《原創文章 歡迎轉載 請列明出處 謝謝》
-請支持藍獅 Facebook專頁-
七月一號，車路士搶閘公佈成功收購高華錫，哩位克羅地亞中場以5000萬歐元轉投藍軍並簽約五年，如無意外佢亦都會係車路士喺今個轉會窗裏面既唯一收購，繼施治回歸過後，依加淨番落黎較為正面既消息相信就只係等林伯特接掌主帥一職。
早前有傳皇馬為高華錫標價4000萬歐元，而依加最終以5000萬歐元完成交易，可以話經已洗左夏薩特所換番黎既一大部份轉會費，皇馬其實原先都有提出將高華錫既操作納入埋夏薩特既轉會項目當中，但被藍軍拒絕繼而將兩單交易獨立進行，車迷們當然唔知當中瑪蓮娜(Marina Granovskaia)既盤算係點，但以結果論黎講簽入高華錫總算係了左大部份球迷既心願。
以依加車路士既中場人手黎講，只可以話有量無質，多達七名一隊中場球員但用黎用去都係果幾個，真禾特同雲真高各自因為能力同傷患早已被投閒置散，路夫斯捷克亦長時間受背傷所困擾，上季季尾更喺一場友誼賽上重傷收咧，而同時巴克利資質有限，可提升空間相信亦都不大，說實話打得上正選既就只係淨番高華錫、簡迪以及佐真奴，而由於沙利轉投祖雲達斯，所以佐真奴既運用是否適合新帥所運用仍存在未知之數。
反觀高華錫既球員風格就比較大路，持球推進、護波能力、身體對抗都達到優良水平，再加上出色既預判同攔截技巧，能夠為球隊喺中場取得平衡，以高華錫既質素黎講無論邊個係主帥都有能力取得正選一席，而同時間外借回歸既亦有巴卡約高，但兩者之間既差距相信都經已高下立見。
雖然車路士受轉會禁令所影響，黎緊哩一季都無法為新球員註冊，即使向體育訟裁法院提出上訴但由於未知結果所以禁令依然生效，不過高華錫早已在上季登陸英超時已經註冊，換句話說只要藍軍喺高華錫既租借合約完結之前向皇馬提出正式收購，就無需再為球員喺新賽季重新註冊。
希望高華錫能夠運用佢豐富既經驗，為車路士喺各項錦標上走得更高更遠。
文章發表時間 : 02/07/2019 13:45
文章最後更新時間 : 02/07/2019 13:45
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
七月一號，車路士搶閘公佈成功收購高華錫，哩位克羅地亞中場以5000萬歐元轉投藍軍並簽約五年，如無意外佢亦都會係車路士喺今個轉會窗裏面既唯一收購，繼施治回歸過後，依加淨番落黎較為正面既消息相信就只係等林伯特接掌主帥一職。
早前有傳皇馬為高華錫標價4000萬歐元，而依加最終以5000萬歐元完成交易，可以話經已洗左夏薩特所換番黎既一大部份轉會費，皇馬其實原先都有提出將高華錫既操作納入埋夏薩特既轉會項目當中，但被藍軍拒絕繼而將兩單交易獨立進行，車迷們當然唔知當中瑪蓮娜(Marina Granovskaia)既盤算係點，但以結果論黎講簽入高華錫總算係了左大部份球迷既心願。
以依加車路士既中場人手黎講，只可以話有量無質，多達七名一隊中場球員但用黎用去都係果幾個，真禾特同雲真高各自因為能力同傷患早已被投閒置散，路夫斯捷克亦長時間受背傷所困擾，上季季尾更喺一場友誼賽上重傷收咧，而同時巴克利資質有限，可提升空間相信亦都不大，說實話打得上正選既就只係淨番高華錫、簡迪以及佐真奴，而由於沙利轉投祖雲達斯，所以佐真奴既運用是否適合新帥所運用仍存在未知之數。
反觀高華錫既球員風格就比較大路，持球推進、護波能力、身體對抗都達到優良水平，再加上出色既預判同攔截技巧，能夠為球隊喺中場取得平衡，以高華錫既質素黎講無論邊個係主帥都有能力取得正選一席，而同時間外借回歸既亦有巴卡約高，但兩者之間既差距相信都經已高下立見。
雖然車路士受轉會禁令所影響，黎緊哩一季都無法為新球員註冊，即使向體育訟裁法院提出上訴但由於未知結果所以禁令依然生效，不過高華錫早已在上季登陸英超時已經註冊，換句話說只要藍軍喺高華錫既租借合約完結之前向皇馬提出正式收購，就無需再為球員喺新賽季重新註冊。
希望高華錫能夠運用佢豐富既經驗，為車路士喺各項錦標上走得更高更遠。
文章發表時間 : 02/07/2019 13:45
文章最後更新時間 : 02/07/2019 13:45
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊