【迪亞高哥斯達還有機會再穿上車路士球衣嗎?】

藍獅 於 03/09/2017 發表 收藏文章
-請支持藍獅 Facebook專頁-
《原創文章 歡迎轉載 請列明出處 謝謝》

喺分析車路士今個轉會窗既動作之前,想先出左哩一篇文先,主角正正係近期受各大媒體所關注既風雲人物,一直躲在巴西既迪亞高哥斯達。
.圖片來源 : The World Game - SBS

西甲聯賽轉會窗已經結束,而最終迪亞高哥斯達亦不能加盟馬體會,球員一心願意重回舊地,而藍軍亦願意讓佢離開,同時床單軍團亦願意接收,三方都希望促成交易,但因什麼問題導致最終未能達成轉會?明眼人一睇就知係「錢作怪」,球會雙方一直未能在轉會費上達成一致,即使球員整個轉會窗不斷喺家鄉製造花邊新聞,得出黎既結果相信令佢難以接受。

( 下圖為迪亞高哥斯達在巴西「避世」時在社交平台公開展示穿上馬體會球衣 )
.圖片來源 : The Telegraph

與此同時,喺車路士所提交既英超註冊球員名單當中,迪亞高哥斯達哩個名竟然出現喺名冊當中,不敢令唔少球迷幻想佢會唔會番黎伙拍莫拉達合組西班牙雙前鋒。但其實只係一個「痴心妄想」既想法,首先喺除左轉會費上出現分歧之外,好大程度都係因為馬體會受到轉會禁令所影響,即使球員再次回歸床單軍團,亦不能馬上為馬體會上陣,要等到明年一月才能夠得到註冊。

而哩單「花生料」既開端係先由迪亞高哥斯達向傳媒公開,先唔評論第一下既真偽,在於球員既職業操守下係咪真係有必要對外公開一啲教練、球會以至球員三方之間既對話?而哩一下經已定義左球員與球會之間已經不存在任何轉彎既餘地,同時迪亞高哥斯達與干地亦誓不兩立。
.圖片來源 : Metro

干地喺哩單消息公開之後一直都迴避回應,當中傳出既係其實意大利人喺上季季中轉會窗時,已經想將一直受中超所挖角既哥斯達放走,及後並表示全隊球員都知道內情。當然,其它球員都沒有向媒體公開表達任何意見,避免火上加油。雖然干地既戰術風格新穎,但行事作風跟以往舊派名帥一樣,以鐵腕手段要求球員有效執行指示,永遠都不能出現有球員凌駕在球會之上。

( 下圖為古圖爾斯得知哥斯達入選註冊名單時在Twitter發怖圖帖子)

既然球員無心為球隊效力,亦無必要強留於隊, 球迷唔應該因為雷米離開球隊缺少第三前鋒,而遐想迪亞高哥斯達會番黎擔任此職;車路士在英超註冊佢只係責任問題,一黎佢尚未離隊,二黎藍軍仲出緊糧比佢,即使唔再派佢上陣,亦有必要歸隊操練,至少需要保持狀態等到下年一月轉會窗再開,球隊今次哩個動作屬於「合情合理」。
.圖片來源 : Metro

干地一日在任,迪亞高哥斯達只會一直在「黑名單」,後者如果如果仲想入選大國腳參與來年世界盃的話,理應歸隊復操,但相信佢只會繼續在巴西「逃避現實」。

文章最後更新時間 : 03/09/2017 09:45

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • OhMyGirl_Arin
    OhMyGirl_Arin 於 03/09/2017 評論 NO. 1

    入選名單係為左避開法律問題詐

  • 謝灌剛
    謝灌剛 於 03/09/2017 評論 NO. 2

    上返車報仇

  • Chi Lik Chui
    Chi Lik Chui 於 03/09/2017 評論 NO. 3

    去中超啦, 再唔係去港超啦, 留喺車仔把鬼咩 干地都唔鍾意你😂

  • Chan Mandy
    Chan Mandy 於 03/09/2017 評論 NO. 4

    球品太差

  • Chris Chan
    Chris Chan 於 03/09/2017 評論 NO. 5

    會唔會留哥斯達等干地俾人炒呀 以車仔做法干地俾人炒機會太過哥斯達轉會喎🤣

  • Jerry Chan
    Jerry Chan 於 03/09/2017 評論 NO. 6

    港超 球隊 借佢返來踢,打响港超聯招牌 嘛 🤣🤣🤣

  • Lih Huei Tan
    Lih Huei Tan 於 04/09/2017 評論 NO. 7

    当然回去踢球嘛,做掉干地 。 own goal

快捷鍵:←
快捷鍵:→