歐聯四強首回合，利物浦於晏非路球場以2-0擊敗維拉利爾。今場比賽雖然未有上一日曼城對皇馬「你一拳我一腳」嘅張力，但兩隊表現卻更加細緻，係相當緊湊嘅一場攻防戰。
雙方陣容 :
🔴🟡體能狀態
今場比賽之前，維拉利爾於週末不需應付西甲聯賽。西甲賽會嘅安排，令球員得以休息，有助旗下球隊爭取晉身歐聯決賽。相比利物浦於周日晚上踢完默西塞德打吡嘅利物浦，作客維拉利爾今場體能較為充裕，有條件以緊密嘅防守，加上具衝擊力嘅反擊，穩中求勝。
🟡穩中難求勝
「盃賽專家」艾馬利今仗安排維拉利爾全軍退守，以穩為先，趁龍門球或死球先將隊形壓上。進攻方面，球隊以兩位具有速度嘅前鋒丹祖馬同卓古爾斯衝擊左路，攻擊對方經常上前嘅右閘阿諾身後嘅空間。高普今場派出了年輕而步大力雄嘅高拿迪「逗住」阿諾，加上法賓奴同堤亞高嘅包位，大大限制了盧施素從右路推進，令維拉利爾嘅反擊未能湊效。
🔴難以把握機會
利物浦大部份時間處於主攻陣地戰之中，早段球隊嘗試以左右路轉移進攻，用長傳攻擊對方邊路身後嘅空間製造機會。維拉利爾防守相當緊密，令利物浦滲入嘅時間同空間甚少。利物浦雖然能夠製造機會，但難以把握。7分鐘嘅角球攻勢，以及12分鐘沙拿嘅內切傳中，兩次攻勢接應者文尼分別未及調整姿勢步伐同姿勢而未能把握機會。
🔴進攻調整
上半場中段，沙拿更多內切入中路，同一時間軒達臣或阿諾會拉邊牽引對方後防球員。利記右路三人組多次以交叉走位互相製造空間。26分鐘，沙拿內切同文尼撞牆後射門僅僅高出一個波位。34分鐘，沙拿同阿諾交叉走位後，左閘羅拔臣放高波到右邊底線，阿諾傳中俾到沙拿，可惜其右腳射高。
迪亞斯同堤亞高分別曾嘗試遠射，其中完半場前堤亞高中路30多碼重炮射門中柱。利物浦上半場但未能打開記錄。
下半場高普安排利物浦繼續左右轉移，以及以右路交叉走位製造機會。雖然受限於維拉利爾緊密嘅防守，但高普及教練團隊相信上半場中段嘅進攻調整有效，只需更多賞試。果然地，利記於下半場早段就連入兩球。52分鐘，堤亞高同文尼快速將波從左路轉移至右路，軒達臣與沙拿交叉走位，軒達臣衝擊右路再傳中，皮球省中對方左閘伊斯度邊恩入網，利記領先。
🔴細緻配合
55分鐘利記拉開比數。沙拿同文尼潛入黃色潛艇後防同中場兩線之間，沙拿喺禁區頂接應阿諾傳送護球向前，輕輕篤俾插入禁區嘅文尼射入。利物浦入球過程配合非常細緻，當中軒達臣拉右邊製造空間亦係關鍵。入球之中亦可見沙拿嘅創造力其實不容忽視。球隊組織配合細緻，係技術同默契嘅表現，係訓練嘅成果。
維拉利爾落後兩球下，增加了壓迫向前爭取機會，但未能突破對方嘅包圍。利記領先兩球之下，攻守之間收放自如，亦更多保持控球以減少風險，同時減少體力消耗。
🔴🟡張力不及昨天，但卻更加細緻
最終維拉利爾未能追近，利物浦首回合兩球領先。今場比賽雖然未有上一日曼城對皇馬「你一拳我一腳」嘅張力，但兩隊表現卻更加細緻，係相當緊湊嘅一場攻防戰。維拉利爾今場可算盡力，礙於球員班底嘅差距，進攻方面的確難以要求太多。維拉利爾非常緊密嘅防守值得欣賞，利記要以精密嘅配合多次嘗試，加上少許運氣先有兩球斬獲。
🔴🟡次回合預期
兩隊將於下週二晚進行次回合嘅對決。次回合前，兩隊都要喺4月30號應付聯賽，維拉利爾面對西甲榜尾球隊艾拉維斯，相信會比利記面對紐卡素來得輕鬆，相信維拉利爾返到主場依然會有更好嘅體能狀態。次回合維拉利爾需要壓迫搶攻，利記要有足夠輪換以保持體能狀態，從而抵擋、反攻甚至反壓對方以保住勝局，晉級決賽。
雙方陣容 :
🔴🟡體能狀態
今場比賽之前，維拉利爾於週末不需應付西甲聯賽。西甲賽會嘅安排，令球員得以休息，有助旗下球隊爭取晉身歐聯決賽。相比利物浦於周日晚上踢完默西塞德打吡嘅利物浦，作客維拉利爾今場體能較為充裕，有條件以緊密嘅防守，加上具衝擊力嘅反擊，穩中求勝。
🟡穩中難求勝
「盃賽專家」艾馬利今仗安排維拉利爾全軍退守，以穩為先，趁龍門球或死球先將隊形壓上。進攻方面，球隊以兩位具有速度嘅前鋒丹祖馬同卓古爾斯衝擊左路，攻擊對方經常上前嘅右閘阿諾身後嘅空間。高普今場派出了年輕而步大力雄嘅高拿迪「逗住」阿諾，加上法賓奴同堤亞高嘅包位，大大限制了盧施素從右路推進，令維拉利爾嘅反擊未能湊效。
🔴難以把握機會
利物浦大部份時間處於主攻陣地戰之中，早段球隊嘗試以左右路轉移進攻，用長傳攻擊對方邊路身後嘅空間製造機會。維拉利爾防守相當緊密，令利物浦滲入嘅時間同空間甚少。利物浦雖然能夠製造機會，但難以把握。7分鐘嘅角球攻勢，以及12分鐘沙拿嘅內切傳中，兩次攻勢接應者文尼分別未及調整姿勢步伐同姿勢而未能把握機會。
🔴進攻調整
上半場中段，沙拿更多內切入中路，同一時間軒達臣或阿諾會拉邊牽引對方後防球員。利記右路三人組多次以交叉走位互相製造空間。26分鐘，沙拿內切同文尼撞牆後射門僅僅高出一個波位。34分鐘，沙拿同阿諾交叉走位後，左閘羅拔臣放高波到右邊底線，阿諾傳中俾到沙拿，可惜其右腳射高。
迪亞斯同堤亞高分別曾嘗試遠射，其中完半場前堤亞高中路30多碼重炮射門中柱。利物浦上半場但未能打開記錄。
下半場高普安排利物浦繼續左右轉移，以及以右路交叉走位製造機會。雖然受限於維拉利爾緊密嘅防守，但高普及教練團隊相信上半場中段嘅進攻調整有效，只需更多賞試。果然地，利記於下半場早段就連入兩球。52分鐘，堤亞高同文尼快速將波從左路轉移至右路，軒達臣與沙拿交叉走位，軒達臣衝擊右路再傳中，皮球省中對方左閘伊斯度邊恩入網，利記領先。
🔴細緻配合
55分鐘利記拉開比數。沙拿同文尼潛入黃色潛艇後防同中場兩線之間，沙拿喺禁區頂接應阿諾傳送護球向前，輕輕篤俾插入禁區嘅文尼射入。利物浦入球過程配合非常細緻，當中軒達臣拉右邊製造空間亦係關鍵。入球之中亦可見沙拿嘅創造力其實不容忽視。球隊組織配合細緻，係技術同默契嘅表現，係訓練嘅成果。
維拉利爾落後兩球下，增加了壓迫向前爭取機會，但未能突破對方嘅包圍。利記領先兩球之下，攻守之間收放自如，亦更多保持控球以減少風險，同時減少體力消耗。
🔴🟡張力不及昨天，但卻更加細緻
最終維拉利爾未能追近，利物浦首回合兩球領先。今場比賽雖然未有上一日曼城對皇馬「你一拳我一腳」嘅張力，但兩隊表現卻更加細緻，係相當緊湊嘅一場攻防戰。維拉利爾今場可算盡力，礙於球員班底嘅差距，進攻方面的確難以要求太多。維拉利爾非常緊密嘅防守值得欣賞，利記要以精密嘅配合多次嘗試，加上少許運氣先有兩球斬獲。
🔴🟡次回合預期
兩隊將於下週二晚進行次回合嘅對決。次回合前，兩隊都要喺4月30號應付聯賽，維拉利爾面對西甲榜尾球隊艾拉維斯，相信會比利記面對紐卡素來得輕鬆，相信維拉利爾返到主場依然會有更好嘅體能狀態。次回合維拉利爾需要壓迫搶攻，利記要有足夠輪換以保持體能狀態，從而抵擋、反攻甚至反壓對方以保住勝局，晉級決賽。
請按此登錄後留言。未成為會員? 立即註冊