-請支持藍獅 Facebook專頁-
《原創文章 歡迎轉載 請列明出處 謝謝》
對上一篇講關於車路士轉會動作既文章係喺截止前幾日，當時仲懷疑緊藍軍會唔會再有Panic Buy(恐慌性收購)既交易出現，可幸的是以結果論黎講並沒有發生到。總結岩岩過去既哩一個轉會窗，唔知你又對車路士今次既轉會收購滿唔滿意呢？一齊分析一下哩份收購名單同埋預測今季陣容。
．圖片來源 : image.ibb
先從後場講起，門將位置方面，比高域離隊他投，而曼城喺轉會窗尚未開始時已經對外公怖將會有一批球員不獲留隊，當中包括卡巴尼路，以免簽既姿態加盟藍軍可以話係一單非常化算既交易，已經喺英超打滾多年既卡巴尼路無論經驗及能力絕不下於比高域，同時能夠繼續為正選門將古圖爾斯帶黎良性競爭，相信干地會安排前者喺一啲本土盃賽入面上陣。
．圖片來源 : Chelsea FC
到後衛方面，車路士需要收購後衛已經唔係什麼新鮮事，隊長泰利離隊，無論去季正選既卡希爾、大衛雷斯或艾斯派古達各自都有一啲不足地方，在邦路斯、雲迪克等煙幕下球隊從意甲羅馬帶黎左魯迪加，哩單交易相對係比較無聲無息，由傳出到真係成功收購既時間十分之短，見到球員喺哩幾場波都好快適應得到三後衛陣式，長遠黎講魯迪加既加盟無疑係一個好好既補充。
．圖片來源 : thesun.co.uk
相信干地今季無繼續用到三後衛陣式，預測人腳繼續會以大衛雷斯為中堅中作核心，至於左右後衛就會是乎對手而定，除左上面講既魯迪加外球隊亦回收左基斯甸臣，受惠於卡希爾既「自殺式」停賽好快得到上陣機會，同時見到球員整體能力都已經能夠在英超立足。後衛中有五位球員都能夠擔任中堅，相信人腳上足以應付多線發展調配。
至於翼衛，巴巴拉文尚未復出，堅離地存在不適應，都令球隊在翼衛位置上人手捉襟見肘，只有摩西斯、馬高斯阿朗素為左右正選，以及艾斯派古達以替補性質擔任。藍軍喺死線前由意甲拖連奴簽入薩柏哥斯達，雖然唔係留意開意甲或意大利國家隊既球迷都未必認識得到佢，但對比於上季馬高斯阿朗素由意甲費倫天拿加盟，反應都無上次咁大，相信大家都已經對干地收購意甲兵有質素保証。．圖片來源 : Mirror
薩柏哥斯達喺干地仲執掌緊意大利國家隊帥印時經已合作過，哩單收購無疑係為左提升右邊路既出波能力，摩西斯既特性只係賣力博盡同體力優厚，出波質素實在慘不忍睹，而薩柏哥斯達同時擁有速度、埋門及遠射能力，足以與摩西斯帶黎良性競爭。至於左翼衛就只能繼續佢倆同艾斯派古達作替補，或者再等待巴巴拉文復出再睇干地如何安排。
到中場方面，干地對於馬迪既離開存在不解，而人數上新收購番黎既巴卡約高與及真禾特都只可以話岩岩好夠數，前者提早復出對陣熱刺時表演絕不失禮，覆蓋面什廣既法國人將會喺今季與簡迪在場上一起奔馳掃蕩。至於真禾特亦係同簡迪一齊喺李斯特城共事過，兩人都係當屆既奪冠要員之一，默契與合作性無容置疑，相信會比伙拍馬迪發揮出黎既功能性更大，始終真禾特既用波能力較為優勝。
．圖片來源 : Chelsea FC
．圖片來源 : Navkolo.ME
預測干地今季會繼續使用兩位中場球員，未必需要場場都好似上次對陣熱刺時起用三中場全防守掃蕩，踢法較為消極。簡迪會繼續係中場核心人物，而強強對碰時起用巴卡約高，對弱旅時選用真禾特或法比加斯，始終後者已踏入三字頭，喺熱身賽時都發現佢喺體力同速度上都未能跟上過於快既節奏，但無可否認在傳送上西班牙人撕破密集既能力喺球隊內絕對係首屈一指。
去到攻擊線上面，左右兩邊人手上並沒有加以補充，夏薩特、柏度先後復出，與韋利安繼續喺邊路上合作，同時留任新人梅桑達，此子盤扭技術及突破力不俗，相信今季會有唔少機會發揮。而前鋒上排除左迪亞高哥斯達後，巴舒亞伊未成氣候擔正，繼續後備上陣會較為合適，今季入波既重任就會交比由皇馬加盟既莫拉達身上，特性上雖然與迪亞高哥斯達不同，護球及分波能力亦未到最好，但相信假以時日此子必定能夠為「藍色9號」破咒。
．圖片來源 : Chelsea FC
總括而言，今個轉會窗車路士喺收購上其實表現合格有餘，多個新加盟既球員都係針對性地對症下藥，為球隊整體能力再加以提升。
以為小弟讚賞高層？睇埋下篇先再講。
【專題文章】1718球季 車路士轉會市場總結及陣容分析(下) - 險簽及輸出篇
文章最後更新時間 : 09/09/2017 09:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
《原創文章 歡迎轉載 請列明出處 謝謝》
對上一篇講關於車路士轉會動作既文章係喺截止前幾日，當時仲懷疑緊藍軍會唔會再有Panic Buy(恐慌性收購)既交易出現，可幸的是以結果論黎講並沒有發生到。總結岩岩過去既哩一個轉會窗，唔知你又對車路士今次既轉會收購滿唔滿意呢？一齊分析一下哩份收購名單同埋預測今季陣容。
．圖片來源 : image.ibb
先從後場講起，門將位置方面，比高域離隊他投，而曼城喺轉會窗尚未開始時已經對外公怖將會有一批球員不獲留隊，當中包括卡巴尼路，以免簽既姿態加盟藍軍可以話係一單非常化算既交易，已經喺英超打滾多年既卡巴尼路無論經驗及能力絕不下於比高域，同時能夠繼續為正選門將古圖爾斯帶黎良性競爭，相信干地會安排前者喺一啲本土盃賽入面上陣。
．圖片來源 : Chelsea FC
到後衛方面，車路士需要收購後衛已經唔係什麼新鮮事，隊長泰利離隊，無論去季正選既卡希爾、大衛雷斯或艾斯派古達各自都有一啲不足地方，在邦路斯、雲迪克等煙幕下球隊從意甲羅馬帶黎左魯迪加，哩單交易相對係比較無聲無息，由傳出到真係成功收購既時間十分之短，見到球員喺哩幾場波都好快適應得到三後衛陣式，長遠黎講魯迪加既加盟無疑係一個好好既補充。
．圖片來源 : thesun.co.uk
相信干地今季無繼續用到三後衛陣式，預測人腳繼續會以大衛雷斯為中堅中作核心，至於左右後衛就會是乎對手而定，除左上面講既魯迪加外球隊亦回收左基斯甸臣，受惠於卡希爾既「自殺式」停賽好快得到上陣機會，同時見到球員整體能力都已經能夠在英超立足。後衛中有五位球員都能夠擔任中堅，相信人腳上足以應付多線發展調配。
至於翼衛，巴巴拉文尚未復出，堅離地存在不適應，都令球隊在翼衛位置上人手捉襟見肘，只有摩西斯、馬高斯阿朗素為左右正選，以及艾斯派古達以替補性質擔任。藍軍喺死線前由意甲拖連奴簽入薩柏哥斯達，雖然唔係留意開意甲或意大利國家隊既球迷都未必認識得到佢，但對比於上季馬高斯阿朗素由意甲費倫天拿加盟，反應都無上次咁大，相信大家都已經對干地收購意甲兵有質素保証。．圖片來源 : Mirror
薩柏哥斯達喺干地仲執掌緊意大利國家隊帥印時經已合作過，哩單收購無疑係為左提升右邊路既出波能力，摩西斯既特性只係賣力博盡同體力優厚，出波質素實在慘不忍睹，而薩柏哥斯達同時擁有速度、埋門及遠射能力，足以與摩西斯帶黎良性競爭。至於左翼衛就只能繼續佢倆同艾斯派古達作替補，或者再等待巴巴拉文復出再睇干地如何安排。
到中場方面，干地對於馬迪既離開存在不解，而人數上新收購番黎既巴卡約高與及真禾特都只可以話岩岩好夠數，前者提早復出對陣熱刺時表演絕不失禮，覆蓋面什廣既法國人將會喺今季與簡迪在場上一起奔馳掃蕩。至於真禾特亦係同簡迪一齊喺李斯特城共事過，兩人都係當屆既奪冠要員之一，默契與合作性無容置疑，相信會比伙拍馬迪發揮出黎既功能性更大，始終真禾特既用波能力較為優勝。
．圖片來源 : Chelsea FC
．圖片來源 : Navkolo.ME
預測干地今季會繼續使用兩位中場球員，未必需要場場都好似上次對陣熱刺時起用三中場全防守掃蕩，踢法較為消極。簡迪會繼續係中場核心人物，而強強對碰時起用巴卡約高，對弱旅時選用真禾特或法比加斯，始終後者已踏入三字頭，喺熱身賽時都發現佢喺體力同速度上都未能跟上過於快既節奏，但無可否認在傳送上西班牙人撕破密集既能力喺球隊內絕對係首屈一指。
去到攻擊線上面，左右兩邊人手上並沒有加以補充，夏薩特、柏度先後復出，與韋利安繼續喺邊路上合作，同時留任新人梅桑達，此子盤扭技術及突破力不俗，相信今季會有唔少機會發揮。而前鋒上排除左迪亞高哥斯達後，巴舒亞伊未成氣候擔正，繼續後備上陣會較為合適，今季入波既重任就會交比由皇馬加盟既莫拉達身上，特性上雖然與迪亞高哥斯達不同，護球及分波能力亦未到最好，但相信假以時日此子必定能夠為「藍色9號」破咒。
．圖片來源 : Chelsea FC
總括而言，今個轉會窗車路士喺收購上其實表現合格有餘，多個新加盟既球員都係針對性地對症下藥，為球隊整體能力再加以提升。
以為小弟讚賞高層？睇埋下篇先再講。
【專題文章】1718球季 車路士轉會市場總結及陣容分析(下) - 險簽及輸出篇
文章最後更新時間 : 09/09/2017 09:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊