-請支持藍獅 Facebook專頁-
《原創文章 歡迎轉載 請列明出處 謝謝》
西班牙國家隊主帥盧柏迪古(Julen Lopetegui)公佈新一輪入選「鬥牛國」名單，當中最受觸目當然係效力美職紐約城既大衛韋拿(David Villa)重新穿上紅色戰衣。而過往不乏西班牙球員既車路士，亦有數名入選，你又認唔認同哩份入選名單？一齊探討一下。
莫拉達 (Álvaro Morata)
入選
莫拉達近幾年可以話已經係西班牙國家隊既常客，無論係鬥牛軍團既上任教頭迪保斯基(Vicente del Bosque González)或是現任既盧柏迪古都似乎幾愛好哩位前皇馬前鋒，而位置上喺單前鋒陣式中，莫拉達既直接競爭者可以話係迪亞高哥斯達，但有留意開既球迷都知道其實後者球風唔太配合得到其他中前場球員，同時佢今次亦無選中入隊，相信莫拉達會繼續被委以重任，或可能與大師兄大衛韋拿一齊在前線合作攻堅。．圖片來源 : AS English - Diario AS
柏度 (Pedro)
入選
自盧柏迪古上任後，剛好撞正柏度喺車路士重拾最好既表現，亦令球迷見到當日巴塞最好既一面既佢，而上季既柏度亦繼續維持火熱狀態，在各項賽事中為車路士帶黎13個入球12個助攻，即使已踏入三十之年亦無阻盧柏迪古再一次選佢為大國腳，如果柏度能夠繼續保持如此高水準表現及狀態，相信好大機會喺下年世界盃既西班牙大軍當中佔一席位。預計將會繼續出任左或右邊路攻擊球員正選。．圖片來源 : 90Min
艾斯派古達 (César Azpilicueta)
入選
自泰利在上季尾離隊後，今季被車路士委任艾斯派古達為球隊副隊長，球員喺近幾季已經榮升為後場通天老倌，無論左右邊閘位、翼衛、什至中堅都能以勝任，而且一直都能夠維持穩定以及高水準表現，可以話喺球壇上每隊球隊都夢寐以求想得到既萬能球員，如此入選國家隊亦不敢意外。睇番之前果幾場西班牙既熱身賽，以四後衛陣式入主，相信艾斯派古達會與皇馬既卡華積喺右閘位置上繼續輪換。．圖片來源 : Skysports
迪亞高哥斯達 (Diego Costa)
落選
相信無人會為佢既落選而敢到意外，迪亞高哥斯達至今一直留待在巴西缺席番回球會操練，一心向外界傳媒表示自己只留待車路士放行，再一次回到西班牙馬體會效力。有見及此，盧柏迪古並沒有選中佢入國家隊亦係明智之舉，同時相信大部份球迷樂意見到佢既落選而讓出位置比大衛韋拿，如果迪亞高哥斯達喺哩個轉會窗都不能離開車路士，相信佢下年入選西班牙備戰世界盃既名單機會非常渺茫。．圖片來源 : Premium Sport HD
法比加斯 (Cesc Fàbregas)
落選
再一次失落國家隊呼喚既法比加斯，其實已經喺上季季尾什至今季已經站穩車路士正選，無可奈何既係西班牙中場實在星光泣泣，而且長江後浪推前浪，堤亞高、伊斯高、高基等人都比法比加斯年青，喺活力同戰術執行力方面會較為優勝。如果哩位前巴塞中場球員仲想重番國家隊入選備戰下屆世界盃名單的話，關鍵就在於今季既表現，同時要睇下同新加盟既莫拉達有冇一啲喺國家隊無既化學作用喺球隊夾到出黎，否則好大機會只能靜待其他球員因傷退出而入選。．圖片來源 : Perform group
馬高斯阿朗素 (Marcos Alonso)
落選
同法比加斯一樣再一次落選新一期國家隊名單，過往從未為西班牙國家隊一隊上陣既馬高斯阿朗素，無論上季到今季初既表現都非常觸目，尤其係左腳罰球既準繩度十分之高，使佢就算係一名後防邊路球員都擁有唔錯既入球進帳。可惜名氣上不及巴塞既佐迪艾巴，同時西班牙亦不乏一眾罰球好手，而且盧柏迪古自上任後大多繼續維持四後衛陣式，導致選取較穩定既阿仙奴左閘蒙維爾(雖然有球迷會唔同意 但如果單係打左閘的話其實阿朗素本身有唔少問題會出現)，但敢相信馬高斯阿朗素得到大國腳既第一頂喼帽只係時間問題。球員文章 : 讓世界懂得他名字 馬高斯阿朗素（上）
．圖片來源 : CDN
文章最後更新時間 : 26/08/2017 16:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
《原創文章 歡迎轉載 請列明出處 謝謝》
西班牙國家隊主帥盧柏迪古(Julen Lopetegui)公佈新一輪入選「鬥牛國」名單，當中最受觸目當然係效力美職紐約城既大衛韋拿(David Villa)重新穿上紅色戰衣。而過往不乏西班牙球員既車路士，亦有數名入選，你又認唔認同哩份入選名單？一齊探討一下。
莫拉達 (Álvaro Morata)
入選
莫拉達近幾年可以話已經係西班牙國家隊既常客，無論係鬥牛軍團既上任教頭迪保斯基(Vicente del Bosque González)或是現任既盧柏迪古都似乎幾愛好哩位前皇馬前鋒，而位置上喺單前鋒陣式中，莫拉達既直接競爭者可以話係迪亞高哥斯達，但有留意開既球迷都知道其實後者球風唔太配合得到其他中前場球員，同時佢今次亦無選中入隊，相信莫拉達會繼續被委以重任，或可能與大師兄大衛韋拿一齊在前線合作攻堅。．圖片來源 : AS English - Diario AS
柏度 (Pedro)
入選
自盧柏迪古上任後，剛好撞正柏度喺車路士重拾最好既表現，亦令球迷見到當日巴塞最好既一面既佢，而上季既柏度亦繼續維持火熱狀態，在各項賽事中為車路士帶黎13個入球12個助攻，即使已踏入三十之年亦無阻盧柏迪古再一次選佢為大國腳，如果柏度能夠繼續保持如此高水準表現及狀態，相信好大機會喺下年世界盃既西班牙大軍當中佔一席位。預計將會繼續出任左或右邊路攻擊球員正選。．圖片來源 : 90Min
艾斯派古達 (César Azpilicueta)
入選
自泰利在上季尾離隊後，今季被車路士委任艾斯派古達為球隊副隊長，球員喺近幾季已經榮升為後場通天老倌，無論左右邊閘位、翼衛、什至中堅都能以勝任，而且一直都能夠維持穩定以及高水準表現，可以話喺球壇上每隊球隊都夢寐以求想得到既萬能球員，如此入選國家隊亦不敢意外。睇番之前果幾場西班牙既熱身賽，以四後衛陣式入主，相信艾斯派古達會與皇馬既卡華積喺右閘位置上繼續輪換。．圖片來源 : Skysports
迪亞高哥斯達 (Diego Costa)
落選
相信無人會為佢既落選而敢到意外，迪亞高哥斯達至今一直留待在巴西缺席番回球會操練，一心向外界傳媒表示自己只留待車路士放行，再一次回到西班牙馬體會效力。有見及此，盧柏迪古並沒有選中佢入國家隊亦係明智之舉，同時相信大部份球迷樂意見到佢既落選而讓出位置比大衛韋拿，如果迪亞高哥斯達喺哩個轉會窗都不能離開車路士，相信佢下年入選西班牙備戰世界盃既名單機會非常渺茫。．圖片來源 : Premium Sport HD
法比加斯 (Cesc Fàbregas)
落選
再一次失落國家隊呼喚既法比加斯，其實已經喺上季季尾什至今季已經站穩車路士正選，無可奈何既係西班牙中場實在星光泣泣，而且長江後浪推前浪，堤亞高、伊斯高、高基等人都比法比加斯年青，喺活力同戰術執行力方面會較為優勝。如果哩位前巴塞中場球員仲想重番國家隊入選備戰下屆世界盃名單的話，關鍵就在於今季既表現，同時要睇下同新加盟既莫拉達有冇一啲喺國家隊無既化學作用喺球隊夾到出黎，否則好大機會只能靜待其他球員因傷退出而入選。．圖片來源 : Perform group
馬高斯阿朗素 (Marcos Alonso)
落選
同法比加斯一樣再一次落選新一期國家隊名單，過往從未為西班牙國家隊一隊上陣既馬高斯阿朗素，無論上季到今季初既表現都非常觸目，尤其係左腳罰球既準繩度十分之高，使佢就算係一名後防邊路球員都擁有唔錯既入球進帳。可惜名氣上不及巴塞既佐迪艾巴，同時西班牙亦不乏一眾罰球好手，而且盧柏迪古自上任後大多繼續維持四後衛陣式，導致選取較穩定既阿仙奴左閘蒙維爾(雖然有球迷會唔同意 但如果單係打左閘的話其實阿朗素本身有唔少問題會出現)，但敢相信馬高斯阿朗素得到大國腳既第一頂喼帽只係時間問題。球員文章 : 讓世界懂得他名字 馬高斯阿朗素（上）
．圖片來源 : CDN
文章最後更新時間 : 26/08/2017 16:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊