《原創文章 歡迎轉載 請列明出處 謝謝》
-請支持藍獅 Facebook專頁-
相信如果你有睇沉晚哩場波的話，對於高下立見的質素分野哩個標題會有一定程度既同意，如果以比分黎講，車路士的確有比曼城更進一步拉開既機會，不過最終以哩個賽果做結尾，以車迷角度黎講其實都可以話合格收貨而仍有改善空間。
.
奧岱受傷缺陣，而國際賽前輕傷既佩利錫反而趕及傷癒復出，喺未有球員因為國效力而受傷回歸可以話係近黎車路士值得高興的事。林伯特今場波由4231回歸433陣式，「愛將」蒙特先作後備，攻堅左中右分別繼續以佩利錫、艾巴咸同韋利安為首，而中場就簡迪、佐真奴同高華錫合作，左右閘亦都繼續係艾斯派古達同艾馬臣，中堅就蘇馬搭湯姆利。
.上半場車路士非常放膽地以反客為主既心態搶佔主動，戰術上繼續倚重右路韋利安同簡迪既推進能力，嘗時喺後場搶到波之後就由佢地運個波上前，相反果邊既大衛施華同史達寧就無乜甜頭，搞到佢地既左閘文迪係上半場一段長時間受壓得都幾緊要下，而反觀車路士既左路就相對平靜，上半場其實除左果球入球之外，韋利安同湯姆利都各自有一球好黃金既機會錯過左，亦不能不得一讚全盛時期既簡迪都真係好強，面對住已進化既史達寧都可以令對手貼服，同時佢既進攻意識其實已經到左完成階段，尤其係你睇車路士入既第一個波果時，韋利安仲企定定喺度望，到佢起步果時簡迪已經前插帶住個波走到去禁區頂果啲位，最終仲幫藍軍先開記錄。
.
講完啲正面野，係時候講番啲失波，失第一球就咁睇係撞腳，運氣唔好無路捉咁，但其實迪布尼喺禁區頂起腳既畫面都唔止一次，佢三番四次都能夠成功由車路士既左邊推大位入番禁區頂既可轟門範圍起到腳，責任比較重於艾馬臣方面，但好多時佢又要一個睇兩個，除左迪布尼之外更加要著重佢前面既馬列斯，高華錫就有必要再喺後場幫波多啲，因為始終佐真奴同艾馬臣都唔係善於防守既球員，至於第二球就無咩好講，一打三都比人射入，顯示左把握力既分野。.
仲有基柏完半場前果下自爆，真係好在阿古路把握唔到，如果唔係下半場就更加難捱，喺維持一球上落既比數下面對住曼城其實都踢得幾吃力，論猜波你唔會夠佢地黎，尤其係當你下半場體力流放得七七八八既時候，根本就算你肯跑肯迫埋去佢都傳走左個波，但你唔過去埋身的話佢又會喺度拖，所以都無乜計可以做到啲攻勢出黎，好多時都係靠邊路斬個波入去，但又無乜目標咁連人都唔中，唔見得到有咩效果出到黎，就算先後換入尼爾斯占士、巴舒亞伊同蒙特，都無取得番啲優勢番黎。
.
不過就算今場波輸波，都想比番啲Credit艾斯派古達，佢喺自己禁區做左好幾次擋波攔截，唔係佢的話分分鐘輸得仲多。總結哩場波真係實力上既分野，你可以話車路士係以一個成熟期既控球踢法令佢依加處於英超前列，但曼城係以一個完全體既控球踢法搶去你個第三名，林伯特喺車路士既路，仲係長路漫漫。
文章發表時間 : 24/11/2019 11:55
文章最後更新時間 : 24/11/2019 11:55
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
相信如果你有睇沉晚哩場波的話，對於高下立見的質素分野哩個標題會有一定程度既同意，如果以比分黎講，車路士的確有比曼城更進一步拉開既機會，不過最終以哩個賽果做結尾，以車迷角度黎講其實都可以話合格收貨而仍有改善空間。
.
奧岱受傷缺陣，而國際賽前輕傷既佩利錫反而趕及傷癒復出，喺未有球員因為國效力而受傷回歸可以話係近黎車路士值得高興的事。林伯特今場波由4231回歸433陣式，「愛將」蒙特先作後備，攻堅左中右分別繼續以佩利錫、艾巴咸同韋利安為首，而中場就簡迪、佐真奴同高華錫合作，左右閘亦都繼續係艾斯派古達同艾馬臣，中堅就蘇馬搭湯姆利。
.上半場車路士非常放膽地以反客為主既心態搶佔主動，戰術上繼續倚重右路韋利安同簡迪既推進能力，嘗時喺後場搶到波之後就由佢地運個波上前，相反果邊既大衛施華同史達寧就無乜甜頭，搞到佢地既左閘文迪係上半場一段長時間受壓得都幾緊要下，而反觀車路士既左路就相對平靜，上半場其實除左果球入球之外，韋利安同湯姆利都各自有一球好黃金既機會錯過左，亦不能不得一讚全盛時期既簡迪都真係好強，面對住已進化既史達寧都可以令對手貼服，同時佢既進攻意識其實已經到左完成階段，尤其係你睇車路士入既第一個波果時，韋利安仲企定定喺度望，到佢起步果時簡迪已經前插帶住個波走到去禁區頂果啲位，最終仲幫藍軍先開記錄。
.
講完啲正面野，係時候講番啲失波，失第一球就咁睇係撞腳，運氣唔好無路捉咁，但其實迪布尼喺禁區頂起腳既畫面都唔止一次，佢三番四次都能夠成功由車路士既左邊推大位入番禁區頂既可轟門範圍起到腳，責任比較重於艾馬臣方面，但好多時佢又要一個睇兩個，除左迪布尼之外更加要著重佢前面既馬列斯，高華錫就有必要再喺後場幫波多啲，因為始終佐真奴同艾馬臣都唔係善於防守既球員，至於第二球就無咩好講，一打三都比人射入，顯示左把握力既分野。.
仲有基柏完半場前果下自爆，真係好在阿古路把握唔到，如果唔係下半場就更加難捱，喺維持一球上落既比數下面對住曼城其實都踢得幾吃力，論猜波你唔會夠佢地黎，尤其係當你下半場體力流放得七七八八既時候，根本就算你肯跑肯迫埋去佢都傳走左個波，但你唔過去埋身的話佢又會喺度拖，所以都無乜計可以做到啲攻勢出黎，好多時都係靠邊路斬個波入去，但又無乜目標咁連人都唔中，唔見得到有咩效果出到黎，就算先後換入尼爾斯占士、巴舒亞伊同蒙特，都無取得番啲優勢番黎。
.
不過就算今場波輸波，都想比番啲Credit艾斯派古達，佢喺自己禁區做左好幾次擋波攔截，唔係佢的話分分鐘輸得仲多。總結哩場波真係實力上既分野，你可以話車路士係以一個成熟期既控球踢法令佢依加處於英超前列，但曼城係以一個完全體既控球踢法搶去你個第三名，林伯特喺車路士既路，仲係長路漫漫。
文章發表時間 : 24/11/2019 11:55
文章最後更新時間 : 24/11/2019 11:55
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊