曼聯今季嘅瑰寶 - 愈踢愈前嘅麥湯文尼｜球員分析 精選

「愈踢愈前」呢四隻字，大概可以概括呢兩季以嚟，曼聯中場麥湯文尼（Scott McTamoniay）嘅變化

今季麥湯喺英超入7球，喺三月國際賽期前，同拉舒褔特、賀隆並列為隊內首席射手。作為防中起家嘅球員，今年27歲嘅麥湯仲有轉型嘅空間實屬不易，當然仲要睇埋今季曼聯嘅背景，點樣襯托出而家呢個麥湯。
今季曼聯傷病連連，淨係一個左閘位置長期冇人用，已經足以影響主帥Ten Hag嘅季前佈局，打唔出最理想嘅form。為此，McTominay今季轉型成後上嘅中場，減少佢喺中後場箍波嘅責任，反而喺更多直插禁區頂，同中鋒賀隆形成兩個平行嘅進攻點。