《原創文章 歡迎轉載 請列明出處 謝謝》
-請支持藍獅 Facebook專頁-
相信林伯特接任車路士領隊都只係時間問題，打比郡以官方式宣佈批準藍軍與其接觸，好大程度係關係到阻礙「綿羊」來季組班進程而希望盡快了斷，其實要借其他球會把口而向外界宣稱車路士下任接班人，就咁睇都幾好笑，車迷對於哩位傳奇中場回歸既意見好壞參半，但無論點都好林伯特都絕對係一個比歷任領隊都清楚車路士既男人。
先有施治回歸管理層，擔任技術及表現顧問/指導(Technical and performance advisor)，有人話此舉除左為近年管理層喺處理球會大小事務上既不滿降溫之外，亦係為林伯特返黎鋪路，睇番近年黎車路士都好願意比機會一啲過往效力過既球員喺退役後回歸史丹福橋擔任要職，蘇拿、保羅費拉拿、古迪仙尼等都各有其職，前至宣傳大使後至訓練團成員都能發揮所長，同時兩位傳奇林伯特同泰利亦喺上季正式開始教練生涯。
林伯特上季接掌英冠球會打比郡，對於一個初出茅廬既主帥黎講由英冠開始教練生涯既第一站絕對係明智之舉，始終要成為一個好教練從來都唔能夠一步登天，當時林伯特亦向車路士招手希望U18主教練摩利斯Jody Morris以及一隊體能教練Chris Jone能夠過檔協助，再加上同樣退役後轉為教練既基雲等人，打比郡整個教練班底可以話混合左實戰以及執教經驗。
睇番佢哩一季既成績其實都唔差，季尾都能夠殺入升班附加賽，進程中亦喺四強次回合反勝有「狂人」比爾沙執掌既列斯聯，雖然最終喺冠軍戰不敵有泰利做助教既阿士東維拉，不過整季既表現都合格有餘，值得球迷比多一季時間等佢再嘗試衝擊升班席位。講完好果方面，當然要評論番啲壞既一面，林伯特喺戰術方面既思維都比較幼嫩，單係以附加賽決賽哩啲一場波既賽事咁睇，其實你會唔係好知佢地既戰術部署係點，究竟係打控球定係打反擊，九十分鐘都無一個好明確既方向比到大家，咁當然哩啲野都係要時間慢慢砌返黎。
以林伯特只得一季既正式執教經驗黎講，依加直接接掌車路士黎講似乎有啲快，不過有人話其實施丹都係同差唔多，加上近年球壇都興起一道「少帥風」，哩一陣新鮮感的確好大機會為球迷同球會帶黎一啲新衝擊，但如果對比於施丹當日接掌皇馬主帥一刻黎講，林伯特依加所面對既問題會更加之多，至少人腳班底上車路士同人地都經已係天淵之別，加上受到轉會禁令所影響，只可以活用隊中哩一刻所擁有既球員去應付黎緊重返歐聯後既多條戰線，只可以話真係困難重重。
新人事新作風，喺有危自有機既情況下亦或者會帶黎一啲新境象，無疑青年軍同「外借軍團」當中有唔少能力之士能夠喺黎緊哩一季大展拳腳，而林伯特對於管理車路士更衣室方面絕對有一定經驗，話哂佢都曾經係「當事人」之一有唔少經驗之談，既然莫巴莫域治搵得哩位傳奇人物返黎幫手，深信油王亦明白好大機要負出一定程度既下限比佢，講緊既係無論喺時間以至成績上，亦希望球迷們盡可能「貼地」多一點，搣甩果鋪新帥就有盃落袋既毒癮，至少喺擅長限米煮限飯既賓尼迪斯同林伯特之間管理層選擇了後者，就必定有其用意(先姑且暫時相信管理層洗心革面)。
希望球隊重新出發，別再望回頭重蹈覆轍，球迷們不想再走冤枉路。
今集篇幅較以往長篇，多謝各位花時間收睇......
文章發表時間 : 27/06/2019 17:30
文章最後更新時間 : 27/06/2019 17:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
相信林伯特接任車路士領隊都只係時間問題，打比郡以官方式宣佈批準藍軍與其接觸，好大程度係關係到阻礙「綿羊」來季組班進程而希望盡快了斷，其實要借其他球會把口而向外界宣稱車路士下任接班人，就咁睇都幾好笑，車迷對於哩位傳奇中場回歸既意見好壞參半，但無論點都好林伯特都絕對係一個比歷任領隊都清楚車路士既男人。
先有施治回歸管理層，擔任技術及表現顧問/指導(Technical and performance advisor)，有人話此舉除左為近年管理層喺處理球會大小事務上既不滿降溫之外，亦係為林伯特返黎鋪路，睇番近年黎車路士都好願意比機會一啲過往效力過既球員喺退役後回歸史丹福橋擔任要職，蘇拿、保羅費拉拿、古迪仙尼等都各有其職，前至宣傳大使後至訓練團成員都能發揮所長，同時兩位傳奇林伯特同泰利亦喺上季正式開始教練生涯。
林伯特上季接掌英冠球會打比郡，對於一個初出茅廬既主帥黎講由英冠開始教練生涯既第一站絕對係明智之舉，始終要成為一個好教練從來都唔能夠一步登天，當時林伯特亦向車路士招手希望U18主教練摩利斯Jody Morris以及一隊體能教練Chris Jone能夠過檔協助，再加上同樣退役後轉為教練既基雲等人，打比郡整個教練班底可以話混合左實戰以及執教經驗。
睇番佢哩一季既成績其實都唔差，季尾都能夠殺入升班附加賽，進程中亦喺四強次回合反勝有「狂人」比爾沙執掌既列斯聯，雖然最終喺冠軍戰不敵有泰利做助教既阿士東維拉，不過整季既表現都合格有餘，值得球迷比多一季時間等佢再嘗試衝擊升班席位。講完好果方面，當然要評論番啲壞既一面，林伯特喺戰術方面既思維都比較幼嫩，單係以附加賽決賽哩啲一場波既賽事咁睇，其實你會唔係好知佢地既戰術部署係點，究竟係打控球定係打反擊，九十分鐘都無一個好明確既方向比到大家，咁當然哩啲野都係要時間慢慢砌返黎。
以林伯特只得一季既正式執教經驗黎講，依加直接接掌車路士黎講似乎有啲快，不過有人話其實施丹都係同差唔多，加上近年球壇都興起一道「少帥風」，哩一陣新鮮感的確好大機會為球迷同球會帶黎一啲新衝擊，但如果對比於施丹當日接掌皇馬主帥一刻黎講，林伯特依加所面對既問題會更加之多，至少人腳班底上車路士同人地都經已係天淵之別，加上受到轉會禁令所影響，只可以活用隊中哩一刻所擁有既球員去應付黎緊重返歐聯後既多條戰線，只可以話真係困難重重。
新人事新作風，喺有危自有機既情況下亦或者會帶黎一啲新境象，無疑青年軍同「外借軍團」當中有唔少能力之士能夠喺黎緊哩一季大展拳腳，而林伯特對於管理車路士更衣室方面絕對有一定經驗，話哂佢都曾經係「當事人」之一有唔少經驗之談，既然莫巴莫域治搵得哩位傳奇人物返黎幫手，深信油王亦明白好大機要負出一定程度既下限比佢，講緊既係無論喺時間以至成績上，亦希望球迷們盡可能「貼地」多一點，搣甩果鋪新帥就有盃落袋既毒癮，至少喺擅長限米煮限飯既賓尼迪斯同林伯特之間管理層選擇了後者，就必定有其用意(先姑且暫時相信管理層洗心革面)。
希望球隊重新出發，別再望回頭重蹈覆轍，球迷們不想再走冤枉路。
今集篇幅較以往長篇，多謝各位花時間收睇......
文章發表時間 : 27/06/2019 17:30
文章最後更新時間 : 27/06/2019 17:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊