英格蘭足總杯決賽，利物浦繼聯賽杯決賽之後，再次以互射十二碼擊敗車路士奪冠。今場兩隊對抗嘅形勢可謂「你幾拳我幾腳」，過程貝觀賞性。嚟到季尾，眾將經歷接近一季嘅消耗之後，可以俾到嘅表現都差唔多俾晒出嚟。
雙方陣容:
🦁🔴體能狀態
上場比賽之後，利記比車仔有多一日休息調整時間，但上場比賽之中，車仔比賽過程較為輕鬆，消耗較對方少，拉上補下而言兩隊體能狀態相若。
🦁🔴越過壓迫
今場兩隊中場都未能以最佳面貌出戰，法賓奴因傷缺陣之下，軒達臣頂替其防中位置，連同狀態良好嘅基達同堤亞高，表現未有太大影響。車仔兩位中場簡迪同高華錫都係剛剛傷癒復出，正選高華錫連同不善對抗嘅佐真奴，喺互相壓迫對攻嘅情況下比較輸蝕。比賽早段，利記幾次越過對方中場壓迫展開快攻/反擊。迪亞斯於左路送到門前，堤亞高未夠腳長接應，不久之後嘅半單刀機會，迪亞斯射近柱被文迪雙腳封走。
🦁攻打兩翼
早段被利記幾番威過後，車仔企穩陣腳，幾次快攻/反擊攻擊對方兩閘位置效果良好。包括22分鐘，堤亞高施華長傳制造右路占士同曼治面對羅拔臣嘅二打一攻勢，佩利錫射門柱邊出界。27分鐘，占士同曼治串起快攻，經佩利錫轉至左路，阿朗素後上斜插突破阿諾防守，進入禁區埋門只差艾利臣一關。另外，盧卡古今場表現未算亮眼，受制於對方兩位中堅雲迪克以及步大力雄嘅干拿迪。
🔴退下火線
沙拿於33分鐘退下火線，祖達入替沙拿擔任右翼。於陣地戰欠缺長期正選嘅沙拿，球隊組織默契難免下降。車仔上半場中段開始更多收縮防守，利記難以滲入對方禁區。直到完半場前，羅拔臣傳中俾到小禁區前，祖達從查洛巴身後插前射門高出。
🦁勢凶夾狼下半場早段，車仔勢凶夾狼，猛攻一段。開波第一個攻勢，處於越位位置嘅曼治將皮球讓俾身後嘅佩利錫將前推前傳中，製造阿朗素嘅機會。其後球隊幾次於右路衝擊，占士不斷發揮其助攻能力，連同另一邊翼衛阿朗素，令利記後防風聲鶴唳。占士首先搏到犯規，製造阿朗素窄位罰球射中楣，轉眼間佩利錫勁射被艾利臣撲出。其後後占士兩次傳中，一次傳到遠處只差阿朗素窩利未有踢中皮球，一次被僅僅阿諾包到。阿諾今場瞻前顧後，唔止一次作出關鍵攔截。
🔴先後中柱
下半場初段車仔猛攻，利記亦漸漸製造機會。迪亞斯嘅衝擊同推進不斷牽制對方，三次喺大位射門僅僅偏離目標。文尼多次從對抗中引球向前，以及堤亞高同阿諾分別喺偏左同右邊位置同隊友呼應亦係關鍵，兩人觸球次數分別達到108同118次，為全隊頭兩名。利記之後幾次以左右兩邊轉移製造機會，包括從左路轉移到禁區內偏右位置嘅迪亞斯勁射、米拿傳中到遠處後上嘅羅拔臣剷射，兩次機會先後中柱。
🦁🔴難分難解
兩對於法定時間鬥得難分難解。加時階段，隨兩隊球員體能下降，比賽節奏減慢，雙方製造嘅機會甚少，最終需要互射十二碼分勝負。
車仔今次喺十二碼階段由文迪繼續守住大門，最終成功救到其國家隊隊友文尼嘅射門，亦差少少救到米拿同費明奴嘅射門，可見文迪守十二碼表現比聯賽杯決賽嘅基柏更好。佐真奴今次主射沒有使用一貫嘅小跳步減慢步伐方法，反而喺最後兩三步加速，令艾利臣無法使用針對性部署而最後捉錯路。可惜在於艾斯派古達同曼治，一個角度攞太盡最後射中柱，一個射門角度不足被艾利臣救出。
利記整體主射表現更加穩定，艾利臣把關成功救出關鍵一球，最後由森美卡斯為球隊鎖定足總杯冠軍。
🦁🔴後記
一如文章開頭所講，球員經歷幾乎整季嘅消耗，今場比賽兩隊可以俾到嘅都俾晒出嚟。去到加時可見兩隊球員接近筋疲力盡，對比聯賽杯決賽加時當中尚有精彩埋門畫面，有明顯分別。37歲嘅堤亞高施華係繼1953足總杯決賽嘅史丹利馬菲斯（當年38歲）之後，最年長嘅正選球員，能夠堅持120分鐘以及補時，值得掌聲。利記前中後三線絕對主力法賓奴、沙拿、雲迪克先後受傷之下，球隊仍能保持表現，要歸功於高普及其教練團隊以及球員本身嘅調整能力。
車路士連續三次足總杯決賽落敗，同時同兩項本土杯賽冠軍擦身而過，甚為可惜。可幸球隊最近成功賣盤，而球員班底亦逐漸成熟。若車仔成功於轉會窗尋找中後場接班人選，相信未來競爭力仍然強大，相信杜曹帶領球隊持續進步之下，未來有力再接再厲。
恭喜利物浦贏得今季第二個冠軍，同時係16年來首個足總杯冠軍。球隊兵疲之下士氣得到振奮，心理上有助眾將面對未來三場「決賽」。至於傷兵問題，法賓奴依然未知能否趕及歐聯決賽，而沙拿同雲迪克，賽後高普提到兩人問題唔大。不過，剩低兩場聯賽，相信三大主力難以正選上陣。球隊需要維持輪換之下，或需要張伯倫、艾利洛、南野拓實、奧歷治其中兩至三個上陣「頂住」，對此利迷只能相信，高普連同教練團隊輪換同訓練嘅功力。
雙方陣容:
🦁🔴體能狀態
上場比賽之後，利記比車仔有多一日休息調整時間，但上場比賽之中，車仔比賽過程較為輕鬆，消耗較對方少，拉上補下而言兩隊體能狀態相若。
🦁🔴越過壓迫
今場兩隊中場都未能以最佳面貌出戰，法賓奴因傷缺陣之下，軒達臣頂替其防中位置，連同狀態良好嘅基達同堤亞高，表現未有太大影響。車仔兩位中場簡迪同高華錫都係剛剛傷癒復出，正選高華錫連同不善對抗嘅佐真奴，喺互相壓迫對攻嘅情況下比較輸蝕。比賽早段，利記幾次越過對方中場壓迫展開快攻/反擊。迪亞斯於左路送到門前，堤亞高未夠腳長接應，不久之後嘅半單刀機會，迪亞斯射近柱被文迪雙腳封走。
🦁攻打兩翼
早段被利記幾番威過後，車仔企穩陣腳，幾次快攻/反擊攻擊對方兩閘位置效果良好。包括22分鐘，堤亞高施華長傳制造右路占士同曼治面對羅拔臣嘅二打一攻勢，佩利錫射門柱邊出界。27分鐘，占士同曼治串起快攻，經佩利錫轉至左路，阿朗素後上斜插突破阿諾防守，進入禁區埋門只差艾利臣一關。另外，盧卡古今場表現未算亮眼，受制於對方兩位中堅雲迪克以及步大力雄嘅干拿迪。
🔴退下火線
沙拿於33分鐘退下火線，祖達入替沙拿擔任右翼。於陣地戰欠缺長期正選嘅沙拿，球隊組織默契難免下降。車仔上半場中段開始更多收縮防守，利記難以滲入對方禁區。直到完半場前，羅拔臣傳中俾到小禁區前，祖達從查洛巴身後插前射門高出。
🦁勢凶夾狼下半場早段，車仔勢凶夾狼，猛攻一段。開波第一個攻勢，處於越位位置嘅曼治將皮球讓俾身後嘅佩利錫將前推前傳中，製造阿朗素嘅機會。其後球隊幾次於右路衝擊，占士不斷發揮其助攻能力，連同另一邊翼衛阿朗素，令利記後防風聲鶴唳。占士首先搏到犯規，製造阿朗素窄位罰球射中楣，轉眼間佩利錫勁射被艾利臣撲出。其後後占士兩次傳中，一次傳到遠處只差阿朗素窩利未有踢中皮球，一次被僅僅阿諾包到。阿諾今場瞻前顧後，唔止一次作出關鍵攔截。
🔴先後中柱
下半場初段車仔猛攻，利記亦漸漸製造機會。迪亞斯嘅衝擊同推進不斷牽制對方，三次喺大位射門僅僅偏離目標。文尼多次從對抗中引球向前，以及堤亞高同阿諾分別喺偏左同右邊位置同隊友呼應亦係關鍵，兩人觸球次數分別達到108同118次，為全隊頭兩名。利記之後幾次以左右兩邊轉移製造機會，包括從左路轉移到禁區內偏右位置嘅迪亞斯勁射、米拿傳中到遠處後上嘅羅拔臣剷射，兩次機會先後中柱。
🦁🔴難分難解
兩對於法定時間鬥得難分難解。加時階段，隨兩隊球員體能下降，比賽節奏減慢，雙方製造嘅機會甚少，最終需要互射十二碼分勝負。
車仔今次喺十二碼階段由文迪繼續守住大門，最終成功救到其國家隊隊友文尼嘅射門，亦差少少救到米拿同費明奴嘅射門，可見文迪守十二碼表現比聯賽杯決賽嘅基柏更好。佐真奴今次主射沒有使用一貫嘅小跳步減慢步伐方法，反而喺最後兩三步加速，令艾利臣無法使用針對性部署而最後捉錯路。可惜在於艾斯派古達同曼治，一個角度攞太盡最後射中柱，一個射門角度不足被艾利臣救出。
利記整體主射表現更加穩定，艾利臣把關成功救出關鍵一球，最後由森美卡斯為球隊鎖定足總杯冠軍。
🦁🔴後記
一如文章開頭所講，球員經歷幾乎整季嘅消耗，今場比賽兩隊可以俾到嘅都俾晒出嚟。去到加時可見兩隊球員接近筋疲力盡，對比聯賽杯決賽加時當中尚有精彩埋門畫面，有明顯分別。37歲嘅堤亞高施華係繼1953足總杯決賽嘅史丹利馬菲斯（當年38歲）之後，最年長嘅正選球員，能夠堅持120分鐘以及補時，值得掌聲。利記前中後三線絕對主力法賓奴、沙拿、雲迪克先後受傷之下，球隊仍能保持表現，要歸功於高普及其教練團隊以及球員本身嘅調整能力。
車路士連續三次足總杯決賽落敗，同時同兩項本土杯賽冠軍擦身而過，甚為可惜。可幸球隊最近成功賣盤，而球員班底亦逐漸成熟。若車仔成功於轉會窗尋找中後場接班人選，相信未來競爭力仍然強大，相信杜曹帶領球隊持續進步之下，未來有力再接再厲。
恭喜利物浦贏得今季第二個冠軍，同時係16年來首個足總杯冠軍。球隊兵疲之下士氣得到振奮，心理上有助眾將面對未來三場「決賽」。至於傷兵問題，法賓奴依然未知能否趕及歐聯決賽，而沙拿同雲迪克，賽後高普提到兩人問題唔大。不過，剩低兩場聯賽，相信三大主力難以正選上陣。球隊需要維持輪換之下，或需要張伯倫、艾利洛、南野拓實、奧歷治其中兩至三個上陣「頂住」，對此利迷只能相信，高普連同教練團隊輪換同訓練嘅功力。
請按此登錄後留言。未成為會員? 立即註冊