朗尼鮮為人知的六件事

隨心寫足球 於 04/03/2015 發表 收藏文章
朗尼呢一個名,相信所有球迷都一定有聽過,佢係現任既英格蘭國家隊同曼聯既雙料隊長。喺佢效力曼聯既期間,佢拎過好多錦標,例如英超同歐聯等等。除此之外,佢亦射入過唔少靚波,例如對曼城時所射入既嗰一記倒掛金鉤。但係無論一個球員幾出名都好,佢點都會有一啲鮮為人知既有趣事,之前筆者於文章〈你未必知道尼馬的七件事〉提及過尼馬既有趣事,而今次既主角將會係朗尼。

1.朗尼的成星之路由九歲開始
朗尼於九歲既時候,已經開始於球場入面展現佢出色既入球技術,佢為佢地區既青年隊射入過99球,而呢一個入球數字亦都令愛華頓球探開始對佢有興趣,朗尼最後亦都加入左愛華頓既青訓學院,一步一步成為一位天才新星。佢於2002年青年足總杯入面上陣過八場比賽,射入八球,不久之後佢獲召上一隊,參加英超賽事。

2. 佢有一個同為足球員的細佬
朗尼既細佬都係一個足球員,名叫約翰朗尼,今年24歲,效力英格蘭全國聯賽(英格蘭第五級聯賽)既車士打。效力車士打之前,約翰朗尼曾經效力過唔少球隊,例如班士利,仲有美職既紐約紅牛,係亨利既前隊友,可惜佢於唔同球會中既上陣機會唔多,最後落腳於車士打,先至獲得穩定上陣機會。雖然佢哥哥係英格蘭隊長,但佢個人卻透露過希望為愛爾蘭上陣。

3. 佢係英格蘭史上最年輕入球球員
朗尼長久以黎都係英格蘭國家隊既核心,雖然朗尼並未能協助英格蘭於近年國際大賽中取得非常彪炳既成績,但佢既貢獻同功勞絕對係不可抹殺。佢對國家隊既第一個實質貢獻,係發生於2003年九月英格蘭對馬其頓既賽事,當時只有17歲317日既朗尼於比賽中射入左一球,佢不單協助英格蘭以2-1勝出比賽,佢亦成為英格蘭史上最年輕入球球員。

4. 佢係一個天主教徒
朗尼係一個虔誠既天主教徒,而佢既宗教信仰源自佢以往讀過既天主教學校。朗尼既妻子歌蓮同歌蓮既家人同樣都係天主教徒,所以信仰對朗尼黎講非常重要。朗尼話過佢有時賽前會喺物理治療室祈禱,祈求上帝保守佢同其他球員既健康,避免受傷,佢以住亦都有重返佢位於利物浦市既天主教母校參觀,同師生做下交流活動。

5. 佢曾經差點離開足球
一個球員理論上一定會熱愛足球,先至會全力投身於足球事業中,但原來朗尼14歲時,曾經差點離開足球。佢發現自己唔再享受比賽,而有時被逼去做一啲佢自己唔想做既野,亦令到佢開始對足球生厭。不過朗尼與愛華頓前主席夏維傾過計後,就重拾番對足球既熱情,並確認足球就係自己既路,最後佢更為足球放下佢另一個興趣—拳擊。

6. 佢喺為曼聯上陣既處子戰中就大演帽子戲法
朗尼2004年就以2560萬鎊從愛華頓轉投曼聯,對於一個18歲既球員黎講絕對係一筆大數目。加盟一間大球會同埋一筆高昂既轉會費無疑會對一位年輕球員造成一股極大既壓力,可幸既係,年輕既朗尼並未被擊倒。佢於為曼聯登場既處子戰中就射入三球,大演帽子戲法,並且交出助攻,協助球隊於歐聯大勝費倫巴治6-2,亦使朗尼以18歲335日成為歐聯史上最年輕達到帽子戲法既球員。

若然你鐘意「隨心寫足球」,不妨讚好本版facebook專頁,本版會為大家繼續送上好文:https://www.facebook.com/footballvoicehk

原文,經編輯

留言


請按此登錄後留言。未成為會員? 立即註冊
  • CaRr Tang 於 05/03/2015 評論 NO. 1

    雷鈞豪,你食屎啦!

快捷鍵:←
快捷鍵:→