(上圖)，同埋波圖前鋒巴謙美等等(下圖)。
7. 巴塞隆拿講左三隊中型班，終於有一隊豪門出現，佢就係巴塞隆拿。巴塞既青訓學苑有幾高質素相信大家都知，產品包括美斯、巴斯基斯同佩奧爾等。但原來巴塞都喺賣走青訓球員中賺唔少，某程度上係因為巴塞一隊太人材濟濟，球員冇位踢下只好選擇離隊他投。自12年7月起，巴塞以因售出青訓球員賺得3880萬歐元，例子包括拜仁中場堤亞高艾簡達華(上圖)、保贊(下圖)同杜斯山度士。
6. 皇家馬德里
皇家馬德里可能俾人既感覺係金錢足球，但心水清既球迷都知其實皇馬青訓產品既質素絕對唔會輸俾巴塞隆拿，有唔少離隊後既青訓產品都可以成為別隊既正選球員。皇馬兩年幾以黎已經於出售青訓產品中袋左4300萬歐元落袋。離隊既青訓球員有：拿坡里既卡利祖(上圖)、曾轉投利華古遜後回歸皇馬既卡華積(下圖)同埋祖雲達斯既莫拉達等。
5. 多蒙特
第五位既係今季於德甲表現失色既蜜蜂兵團多蒙特，佢地自12年7月開始至今喺自家青訓既球員身上賺得4350萬歐元，呢個數目好似好大咁，但其實絕大部份都係透過出售古沙(上圖)獲得，古沙轉投拜仁幕尼黑既轉會費高達3700萬歐元，佔左總數既八成半。除左古沙之後，其他離隊他投既小蜜蜂包括加拉塔沙雷中堅古達同史特加前鋒堅錫(下圖)等。
4. 西維爾
西維爾一直以黎喺西甲既成績都唔錯，上年仲係歐霸盃冠軍，相信各位讀者對佢地都唔陌生，但問到佢地既青訓產品，唔知各位讀書又講唔講得出呢？近年西維爾透過賣青訓產品都賺唔少，兩年幾以黎佢地賺到5150萬歐元，當中球員包括有曼城右翼捷西斯拿華斯，被利物浦借往馬拉加既艾拔圖(上圖)，以及留喺利物浦陣中既摩蘭奴。
3. 皇家蘇斯達
講起皇家蘇斯達，大家可能就會即刻聯想起莫耶斯，但其實佢地賺錢能力都唔差，佢地自12年7月起已經以出售青訓產品為自己帶黎6220萬歐元既收入，佢地主要係透過賣球員去西甲大球會去賺錢，例如將基沙文(上圖)賣去馬體會同埋將伊拿拉文迪(下圖)賣去皇家馬德里。
2. 里爾
里爾為歐洲各隊球會輸送左幾位佢地既優質青訓球員，換黎既就係一筆又一筆既金錢，12年7月到而家為止佢地已經賺得7600萬歐元。佢地既優質青訓球員相信大家都耳熟能詳，包括車路士中場夏薩特、阿仙奴右閘迪布治(上圖)同被利物浦重新借回里爾既比利時前鋒奧歷治(下圖)等等。
1. 修咸頓
英超球隊終於爭返一回氣，仲要排喺第一位。修咸頓青訓既出色眾人皆知，不時都有球會喺修咸頓身上尋寶成功：熱刺於修咸頓發掘到加里夫巴爾，並將佢帶走就係一個好例子。上季修咸頓表現唔錯，當然又再次引發一陣淘金熱，各隊都嘗試想喺修咸頓身上分一杯羹，而拆骨加上「英人身價加倍效應」，令修咸頓成功於兩年幾入面合共透過出售青訓產品賺得9020萬歐元。例子包括阿仙奴既張伯斯(上圖)、利物浦既拉蘭拿(下圖)同曼聯既梳爾。
好文推介:利物浦爭逐前四的發電機—古天奴
好文推介:英國球場的古與今小測驗，你猜得對嗎?
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
原文,經編輯
請按此登錄後留言。未成為會員? 立即註冊